Yirmeya 2:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kandika makasa ebe bua kaendi kâyi ne bisabata, kandika muminu webe bua kawikadi ne nyota; kadi wewe wakuamba ne, Bualu ebu budi hatuhu; nansha, ndi musue nzambi ya bantu ba bende, nenye kudiyi.

MUKANDA WA MYIDI MUKULU

²⁵ “Wewe Izrayele, udimuke! Paudi unyema lubilu lukole neutapike ku makasa, muminu webe neume ne nyota!” Kadi, wewe udi wamba ne: “Lekela kulengelela, ndi munange mvidie ya bantu ba bisamba bikuabu. Ndi musue kuyitendelela.”

Yirmeya 2:25 交叉引用

Dielulula 32:16

Bakamufuisha mukau ne nzambi ya bende; bakamufikisha munda ne malu mabi.

Yirmeya 18:12

Kadi badi bamba ne, Ebu mbualu bua hatuhu; bua netulonde anu malu atudi basue kulonda, netuenze bietu, muntu ne muntu, bu mudi tshitshu tshia mu mutshima wandi mubi.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Rome 8:24

Bua tuakasungidibua mu ditekemena; kadi ditekemena didibo bamona ku mesu kanditekemena; bualu bua muntu kai udi utekemena bidiye umona ku mesu?

Muadi 4:4

Ludimi lua muana utshidi wamua mabele ludi lulamata mu tshilakalaka bualu bua nyota yandi. Bana batekete badi balomba bidia, ne kakuena muntu udi ubahabi.

Yirmeya 14:10

Yehowa udi wambila bantu aba ne, Bobo bakunanga kuendakana mu nshila, kabakukanda makasa abo; nunku Yehowa kena mua kubitabusha nansha; mpindiu yeye neavuluke mibi yabo, neakengeshe benji ba malu mabi.

Yirmeya 13:22

Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yeshaya 57:10

Wakadihangisha bualu bua bule bua luendu luebe, kadi kuakamba ne, Bualu ebu budi hatuhu! Wakamona bukole buebe buhingana kûdi, nunku kuakahunga nansha.

Yeshaya 2:6

Bualu bua wewe, Yehowa, wakulekela bantu bebe, ba mu tshiota tshia Yakoba, bualu bua badi batamba kulonda batempi ba mbuku ba ku luseke lua esete, bakatua batempi ba mbuku bu mudi Bena Peleshete, ne badi batutakashangana bianza ne bana ba bisamba bia bende.

2 Kulondolola 28:22

Ahaza, mukelenge eu mene, wakatamba kuenzela Yehowa bibi mu matuku a ntatu yandi.

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.

Luke 16:24

Wakela dî diandi bikole ne, Tatu Abalahama, unfue luse, utume Lazalo, atue lusongo lua munu mu mai, antalashe ludimi luanyi, bualu bua meme ndi ne dikenga mu kahia aka.

Luke 15:22

Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Yirmeya 44:17

Kadi bulelela, netuenze mei onso akumana kuhatuka mukana muetu bua kuoshila mukelenge mukashi wa mu diulu musenga wa manananshi ne bua kumuhongoluela milambu ya bia kunua, bu mutuakuenza mu misoko ya Yuda ne misesu ya Yelushalema, ne tuetu ne batatu betu ne banfumu betu ne baminyampala betu. Bua mu tshikondo atshi tuakadi ne bintu bia kudia bikumbane, tuakadi ne diakalengele, katuakamona dikenga.

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yirmeya 13:21

Newambe tshinyi hatekabo bantu ha mutu hebe baudi mumane kuyisha bua kuikalabo balunda bebe? Kanyinganyinga kakena kakukuata bu didinyenga dia mukashi udi wamba kulela, anyi?

Yirmeya 22:20

Banda mukuna wa Lebanona, washilahu muadi; bisha dî diebe mu Bashana; muadi webe ufume ku Abalima, bualu bua bakubutula banangi bebe bonso.

Muadi 1:2

Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

Yezekiyele 20:32

Meji au kabidi, anudi nuhangidisha kaena ajalama, bualu bua nudi nuamba ne, Netuikale bu bisamba bia bantu, bu meku a mu maloba makuabo, netukuatshile mutshi ne dibue mudimu.

Osheya 2:5

Bualu bua mamu wabo wakulonda malu a masandi; yeye wakabalela wakuenza malu a bundu. Bualu bua wakamba biandi ne, Nendonde bannangi badi bampa bidia bianyi ne mai a kunua, miosa yanyi ya mikoko ne buanda bua lin, manyi anyi ne bia kunua bianyi.

Malaki 3:14

Nuakuamba ne, Kukuatshila Yehowa mudimu kudi muanda wa hatuhu; tuakuangata difutu kai hatuakutumikila mei andi ne hatuakuenda baluate bivualu bia madilu ku mpala kua Yehowa wa misumba?

2 Kulondolola 28:23

Bualu bua yeye wakashihela nzambi ya mu Damaseke yakamubutula milambu; yeye wakamba ne, Bualu bua nzambi ya Bena Sulia yakabatatshisha, nunku nenyishihele milambu bua yoyo kukuatshisha meme. Kadi yoyo yakamulenduisha ne Bena Isalele bonso.

Yirmeya 22:21

Nakakuambila dî hawakadi ne diakalengele diebe; kadi wewe wakamba ne, Tshiena ngunvua nansha. Etshi tshiakadi tshilele tshiebe tshia ku buana buebe ne wewe kuakutumikila dî dianyi.