Yirmeya 27:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bikalabo baprofete, ne bikala dî dia Yehowa munda muabo, basengelele biabo Yehowa wa misumba mpindiu bua mpanza itshidi ishala mu nsubu wa Yehowa ne mu nsubu wa mukelenge wa Yuda ne mu Yelushalema, bua kayiyi ku Babulona.

MUKANDA WA MYIDI MUKULU

¹⁸ Yirmeya kuamba kabidi ne: — Pikala bantu aba bambi balelela, pikalabu bamba malu adi Maweja-Nangila wamba, basengelele Maweja-Nangila wa bukole buonsu, bua biuma bidi bishale mu nzubu wa Mvidi Mukulu, mu nzubu wa mukalenga wa bena Yuda, nansha mu tshimenga, kabayi nabi mu Babilone to.

Yirmeya 27:18 交叉引用

1 Samuele 7:8

Bena Isalele bakambila Samuele ne, Kulekedi kutulombela Yehowa, Nzambi wetu, bua yeye atusungile mu bianza bia Bena Peleshete.

Yirmeya 18:20

Nebafute malu mabi ku malu mimpe, anyi? Bualu bua bakuimbila muoyo wanyi dijimba. Uvuluke bu munakimana ku mpala kuebe bua kubakuila kûdi, ne bua kukudimuna tshiji tshiebe bua katshifiki kudibo.

1 Bakalenga 18:24

Bobo babikila dina dia nzambi wabo, meme nembikile dina dia Yehowa: ne Nzambi udi witaba ne kahia ikale Nzambi malelela. Bantu bonso bakitaba ne, Wakuamba biakane.

1 Samuele 12:23

Bua bualu buanyi, tshiena ngitabusha bua kuenzela Yehowa bibi bua kulekela kunulombela Nzambi; kadi meme nennuleshe nshila muimpe ne muakane.

1 Samuele 12:19

Bantu bonso bakambila Samuele ne, Ulombele bantu bebe Yehowa, Nzambi webe, bua tuetu katufu, bualu bua tuetu tuakavudisha bualu ebu bubi bua kudilombela mukelenge ha mutu ha mibi yonso ituakuenza.

Malaki 1:9

Kadi ndi nnuambila mpindiu ne, Kebai diakalengele kudi Nzambi bua yeye atuleshe luse luandi; bua muanda eu unuakuenza ku bianza bienu, yeye neanuanyishe ne disanka, anyi? Yehowa wa misumba udi unukonka nunku.

Yezekiyele 22:30

Nakakeba muntu munkatshi muabo wakamanya mua kuibaka lumbu kabidi, ne bua kuimaneye ku mpala kuanyi mu muaba wakashimbuka bua kukuatshisha ba mu buloba ebu, bua meme tshibubutudi; kadi tshiakasangana muntu.

Yezekiyele 14:14

Yehowa udi wamba ne, Nansha bu bantu aba basatu, Noa, Danyele ne Yobo, bikaminu, bakadi kuhandisha anu mioyo yabo nkayai ku buakane buabo.

Yirmeya 42:2

bakambila Yelemiya muprofete ne, Tudi tukusengelela bua kunvua kutendekena kuetu, utulombele Yehowa Nzambi webe, tuetu bantu aba bonso badi bashala, bualu bua tuakushala anu bakese ba ku bantu ba diambedi, bu mudi mesu ebe amona.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Yirmeya 7:16

Nunku wewe kulombedi bantu aba Nzambi nansha, kubeledi dî anyi kubalombedi bua kubakuatshisha, kubakuidi kundi nansha, bualu bua tshiena nkunvuila.

2 Kulondolola 32:20

Hezikiya mukelenge, ne Yeshaya muprofete, muana wa Amoza, bakalomba Nzambi bua bualu ebu, bakadila kudiye mu diulu.

1 Bakalenga 18:26

Bakangata ngombe wakabahabo, bakamulongolola, bakabikila dina dia Bâla ku dinda tô ne ku munda munya, bamba ne, O, Bâla, utunvuile. Kadi kakuakadi dî, nansha muntu wakitaba. Nunku bakatuhika ha mutu ha tshioshelu tshiakenzabo.

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.