Yirmeya 2:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bua tshinyi udi wendakana eku ne eku bua kukudimuna nshila webe? Ejipitu neakufuishe bundu bu muakukufuishabo bundu kudi Ashû.

MUKANDA WA MYIDI MUKULU

³⁶ Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

Yirmeya 2:36 交叉引用

Yirmeya 31:22

Wewe muana mukashi wakunkoma nyima, newendakane eku ne eku musangu bule bishi? Bualu bua Yehowa wakufuka tshintu tshihia-tshihia ha buloba: mukashi neatambe mulume.

Osheya 5:13

Hakamona Bena Efelayima disama diabo, hakamona Bena Yuda mputa wabo, mu diba adi Bena Efelayima bakaya ku Ashû, bakatuma dî kudi Mukelenge Yaleba. Kadi yeye kena ne bukole bua kunushikishila disama dienu, kena mua kunûmishila mputa wenu.

Osheya 12:1

Bena Efelayima badi badidisha ne luhehele, badi balonda luhehele lua ku esete. Badi bavudisha mashimi ne tshimbambila nusangu yonso; badi bahunga tshihungidi ne Bena Ashû, ne badi baya ne manyi ku Ejipitu.

Yirmeya 2:23

Udi mua kuamba ne, Tshiena munyanguke, tshiakulonda Babala munyi? Mona nshila uwakuendela wa mu tshibanda, umanye malu awakuenza; bu nsongakashi wa kamelo ka lubilu kadi kanyunguluka mu nshila,

2 Kulondolola 28:16

Ku tshikondo atshi mukelenge Ahaza wakatumina mukelenge wa Bena Ashû dî bua yeye kunukuatshisha.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Osheya 10:6

Nebaye nʼandi kabidi ku Ashû, bua kumufila bu mulambu kudi Mukelenge Yaleba. Bena Efelayima nebakuatshike bundu, ne Bena Isalele nebakuatshike bundu bua meji akadibo balesha bakuabo.

Osheya 7:11

Bena Efelayima badi bu nyunyu wa nkutshi muhote udi kayi ne lungenyi; badi bela dî diabo ku Ejipitu, badi baya ku Ashû.

Yezekiyele 29:7

hakakukuatabo mu tshianza, wewe wakatshibuka, wakahanda maha abo onso; hakakueyemenabo, wakatshibuka, wakazakasha milemba yabo yonso.

Muadi 5:6

Tuakuolola bianza bietu kudi Bena Ejipitu, ne kudi Bena Ashû, bua kulomba bia kudia bikumbane.

Muadi 4:17

Mesu etu akufula hatuakadi bindile, batekemena dikuatshisha; kadi kuindila kuetu kuakadi hatuhu; tshisamba tshitu akutekemena katshiakadi mua kutusungila.

Yirmeya 37:7

Yehowa, Nzambi wa Isalele, udi wamba ne, Wambile mukelenge wa Yuda, wakukutuma kundi bua kungebesha lungenyi, dî edi ne, Tangila masalayi a Palô adi Umuka kuabo bua kulua kunukuatshisha, neâhingane mu Ejipitu ku buloba buau.

Yirmeya 2:33

Ke bu mûdi wewe ulongolola nshila yebe ne budimu bua kudikebela dinanga! Nunku wakuyisha bakashi babi mene bienzedi biebe!

Yirmeya 2:18

Katataka kuya kuebe mu Ejipitu kudi kumuhetesha tshinyi? Anu bua kunua mai a musulu wa Nile, anyi? Kuya kuebe mu Ashû kudi kukuhetesha tshinyi? Anu bua kunua mai a musulu wa Pelata, anyi?

Yeshaya 20:5

Bena Yuda nebakuatshike buowa, nebikale babuandakanangane, bualu bua Atiopa wakadi ditekemena diabo ne bua Ejipitu wakadi butumbi buabo.

Yirmeya 46:12

Ba mu bisamba bia bantu bakunvua lumu lua bundu buebe, buloba budi bûle tente ne muadi webe; bualu bua muena bukitu wakalenduka kudi muena bukitu mukuabo, bubidi buabo badi badishinda diatshimue.

Yezekiyele 16:28

Kadi wakuenda masandi ne Bena Ashû kabidi, bualu bua lukuka luebe kaluakadi luanze kushika; e, wakuenda nʼabo masandi, kadi lukuka luebe kaluakadi luanze kushika.

Yirmeya 22:20

Banda mukuna wa Lebanona, washilahu muadi; bisha dî diebe mu Bashana; muadi webe ufume ku Abalima, bualu bua bakubutula banangi bebe bonso.

Yirmeya 22:22

Luhehele neludie balami bebe ba mikoko bonso, ne banangi bebe nebabuele mu buhika. Bulelela, mu diba adi neukuatshike bundu, neutshinyishibue bua malu mabi ebe onso.