Yirmeya 6:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Manananshi a ku Sheba adi nebualu kai kundi, ne mienge idi ne muhuya muimpe ya ku buloba bua kule? Tshiena ngitabusha milambu yenu ya kuosha, ne milambu yenu mikuabo kayena isankisha.

MUKANDA WA MYIDI MUKULU

²⁰ Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Yirmeya 6:20 交叉引用

Yeshaya 1:11

Yehowa udi unukonka ne, Bisumbu bia milambu yenu bidi bu tshinyi kundi? Nakumana kukuta ne milambu ya kuosha ya bimpanga ne ya manyi a nyama midisha; tshiena nsanka bua mashi a balume ba ngombe, anyi a bana ba mikoko anyi a mpumbu ya mbushi.

Yeshaya 60:6

Tshisumbu tshia tumelo netshikubuikile, bana balume ba tumelo ba ku Midiyana ne ba ku Efa nehalue, tumelo atu tuonso tua ku Sheba netulue; netulue ne or ne manananshi, netumanyishe bantu bua butumbi bua Yehowa.

Misambu 40:6

Wewe kuena unanga mulambu wa nyama mushiha ne mulambu wa bia kudia; wewe wakujikula matshu anyi. Kuakulomba mulambu wa kuosha ha tshioshelu ne mulambu wa kubuikila nʼau mibi.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Ekesode 30:23

Angata bintu bia manananshi bidi bitambe buimpe myrrhe bujitu bua nshekele nkama itanu, ne cinnamone bujitu bua nshekele nkama ibidi ne makumi atanu, ne canne aromatique bujitu bua nshekele nkama ibidi ne makumi atanu,

Yezekiyele 27:22

Bangendʼa mushinga ba ku Sheba ne Lama bakendulukangana nʼebe mushinga; bakashintakasha nʼebe bintu bia muhuya muimpe bitambe mushinga mukole, mabue a mushinga mukole matamba bulengele ne or, ku bintu biwakenduluka nʼabi.

Yezekiyele 20:39

Mukelenge Yehowa udi wamba bua bualu buenu, nuenu ba mu tshisamba tshia Bena Isalele, ne, Yai bienu, muntu ne muntu, nukuatshile mpingu yenu mudimu; kadi ku nyima nenungunvuile bimpe, ne kanuena munyanga dina dianyi dia tshijila ku bintu binudi nufila ne ku mpingu yenu.

Misambu 66:3

Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

1 Bakalenga 10:10

Yeye wakaha mukelenge ntalanta ya or lukama ne makumi abidi, ne bintu bia muhuya muimpe bia bungi, ne mabue a mushinga mukole: kabakatangila bungi bua bintu bia muhuya muimpe bu muakaha mukelenge mukashi wa mu Sheba mukelenge Solomo kabidi.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 21:27

Mulambu udi bantu babi bafila udi utondesha Yehowa; mona mudiu utamba kumutondesha haluabo nʼau ne mitshima idi ihangidisha malu mabi!

Yirmeya 14:10

Yehowa udi wambila bantu aba ne, Bobo bakunanga kuendakana mu nshila, kabakukanda makasa abo; nunku Yehowa kena mua kubitabusha nansha; mpindiu yeye neavuluke mibi yabo, neakengeshe benji ba malu mabi.

Yirmeya 14:12

Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Osheya 9:4

Kabena bahongoluela Yehowa milambu ya nvinyo, ne milambu yabo ne nyama mimushihula kayena imusankisha kabidi. Bia kudia biabo nebikale bu bia kudia bia bena madilu, bualu bua bonso badi babidia nebabihe. Bualu bua bia kudia biabo bidi biabo nkayabo; kabiena mua kubuela mu nsubu wa Yehowa.

2 Samuele 15:12

Abashaloma wakatuma dî, wakabikila Ahitofele, Muena Gilo, muena lungenyi wa Davidi, ku musoko wandi, ku Gilo mene, hakadiye ufila milambu. Tshifufu tshiakatamba bukole, bualu bua bantu bakavulangana kudi Abashaloma.

Malaki 1:10

Nakadi kusua bua muntu wa munkatshi muenu inshile bibi bia ku biendelu bia mu ntempelo bua nuenu kanutemeshi kahia ha tshioshelu tshianyi tshianana! Yehowa wa misumba udi wamba ne, Tshiena ne disanka bua malu enu, tshiena ngitabusha mulambu ku tshianza tshienu.