Yirmeya 13:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yehowa udi wamba ne, Nembatutakashangane, batatu ne bana babo hohamue; tshiena mbafuila luse, tshiena mbasungila, luse kaluena lunkuata bua bualu buabo, kakuena tshintu tshidi mua kunkanda bua meme kubabutula.

MUKANDA WA MYIDI MUKULU

¹⁴ Nembatutakaje mitu, baledi ne bana, bu mudibu batutakaja mulondu ne mukuabu. Tshiakufuila muntu nansha umue luse to. Nembabutule bonsu tshiyi nansha ne luse kashidi kanyi!”

Yirmeya 13:14 交叉引用

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Misambu 2:9

Wewe neubatshibule ne dikombo dia tshiamu; neubasunsulule bu mudibo basunsula luesu lua mufumbi wa ngesu.

Yirmeya 21:7

Yehowa udi wamba ne, Ku nyima kua malu au nenfile Sedekiya, mukelenge wa Yuda, ne hena mudimu bandi ne bantu badi bashala mu musoko bahanduke ku tshihuhu, ku muele wa nvita, ku tshiole, mu bianza bia Nebukadenesâ, mukelenge wa Babulona, ne mu bianza bia bena lukuna babo ne mu bianza bia badi bakeba mioyo yabo. Yeye neabashihe ne muele wa nvita, kena ubasungila, kena ubalesha kalolo, kena ubafuila luse.

Yirmeya 6:21

Nunku Yehowa udi wamba ne, Monai, nenteke bilenduishi ku mpala kua bantu aba; batatu babo ne bana nebalenduke hohamue; muena mutumba ne mulunda wandi nebafue.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Marke 13:12

Muanʼabo ne muntu neafile muanʼabo ku lufu, tatu neafile muanʼandi, bana nebatombokele batatuʼabo ne bamamuʼabo, nebabashiheshe.

Matayi 10:21

Muanʼabo ne mutu neafile muanʼabo ku lufu, tatu neafile muanʼandi, bana nebatombokele batatuʼabo ne bamamuʼabo, nebabashiheshe.

Yezekiyele 24:14

Meme Yehowa nakuamba di edi, nedikale dilelela, ne meme nendienze. Tshiena mpingana ku nyima, tshiena nkufuila luse, tshiena nkudimuna bualu bunakuhangidisha mu mutshima wanyi. Nebakose tshilumbu tshiebe bu mudi bienzedi biebe ne midimu yebe. Edi ndî didi Mukelenge Yehowa wamba.

Yezekiyele 9:10

Nunku meme hanyi tshiena mbalesha dinanga, tshiena mbafuila luse, kadi nempingashe dikenga bu difutu dia bienzedi biabo ha mitu babo.

Yezekiyele 9:5

Wakambila bakuabo mu matshu anyi ne, Yai, nuhitshile mu musoko ku nyima kuandi, nutahe bantu. Mesu enu kâbatangidi ne dinanga, kanubafuidi luse;

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Yezekiyele 7:9

Disu dianyi kadiena dinutangila ne dinanga, tshiena nnufuila luse; nennutumine dikenga bu mudi bienzedi bienu, nenteke malu enu a bundu hamʼbidi henu; nenumanye ne, Meme Mukelenge ntu ngakuma bantu.

Yezekiyele 7:4

Disu dianyi kadiena dinutangila ne dinanga ne tshiena nnufuila luse; kadi nennuhingashile difutu dia bienzedi bienu bibi, ne nenteke malu enu a bundu hamʼbidi henu; nenumanye ne, Ndi Yehowa.

Yirmeya 48:12

Nunku Yehowa udi wamba ne, Monai, mu matuku alualua nentume basendeki kudiye, nebamusendeke, nebahongolole bintu bidi mu milondo yandi, nebashihe milondo yandi bihese.

Yirmeya 47:3

Hunvuabo tshiona tshia kutua kua mikono ya tubalu tuandi, hamonabo kuenda kua lubilu kua makalu a nvita ne tshiona tshia nkata yau, batatu kabena batangila ku nyima bua kusungila bana babo, bualu bua maboko abo adi ateketa.

Yirmeya 16:5

Bua Yehowa udi wamba ne, Kubuedi mu nsubu wa madilu, kuyimu bua kubajinga anyi kubashila muadi, bualu bua nakûmusha ditalala dianyi, nduse luanyi lujalame kudi bantu aba.

2 Kulondolola 20:23

Bualu bua Bena Amona ne Bena Moaba bakimana ku mpala kua ba ku mikuna ya Seî, bua kubabutula ne kubashiha; hakashikishabo kushiha ba ku mikuna ya Seî, bakashihangana nkayabo.

1 Samuele 14:16

Batentekedi ba Shaula ba mu Gibea wa mu buloba bua Benyamina bakatangila, ne monai, tshisumbu tshia Bena Peleshete tshiakamuangalaka, bakaya eku ne eku.

Yobe 27:22

Bualu bua Nzambi udi wela mikete yandi kudiye, kayi umufuila luse; yeye wakadi kusua kuhanduka ku tshianza tshia Nzambi.

Yirmeya 15:5

Yelushalema, nganyi wakuluila luse, nganyi wakuashila muadi? Nganyi wimana mu nshila bua kukuela muoyo?

Muadi 2:21

Bansongalume ne bakulumpe badi balala hanshi mu misesu; bansongakashi banyi ne bansongalume banyi bakushihibua ku muele wa nvita; wewe wakubashiha mu dituku dia tshiji tshiebe; wakubashiha kuyi mubafuile luse.

Osheya 2:4

Bulelela, tshiena nfuila bana bandi luse, bualu bua badi bana ba muena masandi.

Zekâya 11:6

Yehowa udi wamba ne, Nunku tshiena nfuila ba mu buloba ebu luse kabidi; monai, nenfile bantu aba bonso, muntu ne muntu mu bianza bia muena mutumba nʼandi, muntu ne muntu mu bianza bia mukelenge wandi; nebavuishe buloba tshikulu, ne tshiena mbahandisha mu bianza bia babashihi.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 25:16

Nebalunue, nebalenduke, nebahale, bualu bua muele wa nvita undi ntuma munkatshi muabo.

Yezekiyele 7:3

Mpindiu nshikidilu wakufika kunudi; nentume tshiji tshianyi bua tshinukengeshe, nennulumbuluishe bu mudi bienzedi bienu; nennuhingashile difutu bua malu enu onso manyanguke.