Yirmeya 30:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Aka! Dituku adi didi dinene, kakuena dikuabo bu diodi. Tshidi tshikondo tshia lutatu lua bana ba Yakoba, kadi nebabasungile kudilu.

MUKANDA WA MYIDI MUKULU

⁷ Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Yirmeya 30:7 交叉引用

Danyele 12:1

Ku tshikondo atshi Mikaele, mukelenge wa banjelo, mulami wa bana benu, neajuke. Makenga neikaleku, katshia tshisamba tshia bantu tshiabanga tô ne ku tshikondo atshi makenga bu nunku kâkadi manze kumueneka; kadi mu tshikondo atshi bana benu bonso badi ne menʼabo mafunda mu mukanda wa muoyo nebabande.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Danyele 9:12

Yeye wakujadika mei andi akutuhisheye nʼau, ne akuhisheye nʼau bakokeshi betu bakadi batukokesha hakututumineye dikenga dikole. Kabena banze kuenza muanda muinshi mua diulu dionso bu muanda eu wakuenzelabo Yelushalema.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Rome 11:26

Nunku Bena Isalele bonso nebasungidibue, bu muakafundabo ne, Musungidi neahatuke mu Siona; Neatshinguluile Yakoba malu adi kâi a Nzambi;

Marke 13:19

Matuku au neikale dikenga dikole, ku tshibangidilu tshia bufuki buakafuka Nzambi tô ne katataka kakuakadi dikenga bu edi, kadiena dilua kabidi tshiendelele.

Osheya 1:11

Nebasangishe Bena Yuda ne Bena Isalele hohamue, ne bobo bine nebadisunguile muntu umue bua kuikaleye ha mutu habo; nebumuke mu buloba ebu, bua dituku dia Yizelele nedikale dinene.

Muadi 1:12

Monai, nuenu honso badi bahita mu nshila, nutangile buonso buenu ne dikenga dikuabo didiku didi bu dikenga diakunkengeshabo nʼadi, didi Yehowa unkengesha nʼadi mu dituku dia tshiji tshiandi tshikole, anyi?

Yirmeya 30:10

Nunku Yehowa udi wamba ne, Kutshinyi biebe, wewe Yakoba muntu wanyi; wewe Isalele, kuikadi ne buowa; bualu bua, mona, nenkusungile ku buloba budi kule, nensungile bana bebe mu buloba bua buhika buabo. Yakoba neahingane, neikale nolâ ne ditalala, ne kakuena muntu wamutshinyisha.

Misambu 34:19

Makenga a muntu muakane adi a bungi; kadi Yehowa udi umusungila ku buonso buau.

Didimanyisha 6:17

bualu bua dituku dinene dia tshishi tshiabo diakulua, ne nganyi udi mua kushindama?

Bienzedi 2:20

Diba nedikudimunyibue midima, Ne ngondo mashi, Diambedi dituku dia Mukelenge kadî dianze kulua, Adi ndituku dinene dia kukema.

Yowele 2:31

Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.

Muadi 4:6

Dikenga diakukuata muana mukashi wa bana betu bua mibi yandi didi dihita dikenga diakukuata musoko wa Sodoma bukole, musoko wakubutulabo mu kuvinya kua disu, kauyi ne tshianza tshia muntu tshilenga.

Muadi 2:13

Nenkuambile tshinyi, nenkuidikishe ne tshinyi, wewe muana mukashi wa Yelushalema? Nenkuelekeshe ne tshinyi, bua mmanye mua kukusamba, wewe muana mukashi wa Siona utshidi kamama? Bualu bua mputa webe udi munene muikale bu mai manene; washikisha disama diebe nganyi?

Misambu 25:22

Nzambi, uhikule Bena Isalele, ubahandule mu makenga abo onso.

Genese 32:7

Hashishe Yakoba wakatshina bikole, mutshima wandi wakazakala wakatahulula bintu biandi bisumbu bibidi, ne bantu ne mikoko ne bimuna ne tumelo.

Yeshaya 20:6

Ne badi bashikame mu buloba ebu budi ku muelelu wa mai manene nebambe mu dituku adi ne, Monai, ebu mbualu buakukuata batuakutekemena, batuakunyemena bua batukuatshishe bua tuetu kuhanduka mu bianza bia mukelenge wa Ashû! Ne tuetu hetu netuhanduke munyi?

Yirmeya 2:27

badi bambila tshibasa tshia mutshi ne, Wewe udi tatu wetu; badi bambila dibue ne, Wewe wakatulela; bualu bua bakunkoma nyima yabo, kabakutangisha mpala yabo kundi; kadi mu tshikondo tshialua makenga kudibo nebangele dî ne, Juka, utusungile!

Yirmeya 2:28

Kadi nzambi yebe iwakudienzela idi hanyi? Yoyo ibike, biamanyayi mua kukusungila mu dituku dia dikenga diebe. Bualu bua bu mudi bungi bua misoko yebe mbu mudi bungi bua nzambi yebe, wewe Yuda.

Yirmeya 14:8

Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

Yowele 1:2

Unvuai dî edi, nuenu bantu bakulumpe; telejai matshu enu, nuenu badi bashikame mu buloha ebu! Muanda bu nunku wakamueneka mu matuku enu, anyi? Wakamueneka mu matuku a batatu benu, anyi?

Yowele 1:15

Aka! Bua difuku adi! Bua dituku dia Yehowa didi ha buihi, ne didi dilua bu kubutuka kufume kudi Nzambi wa Bukole Buonso.

Zekâya 14:7

kadi nedikale dituku dimue ha buadi, didi dimanyibua kudi Yehowa; kakuena munya, kakuena butuku; kadi hila butuku, munya neuteme.

Mika 4:9

Bualu kai udi ubandisha mei ebe a muadi mpindiu? Kakuena mukelenge munkatshi muenu, anyi? Mukulu wa meji wakufua, anyi? Bua bualu ebu kanyinganyinga kakukukuata bu ka mukashi udi ne didinyenga dia ha kulela munyi?

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.