Yirmeya 6:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Wewe, muana mukashi wa bantu banyi, udiluatshishe ne bilulu bikayabala, udibonde mu butue; udiashile muadi bu mudibo bashila muana mulume umuehele wa muntu, muadi muhite bukole; bualu bua mushihianganyi neatuluishe lukasa.

MUKANDA WA MYIDI MUKULU

²⁶ Bantu banyi bena Izrayele, nuvuale bilamba bia madilu. Nubunguluke mu butu. Nuase miadi, mudibu badila muana mulele umue. Nudile miadi bikole, bualu mushipi wa bantu, neafike kanuyi bamumone to.

Yirmeya 6:26 交叉引用

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Yirmeya 4:8

Bua bualu ebu nudiluatshishe ne bilulu bikayabala, asai miadi ne nudile bienu; bua tshiji tshikole tshia Yehowa katshiena tshianji kumuka kutudi.

Yakobe 5:1

Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.

Yakobe 4:9

Nunyingalashe mitshima yenu, nujinge, nudile muadi; kuseka kuenu kuandamuke kanyinganyinga, ne disanka dienu diandamuke majie.

Luke 7:12

Hakafikeye ha buihi ne tshibuelelu tshia mu musoko, hakadi baluhuka ne muntu mufue, wakadi biandi muana umuehele mulela kudi mamu wandi, mamu wandi wakadi wa mu lufuila; bantu ba bungi ba mu musoko bakadi nʼandi.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Muadi 4:10

Bianza bia bakashi badi ne mitshima ya luse biakalamba bana babo baledibue ha kahia; bakalua bia kudia biabo mu tshikondo tshia kubutuka kua muana mukashi wa bana betu.

Muadi 4:6

Dikenga diakukuata muana mukashi wa bana betu bua mibi yandi didi dihita dikenga diakukuata musoko wa Sodoma bukole, musoko wakubutulabo mu kuvinya kua disu, kauyi ne tshianza tshia muntu tshilenga.

Muadi 4:3

Nyama ya mibuabua mene mene idi yamusha bana bai mabele; kadi muana mukashi wa bana betu wakulua bu muena lukinu, bu nyunyu ya nfiondo ya mu tshihela tshia lusenga.

Muadi 3:48

Mesu anyi adi ahatula binsonshi bu misulu ya mai bualu bua kubutuka kua muana mukashi wa bana betu.

Muadi 2:11

Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Muadi 1:16

Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

Muadi 1:2

Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 8:21

Bua dikenga dia muana mukashi wa bana betu mutshima wanyi udi musame, ndi ngasa muadi; buowa buakunkuata.

Yirmeya 8:19

Unvuai! Dî dia muadi wa muana mukashi wa bantu banyi didi difuma ku buloba budi kule kutamba, diamba ne, Yehowa kena mu Siona, anyi? Mukelenge wandi kenamu, anyi? Bualu kai bakunkuatshika tshiji ku mpingu yabo misonga ne bintu bia hatuhu ya bantu ba bende?

Yirmeya 6:14

Bakûmisha mputa wa bantu ba nyi anu kakese, bamba ne, Ditalala, ditalala; ne ditalala kadiyiku.

Yirmeya 4:20

Kubutuka kudi kulonda kubutuka, bualu bua buloba buonso buakubutuka; ntenta yanyi idi ishimbuka lukasa, ne bilulu bianyi bikudika bidi bituanyika mu kuvinya kua disu.

Yirmeya 4:11

Mu tshikondo atshi nebambile bantu aba ne ba mu Yelushalema ne, Luhehele ludi luosha ludi lufuma ku miaba ya hatuhu ya ha mutu ha mikuna ya mu tshihela, nelufike kudi muana mukashi wa bantu banyi, kaluyi luhehula, kaluyi lutokesha.

Yeshaya 32:11

Hampakanai ne buowa, nuenu bakashi badi banema; zakalai, nuenu badi kabayi ne ntatu; nuvule bilulu bienu, nushale butaka; nudijingile bilulu bikayabala mu bimono bienu.

Yeshaya 30:13

nunku bualu bubi ebu nebuikale kunudi bu mutanta wa mu lumbu lule udi uhuekahuekamu, utantakana tô ne lushimbuka lumbu, ne dishimbuka dialu didi difika lukasa, mu katuha ka diba mene.

Yeshaya 22:12

Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Yeshaya 22:4

Nunku nakamba ne, Lekelai kuntangila, bua meme ndile bikole. Kanukebi kunsamba bualu bua kubutuka kua muana mukashi wa bantu banyi.

Genese 21:16

Yeye wakaya ha bule buludiludi buakadi muana bu mudi muntu wamba kuela mikete, bualu bua wakamba ne, Tshitangidi lufu lua muana Yeye wakashikama buludiludi buakadi muana, wakaula muadi, wakadila.

Yobe 2:8

Yeye wakangata tshiyoyi tshia luesu bua kudikuanya nʼatshi hakadiye ushikama mu diala dia butue.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Yirmeya 18:22

Muadi wa ku nsubu unvuibue, hawabaluisha lukasa ne tshisumbu tshia masalayi, bualu bua bakumbula dijimba bua kunkuata munda muadi, ne bakusokoka mateyi bua kukuatamu makasa anyi.

Muadi 3:16

Wakutshibula menu anyi ne nsoka mikese; wakumbuikila ne butue bua kahia.

Yona 3:6

Hakafika lumu elu ku matshu a mukelenge wa mu Ninewe, yeye wakajuka mu nkuasa wandi wa bukelenge, wakavula tshivualu tshiandi tshia bunfumu, wakaluata bivualu bikayabala, wakashikama mu butue.

Yobe 15:21

Tshiona tshia malu adi amukuatshisha buowa tshidi mu matshu andi; hadiye mushikame talalâ, mushihianganyi udi ulua kumubunda.

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yirmeya 30:5

Bualu bua Yehowa udi wamba ne, Tuakunvua dî dia buowa ne tua kuzakala, kandi dia ditalala nansha.