Yirmeya 32:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wakaluhula bantu bebe Bena Isalele mu buloba bua Ejipitu ku bimanyinu ne ku malu a kukema, ku tshianza tshikole, ku diboko diolola ne ku ditshinyisha dikole dia bantu.

MUKANDA WA MYIDI MUKULU

²¹ Udi muleje bukole buebe ne meji ebe, paudi muenze malu a dikema adi akuatshisha bowa, paudi mupatule bantu bebe bena Izrayele mu Ejipitu.

Yirmeya 32:21 交叉引用

Dielulula 26:8

Yehowa wakatuhatula mu Ejipitu ne tshianza tshikole ne diboko diandi diolola ne malu makole ne bimanyinu ne malu a dikema;

Ekesode 6:6

Nunku wambile Bena Isalele ne, Ndi Yehowa, ne meme nennuhatule muinshi mua majitu a Bena Ejipitu, nennusungile ku buhika buabo, nennuhikule ne diboko diolola ne dilumbulula dikole.

Misambu 105:43

Wakaluhula bantu bandi ne disanka, bantu bakasunguleye mene bimba biabo misambu.

Misambu 105:37

Ka yeye wakaluhula Bena Isalele batuala biabo biamu bia argent ne or; kakuakadi muntu umue munkatshi mua bisamba biabo wakalenduka.

1 Kulondolola 17:21

Tshisamba kai tshikuabo tshia hanshi ha buloba tshidi bu bantu bebe Bena Isalele, tshiakaya Nzambi kudihikula bu bantu bandi mene, bua kubavuisha dina dinene ku malu manene ne a kukema hawakihata bisamba bikuabo ku mpala kua bantu bebe bawakahikula mu Ejipitu?

1 Bakalenga 8:42

(bualu bua bobo nebunvue lumu lua dina diebe dinene, ne lua tshianza tshiebe tshikole ne lua diboko diebe dilulame), halueye bua kukutendelela ku nsubu eu,

Dielulula 4:34

Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Ekesode 13:14

Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Ekesode 6:1

Yehowa wakambila Mose ne, Katataka wewe mutangile bu mundi ngenzela Palô, bualu bua yeye neabalekele ku tshianza tshikole, neabihate mu buloba buandi ne tshianza tshikole.

Dielulula 7:19

mateta makole anuakatangila ku mesu, ne bimanyinu, ne malu a kukema, ne tshianza tshikole ne diboko diolola wakanuhatula nʼabi Yehowa, Nzambi wenu; ne Yehowa, Nzambi wenu, nênzele bantu bonso banudi nutshina nunku.

2 Samuele 7:23

Tshisamba kai tshia hanshi ha buloba tshidi bu bantu bebe Bena Isalele? Nzambi nkayandi wakababikila bu bantu bandi bua kujadikeye nʼabo dina diandi ne bua kubenzeleye malu manene; yeye wakenza malu a kukema mu buloba buabo ku mesu kua bantu bandi bakahikuleye mu Ejipitu mu bianza bia bisamba bikuabo ne bia nzambi yabo.

Ekesode 3:20

Nengolole tshianza tshianyi, nembakengeshe ne malu a kukema; ne ku nyima kua malu â yeye neanulekele.

Dielulula 11:3

ne bimanyinu biandi, ne midimu yandi biakanuenzeleye mu Ejipitu kudi Palô, mukelenge wa Ejipitu, ne ku buloba buandi buonso.

Yeshaya 63:12

Wakendesha diboko diandi didi ne butumbi ku luseke lua tshianza tshia balume tshia Mose, wakahandulula mai manene ku mpala kuabo, bua kudiangatshila dina ma tshiendelele,