Yirmeya 48:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Nebahite misoko yandi bukole, nebanyenge misoko idi ne ngumbu ya mabue; mitshima ya bena bukitu ba mu Moaba neyikale bu mutshima wa mukashi udi ne didinyenga dia ha kuleleye.

MUKANDA WA MYIDI MUKULU

⁴¹ Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Yirmeya 48:41 交叉引用

Yeshaya 21:3

Nunku tshimono tshianyi tshiakûla tente ne kanyinganyinga, didinyenga diakunkuata, bu dia mukashi udi ne didinyenga dia ha kuleleye. Nakulua mukobame, ne bua muanda eu tshiena mua kunvua; nakukuatshika buowa, ne bua muanda eu tshiena mua kutangila.

Yeshaya 13:8

ne bobo nebakuatshike buowa. Makenga ne tunyinganyinga nebibakuate; nebikale ne dikenga bu mukashi udi ne didinyenga dia ha kuleleye, Nebatangilangane muntu ne muntu ne ditshina, mpala yabo mikale bu mpala miteme ne kahia.

Yirmeya 49:22

Monai, yeye neabuke kulu, neahahale bu nyunyu wa mukanku, neolole mahuahua andi bua kuluisha ba mu Bosela; mitshima ya bena nvita ba mu Edome mu dituku adi neyikale bu mutshima wa mukashi mu didinyenga diandi dia ha kulela.

Yirmeya 30:6

Nukonkangane, numone ne muntu mulume udi mua kuikala ne kanyinganyinga ka kuleleye muana, anyi? Kadi bualu kai ndi mmona muntu mulume yonso ne bianza biandi bikuate mu tshifuka, bu mukashi udi ne didinyenga dia ha kulela, ne mpala yabo yonso idi mitokoloke bua dikenga?

Yirmeya 6:24

Tuakunvua lumu luabo, bianza bietu bidi bilembelesha; kanyinganyinga kakutukuata bu didinyenga dia mukashi udi wamba kulela.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Yirmeya 51:30

Bena nvita ba mu Babulona bakulekela kuluangana, badi bashala mu mpangu yabo ya mabue, bukole buaho buakashika, bakulua bu bakashi; nsubu yandi idi mikuate kahia, biamu bia ku bibi biandi biakutshibuka.

Yirmeya 50:43

Mukelenge wa Babulona wakunvua lumu luabo, maboko andi akulua matekete; kanyinganyinga kakumukuata, dikenga bu didinyenga dia mukashi udi wamba kulela.

Yirmeya 49:24

Damaseke wakulekela, udi utshunguluka bua kunyemeye, kuzakala kudi kumukuata; majia ne kanyinganyinga bidi bimukuata bu mudi mukashi mukuatshike didinyenga dia ha kulela.

Yirmeya 4:31

Bualu bua nakunvua dî bu dia mukashi udi mukuatshike ne didinyenga dia kulela, kanyinganyinga kandi bu ka mukashi udi wamba kulela muanʼandi wa diambedi. Didi bu muadi wa muana mukashi wa Siona, udi uhuyakana, udi wolola bianza biandi ne, Mulau wakunkuata! Bualu bua mutshima wanyi udi muhungile ku mpala kua banshihi banyi.

Yirmeya 4:9

Yehowa udi wamba ne, Mu dituku adi mutshima wa mukelenge neufue, mitshima ya baminyampala neyifue kabidi; bakuidi nebakeme, baprofete nebatue mikemu.

Yirmeya 48:24

ne Keliyota ne Bosela ne misoko yonso ya mu buloba bua Moaba, idi hehi ne idi kule.

Yirmeya 50:37

Muele wa nvita ufike kudi tubalu tuandi, ne kudi makalu andi a nvita, ne kudi bantu ba bende bonso badi bashikame munkatshi mua bantu bandi, bua bandamuke biabo bu bakashi! Muele wa nvita ufike ku bintu bia mu bibutshilu biabo, bua bakuabo babanyengebi!

Amosa 2:2

Nunku nentume kahia bua kuosha Moaba, nekashidishe nsubu ya banfumu idi mu Keliyota. Moaba neafue munkatshi mua tshintompatompa tshia nvita, helabo mbila ne tshiona tshia mpungi.