Yirmeya 50:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hatukai mu Babulona bua kunyema, luhukai mu buloba bua Bena Kasada; nuikale bu mpumbu ya mbushi ku mpala kua bisumbu biai.

MUKANDA WA MYIDI MUKULU

⁸ Ke padi Maweja-Nangila utuma diyi ne: “Patukayi lubilu mu Babilone, umukayi mu ditunga edi. Fuilakanayi mushiku wa mbelu mudi mbuji ya mpumbu ifuilakana kumpala kua mikoku.

Yirmeya 50:8 交叉引用

Yirmeya 51:6

Numuke mu Babulona, nunyenge, muntu yonso asungile muoyo wandi; kanufu nʼandi mu bubi buandi, bualu bua etshi ntshikondo tshia disombuela dia Yehowa, yeye neabafute difutu diabo.

Yeshaya 48:20

Hatukai mu Babulona, nunyeme Bena Kasada! Nuambe bualu ebu ne dî dia kuimba musambu, nuambe bualu ebu, nutume dî edi tô ne kunfudilu kua buloba! Nuambe bienu ne, Yehowa wakuhikula muntu wandi Yakoba.

Didimanyisha 18:4

Nakunvua dî dikuabo difuma mu diulu diamba ne, Bantu banyi, nuluhuke munkatshi muandi, bua nuenu kanuikadi ne buobumue nʼandi mu malu mabi andi, bua kanuangatshi makenga andi,

Yirmeya 51:45

Bantu banyi, luhukai munkatshi muandi! Muntu yonso adisungile ku tshiji tshikole tshia Yehowa.

2 Korente 6:17

Nunku umukai munkatshi muabo, nuikale batahuluke, bu mudi Mukelenge wamba; Kanulengi tshintu tshibiha, ne meme nenuitabushe,

Yeshaya 52:1

Tabala, tabala, wewe Siona, udiluatshishe bukole buebe; udiluatshishe bivualu biebe bilengele, wewe Yelushalema, musoko wa tshijila! Bualu bua ku dituku edi tô ne ku mpala udi kayi mutengula ne udi mubiha kabena babuela munda muebe kabidi.

Nsumuinu 30:31

Kabalu ka nvita, mpumbu wa mbushi, ne mukelenge udi wenda ku mpala kua masalayi andi.

Dibadika 16:26

Yeye wakambila tshisumbu tshia bantu ne, Umukai, ndi nnusengelela, ku ntenta ya bantu aba babi, kanulengi tshintu tshiabo tshianza, kabanushihi bua mibi yabo.

Yeshaya 52:11

Umukai, umukai, nuluhuke mu muaba wawa, kanulengi tshintu tshidi tshibiha! Nuluhuke munkatshi mua musoko au; nudilengeshe, nuenu badi batuala malonga a Yehowa.

Zekâya 2:11

Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.