Yirmeya 32:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Wakabaha buloha ebu buwakaditshiha kudi batatu babo ne, Nennuhebu, buloba budi bûle tente ne mabele ne buitshi.

MUKANDA WA MYIDI MUKULU

²² Uvua mulaye bankambua betu, muditshipe ne: nennupeshe ditunga. Ke muaba utudi tusomba lelu. Ditunga edi didi ne mabela ne buitshi, wewe kubapeshadi.

Yirmeya 32:22 交叉引用

Ekesode 13:5

Halua Yehowa nʼenu mu buloba bua Bena Kanana ne Bena Hiti ne Bena Amole ne Bena Hiwi ne Bena Yebuse buakalayeye batatuʼenu ne, Nennuhebu, buloba budi ne mabele ne buitshi bia bungi, nuenu nuvuluke tshilele etshi mu ngondo eu.

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Yirmeya 11:5

bua njadike mutshihu wanyi unakaditshiha kudi bankambua benu, bua kubaha buloba budi bûle tente ne mabele ne buitshi, bu mudibu lelu eu. Hashishe meme nakitaba, nakamba ne, Amen, Yehowa!

Dielulula 1:8

Monai, nakuteka buloba ebu buonso ku mpala kuenu: nubuelemu, nuhiane buloba buakalaya Yehowa batatuʼetu Abalahama ne Isaka ne Yakoba, bua kubahabu ne tunkanunuina tuabo tudi tubalonda ku nyima.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Yezekiyele 20:15

Bualu bukuabo kabidi, nakabisha tshianza tshianyi bua kuditshiha kudibo mu tshihela ne, Tshiena ndua nʼenu mu buloba bunakanuha, buloba budi bûle tente ne mabele ne buitshi, budi ne butumbi ku mpala kua maloba onso.

Yezekiyele 20:6

mu dituku adi nakabisha tshianza tshianyi bua kuditshiha kudibo bua kubahatula mu buloba bua Ejipitu ne kubateka mu buloba bunakamana kubatentekelela, buloba budi bûle tente ne mabele ne buitshi, budi ne butumbi ku mpala kua maloba onso.

Nehemya 9:15

wewe wakabaha bidia bia mu diulu bia kumana nʼabi nzala yabo, wakabahatuila mai mu mabue a kumana nʼau nyota yabo; wewe wakabelela mukenji bua bobo baye kuhiana buloba buwakabalaya bua kubahabu.

Yoshua 21:43

Nunku Yehowa wakaha Bena Isalele buloba buonso buakalayeye bankambua babo; bakabunyenga, bakashikamamu.

Yoshua 1:6

Ikala ne bukole ne mutshima wa dikima, bualu bua wewe neutahuluke bantu aba buhianyi bua buloba bunakalaya batatuʼabo bua kubahabu.

Dielulula 8:1

Nuenze mikenji yonso inakunuambila lelu, bua nuenu nuikale ne muoyo, nukumbane, nubuelemu bua kuhiana buloba buakalaya Yehowa batatu benu.

Dielulula 7:13

yeye neanusue, neanusankishe, neanuvudishe, yeye neasankishe bana benu kabidi, ne bintu bidi bidiunda mu buloba buebe, midioko yenu, ne nvinyo yenu mihia-mihia, ne manyi enu ne bana ba ngombe yenu ne bana ba mikoko yenu, mu buloba buakalayeye batatu benu bua kunuhabu.

Dielulula 6:23

yeye wakatuhatulamu, bualu bua kulua nʼetu ne bua kutuha buloba buakalayeye batatu betu.

Dielulula 6:18

Nuenze anu malu adi makane ne mimpe ku mesu kua Yehowa; bua nuenu nukume dikasa dimpe, ne bua nuenu nubuele ne nuhiane buloba buimpe buakalaya Yehowa batatu benu,

Dielulula 6:10

Hashishe halua Yehowa, Nzambi wenu, nʼenu mu buloba buakalayeye batatu benu, Abalahama ne Isaka ne Yakoba, bua kunuhabu, misoko minene ne miakane mudi kanuyi bibake,

Dielulula 1:35

Nansha muntu umue wa mu tshikondo etshi tshibi neatangile buloba ebu buimpe, bunakalaya batatuʼenu bua kunuhabu,

Dibadika 14:30

bulelela, nuenu kanuena nulua mu buloba bunakanulaya bua nuenu nushikamemu, anu Kaleba, muana mulume wa Yefune, ne Yoshua, muana mulume wa Nuna.

Dibadika 14:16

Bualu bua Yehowa kakadi ne bukole bua kulua ne bantu aba mu buloba buakahaneye, nunku yeye wakabashiha mu tshihela.

Genese 50:24

Yosefe wakambila bana babo ne, Nfuafua, kadi Nzambi neikale nʼenu, neanumushe mu buloba ebu, neanuhingashe ku buloba buakalayeye Abalahama ne Isaka ne Yakoba

Genese 24:7

Yehowa, Nzambi wa mulu, wakangumusha ku nsubu wa tatu wanyi ne ku buloba buakandelabo, wakabambila, wakandaya ne, Nempe tunkanunuina biebe buloba ebu yeye mene neatume muanjelo wandi ku mpala kuebe, ne wewe newangatshile muanʼanyi mukashi kuakua.

Genese 13:15

buloba buonso bûdi umona nenkuhebu ne tunkanunuina tuebe tshiendelele.