Yirmeya 5:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bu mudi musasa mûle tente ne nyunyu, nsubu yabo kabidi idi miule tente ne mashimi; nunku bakulua bantu banene ne babanji.

MUKANDA WA MYIDI MUKULU

²⁷ Bu mudi nsanji muwule tente ne nyunyi, ke mudi nzubu ya bena Izrayele miwule tente ne bintu bivuabu bapete mu buivi. Ke padi bena Izrayele bapete bukole, bapete bubanji bua bungi.

Yirmeya 5:27 交叉引用

Didimanyisha 18:2

Wakela dî dikole, wamba ne, Babulona munene wakuhuka, wakuhuka, wakulua muaba wa bademon ne nsubu wa lukanu wa nyuma yonso wa bukoya, ne nsubu wa lukanu wa nyunyu yonso wa bukoya ne udi wa kukina.

Mika 1:12

Muana mukashi udi mushikame mu Malota udi uhampakana hadiye windila lumu luimpe. Bualu bua dikenga difume kudi Yehowa diakufika tô ne ku tshibuelelu tshia ku Yelushalema.

Yirmeya 9:6

Yehowa udi wamba ne, Wewe udi mushikame munkatshi mua mashimi; bualu bua mashimi abo badi babenga kummanya meme.

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Yirmeya 12:1

Yehowa, wewe udi muakane hanakeba kukuela mpata, kadi ndi musue kuyikilangana nʼebe bualu buanyi: Nshila wa bantu babi udi ne diakalengele bualu kai? Bualu kai bonso badi basonguelangana badi ne ditalala?

Sefanya 1:9

Mu didiku adi nenkengeshe muntu yonso udi ubandila ha mutu ha mushiku wa mbelu, ne badi busha nsubu wa mukelenge wabo tente ne malu a tshimbambila ne mashimi adibo badingangana nʼau.

Yobe 12:6

Ntenta ya banyengi ba bintu idi anu ne diakalengele, ne badi bakuatshisha Nzambi tshiji badi bashikama talalâ, nansha yonso mulue ne nzambi wandi mu tshianza tshiandi.

Yeshaya 3:14

Yehowa neabande bankolomo ne bakokeshi babo ba bantu bandi ne, Nuenu mene bakudia tumuma tuonso tua mu budimi bua tumuma tua nvinyo; bintu binuakunyenga kudi bahele bidi mu nsubu yenu.

Osheya 12:9

Kadi meme ndi Yehowa Nzambi wenu, kutuadisha ku buloba bua Ejipitu tô ne kunoku; nennushikike kabidi mu ntenta, bu munuakashikama mu matuku a disanka dia kudia bidia.