Yirmeya 31:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

MUKANDA WA MYIDI MUKULU

³ Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Yirmeya 31:3 交叉引用

Misambu 103:17

Kadi luse lujalame lua Yehowa ludi ku tshibangidilu tô ne kunshikidilu kudi badi bamunemeka. Buakane buandi budi kudi bana ba bana baledibue.

Osheya 11:4

Nakabakoka ne mionshi idibo bakoka nʼai muntu, ne mionshi ya dinanga mene; nakadi kudibo bu muntu udi wambula mutshi wa tshikokedi ha nshingu yabo; ne nakateka bia kudia ku mpala kuabo.

Dielulula 33:3

Bulelela, yeye udi unanga bantu bonso, bantu bandi bonso ba tshijila hadi mu tshianza tshiebe: bobo bakashikama hanshi ku makasa ebe, bua kunvua mei ebe.

1 Yone 4:19

Tuetu tudi ne dinanga, bualu bua yeye wakadianjila kutunanga.

2 Timote 1:9

wakatusungila, wakatubikila ne dibikila dia tshijila, kembu mudi midimu yetu mimpe, kadi bu mudi disungula diandi mene ne ngasa, wakatuheye mu Kilisto Yesu diambedi bikondo bia tshiendelele kabi bianze kuikalaku.

Rome 8:30

Bakadianjileye kusungula, yeye wakababikila kabidi; ne bakabikileye, yeye wakababingisha kabidi; ne bakabingisheye, yeye wakabatumbisha kabidi.

Yeshaya 45:17

Kadi Bena Isalele nebasungidibue kudi Yehowa ne luhandu lua tshiendelele; kanuena nufuishibua bundu, kanuena nubuandakana tô ne tshiendelele.

Malaki 1:2

Yehowa udi wamba ne, Nakunusua, kadi nudi nuamba ne, Wakutunanga munyi? Yehowa udi ukonka ne, Esau kakadi muanʼabo ne Yakoba, anyi? Nakananga Yakoba,

Dielulula 10:15

Yehowa wakadi ne disanka bualu bua batatu benu, yeye wakahasua, yeye wakasungula bana babo bakabalonda ku nyima, wakanusungula nuenu mene mene munkatshi mua bantu bonso, bu mutshidi bualu lelu.

1 Petro 1:3

Batumbishe Nzambi udi kabidi Tatu wa Mukelenge wetu Yesu Kilisto, nyeye wakatulela tshiakabidi bu mudi luse luandi lunene, bua kutuheye ditekemena didi ne muoyo bua dibika dia Yesu Kilisto dia ku bafue;

Musambu wa Solomo 1:4

Unkoke; netukulonde lukasa. Mukelenge wakulua nʼanyi mu nsubu muandi. Netusanke bua bualu buebe; kutumbisha kuetu kua dinanga diebe kudi kutamba kutumbisha kuetu kua nvinyo; badi bakunanga bulelela.

Osheya 11:1

Hakadi Bena Isalele bana, nakabananga, ne nakabikila bana banyi bua kumukabo mu Ejipitu.

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Yakobe 1:18

Bua mu disua diandi yeye wakatufuka ne dî dia bulelela, bua tuetu tuikale mamuma makuabo a kumudilu a bifukibua biandi.

Rome 9:13

Mbu muakafundabo ne, Nakananga Yakoba, kadi nakakina Esau.

Misambu 25:6

Yehowa, uvuluke luse luebe ne dinanga diebe dijalame, bualu bua biakadiku kale tô ne mpindiu.

1 Bakalenga 10:9

Yehowa, Nzambi webe, udi ne disanka bualu buebe, wakukushikika mu nkuasa wa butumbi wa Isalele, atumbishibue; bualu bua Yehowa udi munange Bena Isalele tshiendelele nunku wakukusungula mukelenge bua wewe kulumbulula malu biakane ne kuenza malu adi makane.

Yeshaya 43:4

Bualu bua wewe udi tshintu tshia mushinga mukole ku mesu kuanyi, mutumbishibue ne munangibue kundi, nunku nenfile bantu bakuabo mu muaba webe, nenshintakashe mioyo ya binga bisamba ku muoyo webe.

Yeshaya 49:14

Kadi Siona wakamba ne, Yehowa wakundekela, Mukelenge wakuntua muoyo.