Yirmeya 17:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ mu diba adi bakelenge ne baminyampala babo badi bashikame mu nkuasa wa bunfumu wa Davidi nebabuele ku bibi bia musoko eu, benda mu makalu ne ha nyima ha tubalu; ne bobo ne bakelenge bana babo, bantu ba mu Yuda ne badi bashikame mu Yelushalema; musoko eu newikale ne bantu tshiendelele.

MUKANDA WA MYIDI MUKULU

²⁵ Diba adi, bakalenga badi mu nkuasa wa Davide, badi babanda pa nyama ya tubalu nansha pa matempu, balombodi babu ba mu bukalenga, bena Yuda ne bantu badi basomba mu Yerushalayime, bonsu nebapitshile amu kupitshila ku biibi bia bimenga. Tshimenga atshi netshikale kashidi ne bantu badi basombamu.

Yirmeya 17:25 交叉引用

Yirmeya 22:4

Bua binuatumikila mei â bulelela, nunku banfumu badi bashikame mu nkuasa wa bukelenge wa Davidi nebabuele mu bibi bia ku nsubu eu, benda mu makalu ne ha nyima ha tubalu, bobo, bena mudimu babo ne bantu babo.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Ebrewu 12:22

Kadi nuenu nuakulua ku mukuna wa Siona ne ku musoko wa Nzambi udi ne muoyo, Yelushalema wa mu diulu, ne ku misumba ya banjelo idi kayi mua kubadibua,

Yirmeya 33:21

nunku nebamanye mua kushiha tshihungidi tshinakahunga ne Davidi muntu wanyi, bua yeye kikadi ne muana mulume wa kushikama mu nkuasa wandi wa bukelenge bua kukokesheye, ne tshinakahunga ne Bena Lewi bakuidi, bankuatshidi ba mudimu.

Yirmeya 33:17

Bualu bua Yehowa udi wamba ne, Davidi kena uhanga kuikala ne muana mulume bua kushikameye mu nkuasa wa bukelenge wa Isalele tshiendelele;

Yirmeya 33:15

Mu matuku au ne mu tshikondo atshi nemmeneshile Davidi Lutonga lua buakane, yeye neajadike kulumbulula kuimpe ne buakane mu buloba.

2 Samuele 7:16

Nsubu webe ne bukelenge buebe nebujadikibue ku mesu kuebe tshiendelele; nkuasa webe wa butumbi neajadikibue tshiendelele.

Yirmeya 22:30

Yehowa udi wamba ne, Funda muntu eu bu muntu udi kayi ushala ne muana, bu muntu udi kayi uheta diakalengele mu matuku andi; bualu hua kakuena kuikala kabidi muana wa munkatshi mua bana bandi waheta diakalengele, washikama biandi mu nkuasa wa bukelenge wa Davidi, wakokesha kabidi mu buloba bua Yuda.

Yirmeya 13:13

Hashishe wewe neubambile ne, Yehowa udi wamba ne, Monai, nenkuatshishe bantu bonso ba ha buloba maluvu, kudi bakelenge badi bashikame mu nkuasa wa Davidi, bakuidi ne baprofete ne ba mu Yelushalema bonso.

2 Samuele 8:4

Davidi wakamunyenga bantu bakadi benda ha nyima ha tubalu tshinunu tshimue ne nkama muanda mutekete, ne bakadi benda hanshi binunu makumi abidi; Davidi wakakosa tubalu tuonso mifungu yatu, kadi wakasungula tukuabo bua makalu lukama.

1 Samuele 8:11

Wakamba ne, Eu newikale mushindu wa mukelenge udi unukokesha: neangate bana benu ba balume, neabateke bu bena makalu andi ne badi benda ha nyima ha nyama yandi ya tubalu; bobo nebalumbile lubilu ku mpala kua dikalu diandi;

Dielulula 17:16

Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Yirmeya 22:2

wambileku ne, Unvuai dî dia Yehowa, wewe mukelenge wa Yuda, udi mushikame mu nkuasa wa bukelenge wa Davidi, wewe mene, ne bena mudimu bebe, ne bantu bebe badi babuela ku bibi ebi bia ku musoko.

Yirmeya 25:5

Bobo bakadi banuambila ne, Buonso buenu, muntu ne muntu, nukudimune mitshima yenu, nulekele kuenda mu nshila wenu mubi ne kuenza bienzedi bibi, bua nushikame mu buloba buakanuha Yehowa, nuenu ne batatu benu, ku kale tô ne tshiendelele.

Yirmeya 7:3

Yehowa wa misumba, Nzambi wa Isalele, udi wamba ne, Longololai bienzedi bienu ne malu enu bimpe, ne nennushikamishe mu muaba eu.

Yirmeya 7:7

nennushikamishe mu muaba eu bimpe, mu buloba bunakaha bankambua benu, ku dituku adi tô ne tshiendelele.