Yirmeya 14:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa udi wambila bantu aba ne, Bobo bakunanga kuendakana mu nshila, kabakukanda makasa abo; nunku Yehowa kena mua kubitabusha nansha; mpindiu yeye neavuluke mibi yabo, neakengeshe benji ba malu mabi.

MUKANDA WA MYIDI MUKULU

¹⁰ Maweja-Nangila udi wamba ne: “Eyowa, bantu abu mbasue kuendakana miaba yonsu, banshiya meme.” Kadi ebi kabiena bisankisha Maweja-Nangila. Nenku tshiena mua kupua malu mabi abu muoyi. Nembanyoke.

Yirmeya 14:10 交叉引用

Osheya 9:9

Bakudinyanga ne tshinyangu tshikole, bu muakenzabo mu matuku a Gibea. Yeye neavuluke bubi buabo, neabakengeshe bua malu mabi abo.

Osheya 8:13

Badi bafila milambu ya nyama minshihela, badi bafila munyinyi ne badi baudia; kadi Yehowa kena usanka bua bintu ebi. Mpindiu neavuluke bubi buabo neabakengeshe bua malu mabi abo; nebahingane mu Ejipitu.

Misambu 119:101

Ndi nkanda makasa anyi bua kaendedi mu nshila yonso mubi, bua ntumikile dî diebe.

Amosa 5:22

Bulelela, nansha binuafila milambu yenu kundi mudi nungoshila, ne milambu yenu ya bia kudia, tshiena ngiyitabusha; tshiena ntangisha mesu anyi ku milambu yenu ya bimuna bidi ne manyi bua kuyuisha nʼai ditalala.

Yirmeya 6:20

Manananshi a ku Sheba adi nebualu kai kundi, ne mienge idi ne muhuya muimpe ya ku buloba bua kule? Tshiena ngitabusha milambu yenu ya kuosha, ne milambu yenu mikuabo kayena isankisha.

Ebrewu 8:12

Bualu bua nengikale nʼabo luse mu malu mabi abo, Tshiena nvuluka mibi yabo kabidi.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Osheya 11:9

Tshiena ngenza malu onso adi bukole bua tshiji tshianyi bingambila nansha, tshiena mpingana kudi Bena Efelayima bua kubabutula; bualu bua meme ndi Nzambi, tshiena muntu; ndi Wa Tshijila munkatshi muenu; tshiena ndua kabidi ne tshiji tshikole.

Osheya 11:7

Bantu banyi badi basue anu kuntombokela; nansha biababikilabo kudi Wa mu Diulu, kakuena umue wabo wamutumbisha.

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Yirmeya 2:36

Bua tshinyi udi wendakana eku ne eku bua kukudimuna nshila webe? Ejipitu neakufuishe bundu bu muakukufuishabo bundu kudi Ashû.

1 Bakalenga 17:18

Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

1 Samuele 15:2

Yehowa wa misumba udi wamba ne, Nakavuluka malu akenzela Bena Amaleka Bena Isalele bu muakabatantamenabo mu nshila hakaluhukabo mu Ejipitu.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Yezekiyele 29:16

Kabuena buikala tshieyemenu kudi Bena Isalele kabidi, tshivulukidi tshia bubi buabo, hahinganabo bua kubakeba; nebamanye ne, Meme ndi Mukelenge Yehowa.

Osheya 7:2

Kabena belangana meji mu mitshima yabo ne, Yehowa udi uvuluka bubi buetu buonso, bienzedi bietu bibi bidi bitunyunguluka, bidi ku mpala kuandi.

Osheya 7:13

Mulau wikale kudibo, bualu bua bakuhambuka! Kubutuka kuikale kudibo, bualu bua bakuntombokela! Nakadi kubuhikula, kadi bakunshiminyina malu.

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Ekesode 32:34

Katataka ya biebe, uye ne bantu ku muaba unakukuambila, tangila, muanjelo wanyi neaye ku mpala kuebe, kadi dituku dinalua kudibo, nembenzele kabidi bu mudi bubi buabo.

Misambu 95:10

Bantu ba mu tshikondo atshi bakantondesha bidimu makumi anai, nunku nakamba ne, Badi bantu badi bahambuka mu mitshima yabo kabena bamanye nshila yanyi.