Yirmeya 16:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

MUKANDA WA MYIDI MUKULU

¹⁸ Ndi musue kubanyoka bikole bua malu mabi avuabu benze, ne bua tshilema tshiabu. Bualu mbanyange ditunga dianyi ne mpingu yabu indi mbenga idi bu bitalu. Bavua bateka mvidie ya dishima miaba yonsu mu ditunga dianyi.

Yirmeya 16:18 交叉引用

Yeshaya 40:2

Nuambile mutshima wa Yelushalema mei makane; numuele dî ne, Tshikondo tshiebe tshia mudimu mukole tshiakushika, bakukubuikidila bubi buebe. Wakuheta makenga ku tshianza tshia Yehowa akuvudisheye misangu ibidi bua malu mabi ebe.

Didimanyisha 18:6

Numuheshe bu muakahesheye bakuabo, ne numuhitshishile dikenga diandi misangu ibidi bu mudi bienzedi biandi; mu luhanza muakasangishileye bakuabo makenga numusangishile makenga misangu ibidi.

Yezekiyele 11:21

Kadi Yehowa udi wamba bua bantu aba badi ne mitshima yabo mitekibue ku bintu biabo bidi bibiha ne binyanguka ne, Nembavuishile makenga ha mutu habo bua bienzedi biabo bibi.

Yirmeya 17:18

Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

Yirmeya 2:7

Nakalua nʼenu mu buloba buakadi bumenesha bia kudia bia bungi, bua nuenu kudia mamuma abu ne bintu biabu bimpe; kadi hanuakabuelamu, nuakanyanga buloba buanyi, nuakavuisha buhianyi buanyi bu tshintu tshinyanguke.

Yezekiyele 11:18

Nebahinganemu, nebumushe bintu bionso bidi hibubihisha ne bintu bionso bidi bibunyanga.

Yirmeya 3:9

Bualu bua dikamakama diandi mu masandi andi buloba buakanyanguka, ne wakenda masandi ne mabue ne bibasa bia mitshi.

Yeshaya 61:7

Mu muaba wa bundu buenu nenuikale ne nseke ibidi ya buhianyi, mu muaba wa dikeheshibua nebikale ne disanka mu buhianyi buabo; nunku nebikale ne bituha bibidi bia buhianyi mu buloba buabo; disanka diabo nedikale disanka dia tshiendelele.

Mika 2:10

Jukai, yai bienu! Ebu kembuloba bua nuenu kuikisha; bualu bua bubi buenu nenubutudibue kabutu!

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Misambu 106:38

Bakatatshisha mashi a bantu bakadi kabayi ne tshilumbu hanshi, akadi mashi a bana babo baledibue, balume ne bakashi, bakashihelabo mpingu ya mu Kanâna bu milambu. Buloba buakanyanguka ne mashi.

Lewitiki 26:30

Meme nenshimbule bitendelelu bienu bidi ku mutu kua mikuna, nenkose mpingu inudi nutendelela nʼai diba, nengele bitalu bienu ha mutu ha mpingu yenu, mutshima wanyi neunulengulule.

Yeshaya 65:6

Yehowa udi wamba ne, Tangila, dî edi didi difundibue ku mpala kuanyi ne, Tshiena mpuwa talalâ, kadi nembahingishile difutu; bulelela, nembahingishile difutu mu biadi biabo,

Yirmeya 7:30

Yehowa udi wamba ne, Bena Yuda bakuenza malu adi mabi ku mesu kuanyi, bakushimika mpingu yabo ya tshinyangu mu nsubu udibo bambikidila dina dianyi, bua kunyanga nsubu eu.

Yirmeya 44:4

Kadi nakanutumina bena mudimu banyi bonso baprofete, njuka hanyi ne lunkelu bua kubatuma, ngamba hanyi ne, Kanuenji bualu ebu budi bunfuisha bundu, bundi nkina.

Yezekiyele 5:11

Yehowa udi wamba ne, Bu mundi meme ne muoyo, bualu bua nuakunyanga tshitendelelu tshianyi ne mpingu yenu yonso idi intonda ne malu enu onso adi atshinyanga, nennuhoneshe hahshi; disu dianyi kadiena dinumona ne dinanga ne tshiena nnulesha luse.

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Yeshaya 65:7

malu mabi enu mene ne malu mabi a batatu benu diatshimue, bualu bua bakosha musenga wa manananshi ha mutu ha mikuna mile, ne bakampenda ha mutu ha mikuna mihi, nembidikishile difutu dia bienzedi biabo bia diambedi dikongoluela mu biadi biabo.

Yezekiyele 36:18

Bua malu â nakabahongoluela tshiji tshianyi tshikole bualu bua mashi akadibo bamatshisha ha buloba ne bualu bua bakabunyanga ne mpingu yabo.