Yirmeya 48:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Numukuatshishe maluvu bualu bua wakudilesha ku mesu kua Yehowa; ba mu Moaba nebabunguluke mu bilushi biabo, nebasekibue.

MUKANDA WA MYIDI MUKULU

²⁶ Bena Mowabe mbatombokele Maweja-Nangila. Nembanuishe maluvu bua bakuatshike, baluke, badishinde mu bilushi, bantu bonsu kubaseka.

Yirmeya 48:26 交叉引用

Yirmeya 51:39

Yehowa udi wamba ne, Huiwuabo luya lua nvinyo, nembalongoluele bidia bia disanka, nembakuatshishe maluvu, bua basanke biabo, balale tulu tua tshiendelele, kabayi batabale.

Yirmeya 48:42

Ba mu Moaba nebashihibue bua kabikadi bu tshisamba tshia bantu, bualu bua bakutamba kudibandisha kudi Yehowa.

Yeshaya 29:9

Hampakanai! Tuai mikemu! Nudifofomeshe mesu! Nuikale bafofo! Badi bakuatshike, kadi kabayi banua nvinyo; badi butenkakana, kadi kabayi banua maluvu makole.

Yeshaya 19:14

Yehowa wakusonsola nyuma wa tshibondakasha munkatshi muabo; ne bakuhambuisha Bena Ejipitu mu mudimu wabo wonso, bu mudi muntu mukuatshike maluvu wenda ututubila mu nshila uluka bilushi biandi.

Danyele 5:23

Kadi wakudibandisha ne wakuhetula Mukelenge wa mu diulu; bua bakulua ne mpanza ya mu nsubu muandi ku mpala kuebe; wewe ne miloho yebe, bakashi bebe ne bakashi bahika bawakabaka nuakunuinamu nvinyo. Wewe wakutumbisha nzambi ya tshiamu tshia argent ne tshia or, ya tshiamu tshia mitaku, ya tshiamu tshifike, ya mitshi ne ya mabue, nzambi idi kayiyi mua kumona anyi kunyua anyi kumanya bualu. Kuena mutumbishe Nzambi udi ne muhuya webe mu tshianza tshiandi, udi mumanye bienzedi biebe bionso.

Muadi 4:21

Wewe muana mukashi wa Edome, udi mushikame mu buloba bua Uza, anji kusanka, wikale ne disanka mu mutshima. Luhanza nelufike kûdi kabidi; neukuatshike maluvu, neuvule bilamba biebe bionso.

Yirmeya 51:7

Babulona wakadi luhanza lua or mu tshianza tshia Yehowa, luakakuatshisha ba ha buloba bonso maluvu a malu mabi andi, ba mu bisamba bia bantu bakuma nvinyo yandi, nunku ba mu bisamba ebi bakuhala.

Yirmeya 48:39

Monai mudi Moaba mushimbuke! Monai mudibo badila muadi! Monai mudi Moaba muele nyima wandi bualu bua bundu buakumukuata! Nunku Moaba nealue bu tshintu tshidibo baseka, tshidi tshikuatshisha bonso badi bamunyunguluke buowa.

Ekesode 5:2

Palo wakamba ne, Yehowa nganyi? Tshiena ngitabusha di diandi bua kulekela Bena Isalele. Meme tshiena mumanye Yehowa ne tshiena ndekela Bena Isalele.

Didimanyisha 16:19

Ne musoko munene wakatahuluka mu bituha bisatu, ne misoko ya bisamba bia bende yakuhuka; ne Babulona munene wakavulukibua ku mesu kua Nzambi bua kumuhesha luhanza lua nvinyo ya bukole bua tshishi tshiandi.

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

Abakuke 2:16

Bundu buebe nebutambe, butumbi buebe nebukehe; nua biebe, utetuke! Luhanza lua mu tshianza tshia bukole tshia Yehowa nelufike kûdi, bundu bukole nebubihishe butumbi buebe.

Nahume 3:11

Wewe kabidi neukuatshike maluvu, neufue tshihuka, neukebe tshinyemenu bua kuhanduka kudi muena lukuna.

Danyele 11:36

Mukelenge au nênze bu mudi mutshima wandi musue; neadinemeshe, neadibandishe ba mutu ba nzambi yonso, neadiule Nzambi wa nzambi ne mei adi matambe bubi. Neatute dikasa dimpe tô ne hashika tshiji tshia Nzambi, bualu bua malu akahangidisheye nênjibue.

Muadi 3:15

Wakungusha tente ne nyongangandu, wakungukutshisha ne bululu.

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Yirmeya 51:57

Mukelenge udibo babikila ne, Yehowa wa misumba, udi wamba ne, Nenkuatshishe baminyampala bandi ne bena meji bandi maluvu, ba-gouverneur bandi, miloho yandi, bena nvita bandi bakole muomumue; nebalale tulu tua tshiendelele, kabena batabala kabidi.

Yeshaya 63:6

Nakadiata bantu hanshi mu tshiji tshianyi, nakabavuisha bu bantu bakuatshika mu tshiji tshianyi, nakahumuna mashi a mioyo yabo hanshi ha buloba.

Yeshaya 51:17

Tabala, tabala, bika biebe, Yelushalema, wakunua luhanza lua tshiji tshiandi ku tshianza tshia Yehowa, wakunua luhanza ludi lukutenkakasha, waku dî mana tô ne ku binyindanyinda.

Yeshaya 10:15

Tshisui netshimanye mua kufunyina nfumu watshi udi utaha nʼatshi, anyi? Scie neamanye mua kudibandisha kudi udi uhanda nʼandi, anyi? Ebu mbu muakadi mulangala kulembelela bantu badi baubisha, anyi mbu muakadi tshibonge kubisha muntu udi kayi mufukibue mutshi!

Misambu 75:8

Bualu bua mu tshianza tshia Yehowa mudi luhanza ne maluvu adi alulukamu; ludi lûle tente ne bintu bia muhuya muimpe bisangisha ne maluvu, ne yeye udi uhumunamu tshituha tshialu. Bulelela, bantu babi bonso ba ha buloba nebanuemu tô ne bishikishiki bialu, nebabinue kabidi.

Misambu 60:3

Wakumueneshila bantu bebe malu makole akukengabo; wakutunuisha nyinyo yakutulenduisha.

Misambu 59:8

Kadi wewe Yehowa, udi ubaseka; udi uhetula ba mu bisamba bia bantu bionso.

Misambu 2:4

Yeye udi mushikame mu diulu udi useka, Mukelenge udi uhahetula.

Yobe 9:4

Yeye udi ne meji mu mutshima, ne udi ne bukole buhite, muntu kai wakukolesha mutshima wandi ku mpala kuandi ne wakutula dikasa dimpe?

Ekesode 9:17

Wewe utshidi udibandisha kudi bantu banyi, udi uhidia kubalekela munyi?

Yeshaya 28:8

Mesa onso adi mabuikila ne bilushi biabo ne bukoya, kakuenahu muaba udi kauyi ne bukoya.

Danyele 8:10

Luakalua lunene bu bintu bia mu diulu; luakela misumba mikuabo ya mitoto hanshi, luakayidiata muinshi mualu.

Yobe 15:25

Bualu bua wakuolola tshianza tshiandi bua kutombokela Nzambi, ne udi udifunyisha kudi Wa Bukole Buonso.

Yirmeya 50:29

Bikilai bananyi ba mata bua kuluisha Bena Babulona, bonso badi banana buta; babanyunguluke ne bitudilu bia bena nvita mu nseke yonso, muntu wandi umue kahanduki: Numufute bu mudi bienzedi biandi, bualu bua wakudibandisha ku mpala kua Yehowa, Wa Tshijila wa Isalele.