Yirmeya 32:32 - Mukanda wa Nzambi Dihungila Dikulukulu ne Dihungila Dihia-dihia 2003

³² bua malu mabi onso adi Bena Isalele ne Bena Yuda benze bua kunkuatshishabo tshiji, ne bobo bine ne bakelenge babo ne baminyampala babo, bakuidi babo ne baprofete babo, bantu ba mu Yuda ne bantu badi bashikame mu Yelushalema,

MUKANDA WA MYIDI MUKULU

³² Ndi musue kutshibutula bua malu mabi avua bena Izrayele ne bena Yuda benza, ne avuabu benza kabidi kudi bakalenga babu, kudi bamfumu babu, kudi batuangaji babu, kudi bambi babu, kudi bantu ba mu ditunga dia Yuda ne ba mu Yerushalayime.

Yirmeya 32:32 交叉引用

Danyele 9:8

Mukelenge, ku mesu kuetu kudi anu bundu, kudi bakelenge betu, kudi bakokeshi betu ne kudi batatuʼetu, bualu bua tuakukuenzela bibi.

Yirmeya 2:26

Bu mudi muibi Ukuatshika bundu hamukuatabo, ba mu Bena Isalele nebakuatshike bundu nunku; bobo bine, bakelenge babo, baminyampala babo, bakuidi babo ne baprofete babo;

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Ezela 9:7

Ku matuku a bankambua betu tô ne ku lelu tuakutamba kuhila; bua malu mabi etu, tuetu ne bakelenge betu ne bakuidi betu tuakafidibua mu bianza bia bakelenge ba maloba makuabo ku muele wa nvita, ku buhika ne ku kuhaula kua bintu bietu ne ku kufuishibua kua bundu ku mesu, bu mudibiku lelu eu,

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Yezekiyele 22:6

Tangila, baminyampala ba Betu Isalele, bakumatshisha mashi a be munkatshi muenu hanshi, muntu ne muntu bu muakadi bukole buandi.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Yirmeya 44:21

Yehowa kakavuluka musenga wa manananshi unuakosha mu misoko ya Yuda ne mu misesu ya Yelushalema, nuenu ne batatuʼenu, banfumu benu ne baminyampala benu, ne bantu ba mu buloba buenu, anyi? Malu â kakadi mu mutshima wandi, anyi?

Danyele 9:16

Mukelenge, bu mudi bienzedi biebe bionso biakane udi nkusengelela ne, Tshifikʼa munda tshiebe ne tshiji tshiebe tshikole biumuke ku musoko webe Yelushalema, mukuna webe wa tshijila. Bualu bua mitu yetu ne bua malu mabi a batatuʼetu, Yelushalema ne bantu bebe biakulua tshihendu kudi bantu bonso badi batunyunguluke.

Yeshaya 22:1

Dî dia tshijila bualu bua tshibanda tshia tshikena kumona. Bualu kai buakunkuata mpindiu bua buonso buenu nuakubanda ha mitu ha nsubu?

Yirmeya 7:17

Kuena utangila malu adibo benza mu misoko ya mu Yuda ne mu misesu ya Yelushalema, anyi?

Danyele 9:7

Mukelenge wetu, buakane budi kudi, kadi tuetu tudi ne bundu ku mesu, bu mudibu lelu eu, kudi bantu ba mu Yuda ne kudi badi bashikame mu Yelushalema, kudi Bena Isalele bonso, kudi badi ha buihi ne kudi badi kule, mu maloba onso awakubatuma, bualu bua kutomboka kuabo kuakukutombokelabo.