Yirmeya 13:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nkutangila malu mabi ebe, masandi ebe, mei a kusamina kuebe kua masandi, bundu bua masandi ebe, ha mutu ha mikuna ya mu mpata. Mulau newikale kûdi, Yelushalema! Musangu neulehe bule bishi kuyi muanze kutokeshibua?

MUKANDA WA MYIDI MUKULU

²⁷ Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 13:27 交叉引用

Osheya 8:5

Bena Samalea, nakûmusha muanʼa ngombe wenu! Tshiji tshianyi tshiakubatemena bikole; nebashale musangu bule munyi bua kulengesha mitshima yabo?

Yezekiyele 24:13

Nunku, bualu bua bukoya bua malu ebe a tshikama, bualu bua nakukeba kukulengesha ne wewe kuena muanze kulengeshibua, kuena ulengeshibua ku bukoya buebe kabidi tô ne hanalekela tshiji tshianyi tshindi nʼatshi kûdi.

Yezekiyele 6:13

Nebamanye ne, Ndi Yehowa, haladikabo bana babo bashihibue munkatshi mua mpingu yabo ne kuinshi kua bioshelu biai ku nseke yonso, ha mutu ha mukuna wonso muhuekele, ha mutu ha mikuna mibande yonso, muinshi mua mutshi wonso udi ne muoyo ne muinshi mua mutshi wonso wa telebinta, miaba ei yakafidilabo bintu bia muhuya muimpe kudi mpingu yabo yonso.

Yeshaya 65:7

malu mabi enu mene ne malu mabi a batatu benu diatshimue, bualu bua bakosha musenga wa manananshi ha mutu ha mikuna mile, ne bakampenda ha mutu ha mikuna mihi, nembidikishile difutu dia bienzedi biabo bia diambedi dikongoluela mu biadi biabo.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Yezekiyele 36:37

Mukelenge Yehowa udi wamba ne, Nengitabushe kabidi bua Bena Isalele bandombe bua mbenzele muanda eu wa kubakumbashila bantu bua bikale ba bungi bu tshisumbu tshia mikoko,

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Didimanyisha 8:13

Nakatangila, ne nakunvua nyunyu wa mukanku umuehele uhahala munkatshi mua diulu, wamba ne dî dikole ne, Mulau, mulau, mulau, kudi badi bikala ha buloba, bualu bua mei makuabo a mpungi ya banjelo basatu badi balua kuela.

Yakobe 4:4

Nuenu, bena masandi. Kanuena bamanye ne, Bulunda bua malu a ha buloba budi ne Nzambi lukuna, anyi? Nunku muntu yonso wasua kuikala mulunda wa malu a ha buloba, udi udivuisha nmona lukuna kudi Nzambi.

2 Korente 12:21

bua hanalua kunudi tshiakabidi, Nzambi wanyi kantamunyi ku mpala kuenu, ne mutshima wanyi kunyingaladi bua bantu bangi bakenza malu mabi diambedi ne kabena banze kukudimuna mitshima yabo ku meshi mabi ne tshiendenda tshia malunda mabi ne masandi biakenzabo.

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

Matayi 11:21

Wewe Kolazina, mulau ulualua kûdi! Wewe Bete-saïda, mulau ulualua kûdi! Bualu bua bu malu a kukema akenjibua munkatshi muenu, menjibue mu Tulo ne mu Sidona, bakadi kukudimuna mitshima yabo kale, baluate bilulu bikayabala, balale mu butue.

Sefanya 3:1

Mulau wikale kudi musoko udi mutomboke ne munyanguke, musoko udi ukengesha bantu!

Osheya 1:2

Ku tshibangidilu hakayikila Yehowa ne Hoshea, Yehowa wakamuambila ne, Ya biebe, ubake mukashi wa masandi, ulele nʼandi bana ba mu masandi; bualu bua ba mu buloba ebu badi balonda malu a masandi, bahambuke kudi Yehowa.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Yezekiyele 24:6

Nunku Mukelenge Yehowa udi wamba ne, Mulau wikale kudi musoko eu udi umatshisha mashi a bakuabo hanshi, kudi luesu elu lunene ludi ne dimoma munda mualu, ne ludi ne dimoma didi kadiyi dianze kumuka! Luhula dihunda ne dihunda, kudieledi nshobo bua kudisungula.

Yezekiyele 20:28

Bualu bua hanakalua nʼabo mu buloba bunakaditshiha bua kubaha, ne bobo bakatangisha mesu abo ku mukuna wonso mule anyi ku mutshi wonso wa mabeshi a bungi, bakafilahu milambu yabo, bakafilahu bintu biakankuatshisha tshiji; bakoshelaku bintu bia muhuya muimpe, bakahongololaku milambu ya bia kunua.

Yezekiyele 2:10

Yeye wakauvungulula ku mpala kuanyi. Wakadi ne mei mafunda munda muau ne ha nyima hau; mei a muadi, madilu ne mulau akadi mafundamu.

Yeshaya 57:7

Wakuteka bualu buebe ha mutu ha mukuna mule mubande mulu; wakubandahu bua kufila mulambu.

Misambu 94:4

Badi bavudisha mei abo, badi bamba mei a diambu; benji ba malu mabi bonso badi baditumbisha.

Yirmeya 3:6

Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Misambu 94:8

Elanganai meji a bualu ebu, nuenu badi bajibale munkatshi mua bantu! Nuenu bantu bahote, nenulue bena meji dituku kai?

Yirmeya 11:15

Wanyi munanga udi mua kuenza bualu kai mu nsubu muanyi, yeye mumane kuenza malu a bundu? Mitshihu yebe ne munyinyi wa tshijila nebimanye mua kukûmushila mulau ne mua kukuhandisha ku bintu ebi, anyi? Ha wenza malu mabi, ke haudi usanka.

Yezekiyele 16:23

Mukelenge Yehowa udi wamba ne, Ha mutu ha malu mabi ebe onso, mulau, mulau wikale kûdi!

Yezekiyele 24:12

Musoko wakuditondesha ne midimu mikole, kadi dimoma diau dinene kadiena dianze kumuka munda muau, dimoma kadiena diumushibua kudi kahia.