Yirmeya 30:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Yehowa udi wamba ne, Tuakunvua dî dia buowa ne tua kuzakala, kandi dia ditalala nansha.

Yirmeya 30:5 交叉引用

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Yeshaya 5:30

Mu dituku adi nebele bantu aba tshibingu tshidi bu tshiona tshia mai manene; ne biamona muntu buloba, ke, mîdima ne kanyinganyinga bidiku; ne munya udi ulua midima ku matutu mafike.

Yirmeya 46:5

Nakumona muanda kai? Badi bakuatshike buowa, bakuabo babalukisha ku nyima; badi batamba bena bukitu babo bukole, badi banyema lubilu, kabena batangila ku nyima; Yehowa udi wamba ne, Buowa budi bubakuata mu nseke yonso.

Yirmeya 25:36

Unvuai! Dî dia muadi wa balami, ne dia kujinga kua badi ku mutu kua mikoko! Bua Yehowa udi unyanga mpata yabo ya kudishila mikoko.

Yirmeya 9:19

Bualu bua badi bunvua dî dia muadi didi difuma ku Siona diamba ne, Tuakubutudibua munyi? Tudi tukuatshika bundu bikole bualu bua tuakadi ne bua kulekela buloba buetu, ne bualu bua bakushimbula nsubu yetu.

Yirmeya 8:19

Unvuai! Dî dia muadi wa muana mukashi wa bantu banyi didi difuma ku buloba budi kule kutamba, diamba ne, Yehowa kena mu Siona, anyi? Mukelenge wandi kenamu, anyi? Bualu kai bakunkuatshika tshiji ku mpingu yabo misonga ne bintu bia hatuhu ya bantu ba bende?

Yeshaya 59:11

Tudi tukanga bu nkashama, tudi tudila ne muadi bu nyunyu wa nkutshi; tudi tukeba kulumbulula kuakane, ne kakuenaku; tudi tukeba luhandu, ne ludi kule nʼetu.

Yirmeya 8:16

Badi bunvua kufembula kua tubalu tuabo kufuma mu Dana; hunvua buloba bujima muadi wa balume ba tubalu tuabo, budi bukanka; bualu bua bakumana kufika, bakudia buloba ne bintu bionso bidimu, musoko ne bantu bonso badi bashikamemu.

Yirmeya 12:12

Bahaudi bakulua ha mutu ha mikuna yonso ya mu tshihela idi hatuhu, bualu bua muele wa Yehowa udi ushiha bantu ku ditengu dia buloba to ne kunfudilu kuabu; kakuena muntu udi ne ditalala.

Yirmeya 30:4

A mmei akamba Yehowa bualu bua Bena Isalele ne Bena Yuda.

Yirmeya 6:22

Yehowa udi wamba ne, Tangilai, bantu badi bafuma ku buloba bua ku nôde; tshisamba tshihite bukole netshibike kunfudilu kua buloba.

Yirmeya 6:26

Wewe, muana mukashi wa bantu banyi, udiluatshishe ne bilulu bikayabala, udibonde mu butue; udiashile muadi bu mudibo bashila muana mulume umuehele wa muntu, muadi muhite bukole; bualu bua mushihianganyi neatuluishe lukasa.

Abakuke 1:6

Monai, ndi mbisha Bena Kasada, tshisamba atshi tshia bantu badi ne luonji ne benji ba malu lukasa lukasa, badi bahitshila mu buloba bujima bua kunyengabo miaba ya kushikama idi kayiyi yabo.

Abakuke 1:10

Badi bahetula bakelenge, badi baseka bakokeshi. Badi baseka ngumbu yonso ya nvita; bualu bua badi bela mishiki ya buloba bua kubandilahu bua kuhita musoko bukole.