Yirmeya 7:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Beyai nsuki yenu ne nuyimashe, nuase muadi ha mutu ha mikuna idi hatuhu; bualu bua Yehowa wakahidia ne wakalekela ba mu tshikondo etshi bakabisha tshiji tshiandi.

MUKANDA WA MYIDI MUKULU

²⁹ Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yirmeya 7:29 交叉引用

Yobe 1:20

Hashishe, Yobo wakajuka, wakahanda muzabi wandi, wakabeya nsuki ya ku mutu, wakatua mpala wandi hanshi, wakatendelela Nzambi.

Mika 1:16

Dikungula mutu, kosa nsuki yebe yonso, bua kujinga bana baudi usankila; ubeye dibala mu mutu bu dia nyunyu wa mukanku, bualu bua nebumushibue kûdi bua kuya mu buhika kule.

Yirmeya 6:30

Bantu nebababikile ne, Bikanganya bia tshiamu tshia argent, bualu bua Yehowa wakubahidia.

Yirmeya 16:6

Ne bantu banene ne bantu bahuekele nebafue mu buloba ebu; kabena bajikibua, bakuabo kabena babajinga anyi baditaha mputa bualu buabo, anyi badibeya nsuki bualu buabo.

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

Matayi 23:36

Bulelela, ndi nuambila ne, Malu â onso nealue kudi bantu ba tshikondo etshi.

Matayi 16:4

Ba mu tshikondo tshibi ne tshia masandi badi bakeba tshimanyinu! kabena babaha tshimanyinu tshikuabo anu tshia Yona. Yeye wakahashîa, wakaya biandi.

Matayi 12:39

Kadi yeye wakabandamuna ne, Ba mu tshikondo tshibi ne tshia masandi, badi bakeba tshimanyinu; kabena babaha tshimanyinu tshikuabo anu tshia muprofete Yona.

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Yezekiyele 28:12

Muana wa muntu, ashile mukelenge wa Tulo muadi, umuambile ne, Mukelenge Yehowa udi wamba ne, Wewe wakadi tshidikishilu tshia bulengele tshishiki, mûle tente ne meji, mukumbane mu bulengele buebe.

Yezekiyele 19:1

Nunku wewe washile baminyampala ba mu Isalele madilu,

Yirmeya 48:37

Ha mutu ha muntu yonso hakutuka dibala, ne bakubeya muevu wa muntu yonso; ha bianza bia muntu yonso hadi mputa yakuditaheye, mu tshifuka tshia muntu yonso mudi bilulu bikayabala.

2 Bakalenga 17:20

Yehowa wakabenga bonso ba mu tshisamba tshia Bena Isalele, wakabakengesha, wakabafila mu bianza bia bahaudi, tô ne hakabumusheye ku mesu kuandi.

Dielulula 32:5

Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

Yeshaya 22:12

Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Yirmeya 3:2

Banduluka, umone miaba idi ha mutu ha mukuna idi kayiyi ne mitshi. Ha muaba kai hadibo kabayi banze kulala nʼebe? Wewe wakushikama kukala kua nshila ubalamina bu mudi Muena Alaba wenza mu tshihela; wakunyanga buloba ne masandi ebe ne malu mabi ebe.

Yirmeya 3:21

Dî didi diunvuibua ku mutu kua mukuna udi kauyi ne tshintu tshidiundahu, didi muadi ne kutendekena bia bana ba Bena Isalele: bualu bua bakakonyangasha nshila wabo, bakahua Yehowa Nzambi wabo muoyo.

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 12:7

Nakulekela nsubu wanyi, nakubenga buhianyi buanyi; nakufila wanyi munanga mu bianza bia badi nʼandi lukuna.

Yirmeya 14:19

Wewe wakuhidia Yuda tshiendelele, anyi? Mutshima webe udi mutondibue bua Siona, anyi? Wakututaha bikole nunku ne kakuena kuondaha kua mputa wetu, anyi? Tuakatekemena ditalala, kadi diakalengele kadiakalua kutudi; tuakatekemena tshikondo tshia kusangala, kadi monai, kabutu kadiku!

Muadi 5:22

biwikala kuyi mutuhidie tshishiki, biwikala kuyi nʼetu tshiji tshitamba bukole.

Amosa 5:1

Unvuai dî edi dia muadi dindi nnuashila, nuenu Bena Isalele.

Yirmeya 9:16

Nembatangadishe munkatshi mua bisamba bia bantu bidibo ne batatuʼabo kabayi banze kumanya. Nentume muele wa nvita ku nyima kuabo tô ne hanamana kushiha buonso buabo.