Yirmeya 6:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

MUKANDA WA MYIDI MUKULU

¹⁹ Bantu bonsu ba pa buloba, telejayi: Nenkengeshe bantu aba bua kubanyoka bua buenzavi buabu. Bavua bapepeja bionsu bimvua mbambila. Bavua babenga meyi anyi.

Yirmeya 6:19 交叉引用

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Bienzedi 8:22

Nunku kudimuna mutshima webe, ulekele bubi buebe ebu, ulombe Nzambi ne bumue neakubuikidile meshi adi munda muebe.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Yirmeya 8:9

Bena meji badi bafuishibue bundu, badi bakuatshika buowa ne badi bakuatshibua; monai, bakahetula dî dia Yehowa; meji kai adi munda muabo?

Yowanane 12:48

Wampidia meme ne wahidia mei anyi udi ne mumulumbuluishi; dî diakamba nedimulumbuluishe dituku dia kunshikidilu.

Mika 6:2

Nuenu mikuna minene, unvuai mpata idi Yehowa nʼai; telejai matshu, nuenu bishimikidi bia buloba, bualu bua Yehowa udi ne mpata kudi bantu bandi, ne yeye nealumbulule ne Bena Isalele.

Osheya 10:13

Nunkukuna malu mabi, nuakuhuola anu bubi, nuakudia mamuma a mashimi; bualu bua nuakueyemena nshila wenu ne tshisumbu tshia bena bukitu benu.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Yirmeya 22:29

Wewe buloba, buloba, buloba, unvua dî dia Yehowa!

Yirmeya 6:10

Nengambile banganyi mei, nendimushe banganyi bua kunvuabo? Monai, ditshu diabo kadiena dijidila, kabena mua kunvua bimpe; monai, dî dia Yehowa diakulua bu tshihendu kudibo; kabena ne disanka bualu buadi.

Yirmeya 19:15

Edi ndî didi Yehowa wa misumba, Nzambi wa Isalele, wamba ne, Monai, nentumine ha mu musoko eu ne ba mu ntshiama yau yonso makenga onso anakubambila, bualu bua bakukolesha mitshima yabo bua kabunvu mei anyi.

Yeshaya 66:18

Bualu bua ndi mumanye midimu yabo ne meji abo, ndualua bua kusangisha bisamba bionso bia bantu ne nuaku yonso; nebalue, nebamone butumbi buanyi,

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Nsumuinu 28:9

Udi umusha matshu andi ku diyisha dia mikenji, mulombu wandi udi utondesha Nzambi.

Nsumuinu 15:26

Meji a malu mabi adi atondesha Yehowa, kadi mei a disanka adi makane kudiye.

1 Samuele 15:26

Samuele wakambila Shaula ne, Tshiena mpingana nʼebe nansha, bualu bua wewe wakahidia dî dia Yehowa, ne Yehowa wakakuhidia bua wewe kuikala mukelenge ku mutu kua Bena Isalele.

1 Samuele 15:23

Kutomboka kudi bualu bubi bu butempi bua mbuku ne tshitshu tshidi bu kutendelela kua mpingu ne manga a hatuhu. Bualu bua wewe wakahidia dî dia Yehowa yeye kabidi wakakuhidia bua wewe kuikala mukelenge.

Dielulula 32:1

Diulu, teleja matshu, nengambe, buloba bunvue mei a mukana muanyi.

Dielulula 30:19

Meme ndi mbikila diulu ne buloba bu bamonyi ba bualu ne, Nakuteka muoyo ne lufu, ne disanka ne mulau ku mpala kuenu lelu: muiku nudisunguile muoyo, nenuikale ne muoyo ne nuenu ne bana benu,

Dielulula 4:26

ndi mbikila diulu ne buloba bu bamanyi ba bualu kunudi lelu ne, Nenujimine ha buloba bunudi nuhiana dishiya dia Yadene tshituha tshihi; kanuena nuvudishangana matuku enu ha buloba, kadi nebanujimishe bulelela.

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yirmeya 6:18

Nunku unvuai, nuenu bisamba bia bantu, numanye kabidi, nuenu badi badisangisha, bualu budi buamba kubakuata.

Yirmeya 11:11

Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 19:3

Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yirmeya 29:19

Bualu bua Yehowa udi wamba ne, Kabakutumikila mei anyi anakabatumina kudi bantu banyi baprofete, njuka bianyi ne lunkelu bua kubatuma; kadi kabakasua kunvua.

Yirmeya 49:37

Nenkuatshishe Bena Elama buowa ku mpala kua badi nʼabo lukuna, ku mpala kua badi bakeba mioyo yabo. Yehowa udi wamba ne, Nembavuishile ntatu, tshiji tshianyi tshikole mene. Nentume muele wa nvita ku nyima kuabo, tô ne hanababutula bonso.

Amosa 2:4

Yehowa udi wamba dî edi ne, Bua malu mabi asatu a Bena Yuda, nansha bua anai, tshiena nkudimuna dikenga dindualua Kubakengesha nʼadi; bualu bua bakubenga mayisha a mu mikenji ya Yehowa, kabakutumikila mikenji yandi; kadi mashimi abo akabahambuisha mu nshila, mashimi mene akadi batatu babo nʼau.

Mika 1:2

Unvuai, nuenu bantu, buonso buenu; telejaiku, wewe buloba ne bintu biebe bionso. Mukelenge Yehowa, Mukelenge mu ntempelo wandi wa tshijila, anuleshe.

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yirmeya 4:16

Nuambile ba mu bisamba bia bantu bualu ebu; nuambile ba mu Yelushalema kabidi ne, Monai, batentekedi badi bafuma ku buloba budi kule, badi bela misoko ya mu Yuda dî bua kuyidimusha,

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Yirmeya 21:14

Yehowa udi wamba ne, Nenkukengeshe bu mudi mamuma a bienzedi biebe, nentemeshe kahia mu ditu diandi, nekoshe bintu bionso bidi bimunyunguluka.

Danyele 9:11

Bulelela, bonso ba mu Isalele bakushiha mikenji yebe, bakusesuka, kabakunvua dî diebe. Nunku bakutuha mulau bu muakuamba mutshihu udi mufunda mu mikenji ya Mose, muntu wa Nzambi, bualu bua tuakuenzela Nzambi bibi.