Yirmeya 51:44 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Nenkengeshe Bele mu Babulona, nempatule bintu biakumineye mukana muandi. Bena lukanu ba mu bisamba bia bantu kabena baya mu bisumbu kudiye kabidi, e, lumbu lua Babulona luakushimbuka.

MUKANDA WA MYIDI MUKULU

⁴⁴ Maweja-Nangila udi wamba ne: “Nennyoke Baale, mvidie wa bena Babilone. Nemmulukishe bintu bionsu bivuaye mumine. Bisamba bia bantu kabiena bifika kabidi kudiye bua kumulambula. Bimana bia tshimenga tshia Babilone nebiupuke panshi.

Yirmeya 51:44 交叉引用

Yirmeya 51:58

Yehowa wa misumba udi wamba ne, Ngumbu minene ya Babulona nevishimbudibue kashidi, ne bibi biandi bile nebioshibue ne kahia; nunku bantu badi bakuata mudimu hatuhu, ne bisamba bia bantu bidi biditatshisha anu bua kumona midimu yabo mihie mu kahia.

Yirmeya 51:34

Nebukadenesâ, mukelenge wa Babulona, wakundia, wakundiata munda mua makasa andi, wakunvuisha bu dilonga didi munda mutuhu, wakummina bu mudi nyama munene wenza, wakûsha matama andi tente ne bia kudia bianyi bia nse, wakunsukasha.

Yirmeya 50:2

Ambai dî edi munkatshi mua bisamba bionso, nubamanyishe lumu elu, bandishai dibendela, ambilai bantu dî edi, kanusokoki dî dimue; ambai ne, Bakuhita Babulona bukole, Bele udi mufuishibue bundu, Melodaka udi mushimbula, bintu biandi bidibo basonga bidi bifuishibue bundu, mpingu yandi idi mitambibue bukole.

Yeshaya 2:2

Mu matuku atshidi alua mukuna wa nsubu wa Yehowa neujadikibue bu mukuna muhite mikuabo bule, neubandishibue ha mutu ha mikuna mikese; ne ba mu bisamba bionso nebabuelemu.

Danyele 5:31

Dayawesha, Muena Madai, wakadia bukelenge, wakadi ne bidimu bu makumi asambombo ne bibidi.

Danyele 5:26

Eku nkujingulula kua muanda eu: MENE, Nzambi wakubala matuku a bukelenge buebe, wakubumana.

Danyele 5:19

Bua bunene buakamuhesheye, bantu ba bisamba bionso ne ba mu miaku yonso bakazakala ku mpala kuandi ne bakamutshina. Bakasueye kushiha, wakabashiha; bakasueye kushiya ne muoyo, wakabashiya ne muoyo; bakasueye kubandisha, wakababandisha; bakasueye kuhuekesha, wakabahuekesha.

Danyele 4:22

Mutshi eu nguewe muine, mukelenge. Wewe wakudiunda mimene ne mukole; bualu bua bunene buebe buakuhita bunene, budi bufika tô ne mu diulu, bukokeshi buebe budi bufika tô ne kunfudilu kua buloba.

Danyele 4:1

Mukelenge Nebukadenesâ udi utuma dî kudi bantu bonso, ba bisamba bionso ne ba miaku yonso badi bashikame ha buloba buonso ne, Ditalala dikumbane kunudi.

Danyele 3:29

Nunku ndi ngela mukenji ne, Muntu yonso, wa tshisamba tshionso, anyi wa muaku wonso wadiula Nzambi wa Shadalaka, Meshaka ne Abedenego, nebamukose bituha bituha, nebavuishe nsubu wandi bu diala; bualu bua kakuena nzambi mukuabo udi mua kuhandisha bantu bu muakuenzeye.

Danyele 1:2

Mukelenge Yehowa wakafila Yehoyakima, mukelenge wa Yuda, mu bianza biandi, ne tshituha tshia malonga ne mpanza bia mu nsubu wa Nzambi; yeye wakaya nʼabi mu buloba bua Shinâ mu nsubu wa nzambi wandi. Wakabiteka mu nsubu wa tshibutshilu tshia nzambi wandi.

Yirmeya 51:53

Yehowa udi wamba ne, Nansha biabanda Babulona tô ne mu diulu, nansha biakolesheye muaba wandi mukole kulu mene, bahaudi nebabike kudiye ba tume kundi meme.

Yirmeya 51:47

Nunku, tangilai, mu matuku alualua, nenkengeshe mpingu misonga ya mu Babulona, ne ba mu buloba buandi bonso nebafuishibue bundu; bantu bandi bashihibue bonso nebahone hanshi munkatshi mua buloba buandi.

Yirmeya 51:18

Idi bintu bia hatuhu bia kudinga nʼabi bantu, halua tshikondo tshiabi tshia kufua, nebijimine.

Yirmeya 50:15

Numuele bibingu ku nseke yandi yonso, udi wamba kuteketa, bishimikidi biandi biakuhuka, badi bashimbula ngumbu yandi. Bualu bua edi ndisombuela dia Yehowa, nunku nudisombuele kudiye, numuenzele yeye bu mudiye wenzela bakuabo.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

2 Kulondolola 36:7

Nebukadenesâ wakaya kabidi ne mpanza mikuabo yakadi mu nsubu wa Yehowa, wakayiteka mu ntempelo wandi wa mu Babulona.

Yeshaya 21:9

Ne mona, tshisumbu tshia bena tubalu tshidi tshilua, babandi ha nyima ha tubalu benda ku babidi ku babidi! Yeye wakampingishila dî ne, Babulona wakûhuka, wakûhuka; mpingu yonso ya nzambi yabo yakutshibuka bituha bituha, yakuhona hanshi ha buloba.

Yobe 20:15

Yeye udi umina biuma, ne udi ubiluka kabidi; Nzambi udi ubihatula mu difu diandi.