Yirmeya 26:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku nulengeshe nshila yenu ne bienzedi bienu bibi, nutumikile dî dia Yehowa, Nzambi wenu; ne Yehowa neakudimune mutshima wandi bua makenga akuambeye bua kunutumina.

MUKANDA WA MYIDI MUKULU

¹³ Mpindiewu, nudilengeje, nuakaje nsombelu yenu, nuteleje tshidi Maweja-Nangila Mvidi Mukulu wenu wamba. Nanku kakunutumina dikenga divuaye munuambile to.

Yirmeya 26:13 交叉引用

Yona 4:2

Wakatendelela biandi Yehowa, wakamba ne, Yehowa, ndi ukukonka ne, Tshiakamba dî edi hantshivua mu buloba buanyi, anyi? Bua muanda eu nakadianjila kunyemena ku Tâshishi; bualu bua nakamanya ne wewe udi Nzambi wa luse, mûle tente ne dinanga, kuyi ukuatshika tshiji lubilu, udi ulesha bantu luse lujalame lukumbane, udi ukudimuna mutshima webe bua dikenga kadikuatshi bantu.

Yona 3:9

Nganyi udi mumanye ne, Yehowa neakudimune mutshima wandi ne nealekele tshiji tshiandi tshikole, bua tuetu katufu?

Yeshaya 1:19

Binuikala ne mitshima ya kuenza malu anyi ne ya kutumikila dî dianyi, nenudie bintu bimpe bia mu buloba;

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

Yowele 2:14

Nganyi udi mumanye ne kena ukudimuna mutshima wandi, kena uhanga kunushila disanka, disanka mene dia mulambu wa bia kudia ne mulambu wa bia kunua bia Yehowa Nzambi wenu?

Yirmeya 38:20

Kadi Yelemiya wakamba ne, Kabena bakufila kudibo. Ndi nkusengelela ne, Utumikile dî dia Yehowa dindi nkuambila, bua wewe wikale ne diakalengele ne bua mutshima webe wikale ne muoyo.

Yirmeya 36:3

Bumue Bena Yuda nebunvue bua makenga onso andi mpangidisha kubenzela, bua bobo balekele, muntu ne muntu kuenda mu ushila wandi mubi; bua meme mmanye mua kubabuikidila malu mabi abo ne bubi buabo.

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Yirmeya 26:19

Hezikiya, mukelenge wa Yuda, ne ba mu Yuda bonso bakamushiha, anyi? Hezikiya kakatshina Yehowa, kakasengelela Yehowa bua kumuha diakalengele, anyi? Ne Yehowa kakakudimuna mutshima wandi bua makenga akadiye musue kubatumina, anyi? Nunku tuetu tudi tuamba kudivuishila dikenga dinene.

Yirmeya 26:3

Bumue nebakunvuile, bua buonso buabo, muntu ne muntu, balukile, balekele kuenda mu nshila wabo mubi, bua meme nkudimune mutshima wanyi bua makenga andi mpangidisha kubakengesha nʼau bua bienzedi biabo bibi.

Yirmeya 18:8

biakudimuna bantu ba mu tshisamba atshi tshiakuamba di bualu buatshi mitshima yabo, meme hanyi nenkudimune mutshima wanyi bua dikenga dinakelangana meji bua kubakengesha nʼadi.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Yirmeya 42:10

Binuashala mu buloba ebu, nennuase kabidi ne tshiena nnusasula, nennukune ne tshiena nnujula; bualu bua ndi nkudimuna mutshima wanyi bua makenga anakunutumina.

Balombodi 2:18

Hakababishila Yehowa mulumbuluishi, hashishe Yehowa wakadi ne mulumbuluishi eu, wakabasungila mu bianza bia bena lukuna babo matuku onso a mulumbuluishi eu; bualu bua Yehowa wakadi ukudimuna mutshima wandi bualu bua kutua kua mikemu yabo yakatuabo hakadibo babakengesha ne hakadibo babatatshisha.

Dielulula 32:36

Bualu bua Yehowa nealumbuluile bantu bandi bilumbu biabo, neakudimune mutshima wandi bualu bua bantu bandi, hatangileye ne bukole buabo buakujimina, ne kakuena muntu udi mushale muhika anyi mudishikaminyi.

Ekesode 32:14

Yehowa wakakudimuna mutshima wandi bua malu akeleye meji bua kuenzela bantu bandi.

Yirmeya 11:4

tshinakahunga ne bankambua benu dituku dinakabaluhula mu buloba bua Ejipitu, mu ditanda mudibo bafula tshiamu, ngamba bianyi ne, Nutumikile dî dianyi, nuenze malu onso andi nnuambila. Nunku nenuikale bantu banyi, ne meme nengikale Nzambi wenu;

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.