Yirmeya 6:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa udi wamba ne, Tangilai, bantu badi bafuma ku buloba bua ku nôde; tshisamba tshihite bukole netshibike kunfudilu kua buloba.

MUKANDA WA MYIDI MUKULU

²² Maweja-Nangila udi wamba ne: Bantu nebafumine mu ditunga didi luseke lua ku mutu kua ditunga. Tshisamba tshinene netshituadije luendu ku ndekelu kua buloba.

Yirmeya 6:22 交叉引用

Yirmeya 10:22

Unvuai! Lumu luakufika, ne tshintompatompa tshifume ku buloba bua ku node tshidiku! Mbua kuyuisha misoko ya mu Yuda bikulu, bishikaminu bia nyama ya mibuabua.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 6:1

Nuenu, hana ba Benyamina, nyemai bua kudihandisha, numuke mu Yelushalema, elai mpungi mu Tekoa, ne bandishai tshimuenu ha mutu ha Bete-hakeleme; bualu bua makenga mafume ku luseke lua node adi amha kunukuata, ne kubutuka kunene.

Yirmeya 5:15

Yehowa udi wamba kabidi ne, Unvuai, nendue ne tshisamba tshidi kule bua kuluangana nʼenu, nuenu ba mu Bena Isalele. Tshidi tshisamba tshikele, tshidi tshisamba tshiakadiku kale, tshidi tshisamba tshidi ne muaku unudi kanuyi bamanye, tshidi tshisamba tshidi ne mei anudi kanuyi njingulula.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;

Nehemya 1:9

kadi binuakudimuna mitshima yenu kundi, binuatumikila mikenji yanyi bua kuyenza, binuikala bamuangalashibue kunfudilu kua diulu, nennusangisheku, nennuhingashe ku muaba unakusungula bua kujadikaku dina dianyi.

Yirmeya 4:6

Jadikai dibendela ditangilangana ne Siona; nyemai bua kudibandisha, kanujanguluki nansha; bualu bua nenyishe makenga ku luseke lua nôde, ne kubutuka kunene.

Yirmeya 13:20

Banduluka, umone badi bafume ku node. Tshisumbu tshia mikoko tshiakukuhabo tshidi hanyi, tshisumbu atshi tshilengele?

Yirmeya 47:2

Yehowa udi wamba ne, Mona, mai adi abanda ku luseke lua nôde ne adi ahatukamu; nealue bu musulu munene udi uhueka lubilu bu tshibila tshinene; neahasalale ha buloba ebu ne bintu bionso bidimu, ha misoko ne ha bantu badi bashikamemu. Balume nebadile, ne bena buloba buonso nebase muadi.

Yezekiyele 21:31

Nenkukoleshe tshiji tshianyi, nenkuelele kahia ka tshiji tshianyi; nenkufile mu bianza bia bantu badi bu nyama mene, badi ne lungenyi lule lua kubutula nʼalu bakuabo.

Yirmeya 4:16

Nuambile ba mu bisamba bia bantu bualu ebu; nuambile ba mu Yelushalema kabidi ne, Monai, batentekedi badi bafuma ku buloba budi kule, badi bela misoko ya mu Yuda dî bua kuyidimusha,

Yirmeya 5:16

Musaka wabo wa mikete udi bu lukitu lushiya buashi, buonso buaho badi bena bukitu.

Yirmeya 25:32

Yehowa wa misumba udi wamba ne, Makenga neamuangalake mu tshisamba ne mu tshisamba tshia bantu, tshihuhu tshinene netshibike, tshifume kunfudilu kua buloba.

Yirmeya 30:5

Bualu bua Yehowa udi wamba ne, Tuakunvua dî dia buowa ne tua kuzakala, kandi dia ditalala nansha.

Yezekiyele 23:22

Nunku, Oholiba, Mukelenge Yehowa udi wamba ne, Mona, nenjule bakunangi bua kubuelabo mukoso, bobo mene badi mutshima webe uhidia, nembajule bafume ku nseke yonso bua kukuluishabo:

Abakuke 1:6

Monai, ndi mbisha Bena Kasada, tshisamba atshi tshia bantu badi ne luonji ne benji ba malu lukasa lukasa, badi bahitshila mu buloba bujima bua kunyengabo miaba ya kushikama idi kayiyi yabo.