Yirmeya 4:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

MUKANDA WA MYIDI MUKULU

¹⁴ Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Yirmeya 4:14 交叉引用

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

Bienzedi 8:22

Nunku kudimuna mutshima webe, ulekele bubi buebe ebu, ulombe Nzambi ne bumue neakubuikidile meshi adi munda muebe.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

1 Korente 3:20

Bakafunda kabidi ne, Mukelenge udi mumanye meshi a bena meshi ne, Adi hatuhu.

Rome 1:21

Bualu bua hakamanyabo Nzambi, kabakamutumbisha bu Nzambi, kabakamusakidila; kadi meshi akelabo akalua a hatuhu, ne mitshima yabo mijibale yakalua mîdima.

Luke 11:39

Mukelenge wakamuambila ne, Ahu nuenu Bafalese nutu nûvua ha nyima ba luhanza ne dilonga, kadi munda muenu mudi mûle tente ne bunyengi ne malu mabi.

Yirmeya 13:27

Nkutangila malu mabi ebe, masandi ebe, mei a kusamina kuebe kua masandi, bundu bua masandi ebe, ha mutu ha mikuna ya mu mpata. Mulau newikale kûdi, Yelushalema! Musangu neulehe bule bishi kuyi muanze kutokeshibua?

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Misambu 66:18

Bu meme inulame malu mabi mu mutshima wanyi, Mukelenge kakadi kungunvuila.

Matayi 12:33

Nasha nuamba ne mutshi udi muimpe ne mamuma au adi mimpe, nasha nuamba ne mutshi udi mubi ne mamuma au adi mabi; bua mamuma adi amanyisha mudi mutshi wau.

Yezekiyele 18:31

Nudiumushile malu mabi enu onso anuakungenzela, nudiangatshile mutshima muhia-muhia ne nyuma muhia-muhia. Bualu kai nudi basue kufua, nuenu ba mu tshisamba tshia Bena Isalele?

Misambu 119:113

Ndi nkina bena mitshima ibidi; kadi ndi nnanga mikenji yebe.

Misambu 51:2

Unguvuwe tshishiki ku mahambuka anyi, untokeshe ku bubi buanyi.

Yirmeya 2:22

Mukelenge Yehowa udi wamba ne, Biwowa ne buanga bua nsabanga, biwangata nsabanga wa bungi, bubi buebe butshidi bufunda ku mpala kuanyi.

Yirmeya 6:19

Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

Yirmeya 17:1

Bubi bua ba mu Yuda budi bifundibue ne tshiamu tshia kutaha nʼatshi maleta ne ku lusongo lua dibue dia diamant; budi butahibue ha dibue dia mu mitshimai yabo ne ha nsengu ya bioshelu biabo.

Zekâya 8:17

Yehowa udi wamba ne, Nansha umue wa munkatshi muenu kahangidishi bualu mu mutshima wandi bua kuenzeleye muena mutumba nʼandi bibi; kanunangi mutshihu wa mashimi, bualu bua ndi nkina malu â onso.

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yowanane 13:9

Simona Petelo wakamuambila ne, Mukelenge, kungoweshi anu makasa anyi nkayau, ungoweshe kabidi bianza ne mutu.