Yirmeya 2:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

MUKANDA WA MYIDI MUKULU

³¹ (Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 2:31 交叉引用

Dielulula 32:15

Kadi Yeshuluna wakavunda, wakatua mikumu: nuenu nuakuvunda, nudi ne mafuta a bungi, nuakusenena; hashishe yeye wakalekela Nzambi wakamufuka, wakahetula Dibue dia luhandu luandi.

1 Korente 4:8

Nuakumana kukuta, nuakumana kulua babanshi, nuakalua bakokeshi kanui nʼetu. Bulelela, nakadi musue bua nuenu nuikale bakokeshi, bua tuetu tuikale bakokeshi nʼenu.

Mika 6:9

Dî dia Yehowa didi diedibua mu musoko, muena meji neatshine dina diandi.

Amosa 1:1

Au mmei a Amosa, wakadi munkatshi mua balami ba mikoko ba ku Tekoa, akunvueye bualu bua Bena Isalele, mu matuku a Uziya, mukelenge wa Yuda, ne mu matuku a Yalobama, muana wa Yoasha, mukelenge wa Isalele, bidimu bibidi ku mpala kua kutaka kua buloba.

Osheya 13:6

Hakadibo mu buloba bua mashinde, bakukuta; bakukuta, ne mitshima yabo yakadibandisha; nunku bakumpua meme muoyo.

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Nsumuinu 30:9

bua meme tshiukutshi, tshikubengi, tshiandi ne, Yehowa nganyi? Anyi bua tshikadi muhele ne tshibi bianyi, bua tshinyangi dina dia Nzambi wanyi.

Misambu 12:4

Badi bamba ne, Netudivuishe bantu bakole ku ndimi yetu; mishiku yetu itudi nʼai nyetu; mukelenge ku mutu kuetu nganyi?

Misambu 10:4

Muntu mubi udi wamba mu diambu diandi ne, Nzambi kena ukengesha muntu. Meji andi onso adi anu nunku ne, Kakuena Nzambi.

2 Kulondolola 31:10

Azaya, muakuidi munene, wa mu nsubu wa Sadoka, wakamukudimuna ne, Katshia bantu bahanga kufila bintu mu nsubu wa Yehowa, tuetu tuakudia, tuakukuta, ne bintu ebi biakushala bia ha mutu; bualu bua Yehowa wakasankisha bantu bandi; bintu ebi bia bungi bidi bishala.

Dielulula 31:20

Bualu bua hanakamana kulua nʼabo mu buloba bunakalaya batatuʼabo, budi bûle tente ne mabele ne buitshi, ne hakamanabo kudia, kukuta ne kuvunda, hashishe nebakudimune mitshima yabo bua kutendelela nzambi mikuabo, nebayikuatshile mudimu, nebampetule, nebashihe tshihungidi tshianyi.

Yirmeya 2:20

Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yirmeya 2:25

Kandika makasa ebe bua kaendi kâyi ne bisabata, kandika muminu webe bua kawikadi ne nyota; kadi wewe wakuamba ne, Bualu ebu budi hatuhu; nansha, ndi musue nzambi ya bantu ba bende, nenye kudiyi.

Dielulula 32:18

Nuakulekela Dibue diakanufuka, nuakuhua Nzambi wakanulelesha muoyo.

1 Bakalenga 11:22

Palô wakamuebesha ne, Wakadi ne tshintu kai bualu hawakashikama nʼanyi bua wewe udi musue kuhingana ku buloba buebe? Yeye wakamukudimuna ne, Nansha tshintu; kadi anji kuitabusha bua meme kuya.

Yobe 21:14

Kadi badi bambila Nzambi ne, Umuka kutudi; katuena basue kumanya nshila yebe.

Yirmeya 5:5

Nenye kudi bantu babo banene, nenyikile nʼabo; bualu bua badi bamanye nshila wa Yehowa ne mikenji ya Nzambi wabo. Kadi bobo kabidi bakamana kutshibula mutshi wa tshikokedi wakadi ha nshingu yabo, bakakosa nkanu yabo.

Yirmeya 5:6

Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.