Yirmeya 22:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku Yehowa udi wamba bua Yehoyakima, muana wa Yoshiya, mukelenge wa Yuda ne, Kabena bamuashila muadi, badila ne, Aka, muanʼetu mulume! Aka, muanʼetu mukashi! Kabena bamujinga ne, Aka, mukelenge wetu! Anyi ne, Aka, butumbi buandi!

MUKANDA WA MYIDI MUKULU

¹⁸ Bua Yoyakime, muana wa Yoshiya, mukalenga wa bena Yuda, Maweja-Nangila udi wamba ne: Yeye mufue, bantu kabakumudila to. Muntu kakuamba ne: “Tutu wanyi, diakabi kaayi edi?” “Yaya wanyi, diakabi kaayi edi?” Kabakumudila bamba ne: “Mfumuanyi, diakabi kaayi?” “Mukalenga, diakabi kaayi edi.”

Yirmeya 22:18 交叉引用

Yirmeya 16:6

Ne bantu banene ne bantu bahuekele nebafue mu buloba ebu; kabena bajikibua, bakuabo kabena babajinga anyi baditaha mputa bualu buabo, anyi badibeya nsuki bualu buabo.

1 Bakalenga 13:30

Wakaladika tshitalu tshiandi mu lukita luandi, bakamujinga, bamba ne, E, muan etu.

Yirmeya 22:10

Kanuashidi muntu eu mufue muadi, kanumujingi; kadi nudile bikole bua muntu udi uya kukuabo, bualu bua kena uhingana kabidi, kena umona buloba buakamulelabo.

Yirmeya 16:4

Bobo nebafue ne lufu lua masama mabi, bantu kabena babashila muadi ne kabena babajika; nebikale bu tunvi ha buloba. Nebashihibue ku muele wa nvita ne ku tshiole; bitalu biabo nebikale bia kudia bia nyunyu ya mulu ne bia nyama ya ha buloba.

Yirmeya 34:5

neufue mu ditalala ne nebakuimbile musenga wa manananshi, bu muakoshilabo bankambua bebe ne bakelenge bakadi ku mpala kuebe; nebakuashile muadi, bamba ne, Aka, mukelenge! Bua meme nakuamba dî.

2 Kulondolola 35:25

Yelemiya wakashila Yoshiya madilu kabidi; bimbi ba misambu ne balume ne bakashi hadi batela dina dia Yoshiya mu miadi yabo tô ne ku dituku edi, bakayijadika bu tshilele mu Isalele, ne monai, mei au adi mafunda mu mukanda wa miadi.

2 Samuele 1:26

Mutshima wanyi udi munyingalale bualu buebe, muanʼetu Yonatana, wewe wakatamba kunsankisha; dinanga diebe kundi meme diakankemesha, diakahita dinanga dia bakashi bulengele.

2 Bakalenga 23:6

Wakumusha luhingu lua Ashela mu nsubu wa Yehowa, wakaya nʼalu ku mpenge ya Yelushalema ku kasulu ka Kidelona, wakaluosha ku kasulu ka Kidelona, wakalubutula bu luhuishi, wakela luhuishi ha nkita ya bantu ba tshianana.

2 Bakalenga 23:36

Yehoyakima wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne tshimue; dina dia mamu wandi diakadi Zebida, muana mukashi wa Pedaya wa mu Luma.

2 Bakalenga 24:6

Yehoyakima wakalala tulu ne bankambua bandi; Yehoyakina, muanʼandi, wakakokesha mu muaba wandi.

2 Kulondolola 36:5

Yehoyakima wakadi ne bidimu makumi abidi ne bitanu hakabangeye kukokesha; wakakokesha mu Yelushalema bidimu dikumi ne tshimue; wakenza malu mabi ku mesu kua Yehowa Nzambi wandi.

Yirmeya 22:12

kadi neafuile ku muaba wikalabo baye nʼandi mu buhika, kena umona buloba ebu kabidi.

1 Kulondolola 3:15

Bana ba balume ba Yoshiya: Yohanana muanʼa bute wandi, Yehoyakima muana muibidi, Sedekiya muana muisatu ne Shaluma muana muinai.

Yirmeya 21:11

Wambile ba mu nsubu wa mukelenge wa Yuda ne, Unvuai bienu dî dia Yehowa,

Yirmeya 36:30

Nunku Yehowa udi wamba bua Yehoyakima, mukelenge wa Yuda, ne, Yeye kena wikala ne muana wa kushikama mu nkuasa wa bukelenge wa Davidi, ne nebimashe tshitalu tshiandi mu munya ne mu mashika a butuku.