Yezekiyele 9:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku meme hanyi tshiena mbalesha dinanga, tshiena mbafuila luse, kadi nempingashe dikenga bu difutu dia bienzedi biabo ha mitu babo.

MUKANDA WA MYIDI MUKULU

¹⁰ Kadi meme tshiena mua kubafuila luse. Tshiena mua kubashiya ne muoyi to. Nembanyoke bua bubi budibu benza.

Yezekiyele 9:10 交叉引用

Yezekiyele 7:4

Disu dianyi kadiena dinutangila ne dinanga ne tshiena nnufuila luse; kadi nennuhingashile difutu dia bienzedi bienu bibi, ne nenteke malu enu a bundu hamʼbidi henu; nenumanye ne, Ndi Yehowa.

Yezekiyele 11:21

Kadi Yehowa udi wamba bua bantu aba badi ne mitshima yabo mitekibue ku bintu biabo bidi bibiha ne binyanguka ne, Nembavuishile makenga ha mutu habo bua bienzedi biabo bibi.

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Yeshaya 65:6

Yehowa udi wamba ne, Tangila, dî edi didi difundibue ku mpala kuanyi ne, Tshiena mpuwa talalâ, kadi nembahingishile difutu; bulelela, nembahingishile difutu mu biadi biabo,

Osheya 9:7

Matuku a kubakengesha akufika, matuku a kubafuta akulua; Bena Isalele nebamanye muanda eu ne, Muprofete udi muhote, muntu udi ne nyuma udi muhale, bualu bua bubi buenu buvule, ne bualu bua lukuna luenu ludi lukole.

Yezekiyele 5:11

Yehowa udi wamba ne, Bu mundi meme ne muoyo, bualu bua nuakunyanga tshitendelelu tshianyi ne mpingu yenu yonso idi intonda ne malu enu onso adi atshinyanga, nennuhoneshe hahshi; disu dianyi kadiena dinumona ne dinanga ne tshiena nnulesha luse.

Ebrewu 10:30

Bua tudi bamumanye yeye wakamba ne, Kusombuela mbualu buanyi, nempingishile bantu difutu diabo, wakamba kabidi ne, Mukelenge nealumbuluishe bantu bandi.

Yowele 3:4

E, nuenu kabidi, Tulo ne Sidona, ne nseke yonso ya Peleshete, nudi bu banganyi kundi? Nudi basue kunfuta bua bualu bunakuenza, anyi kungenzela bunga bualu, anyi? Nennuhingashile difutu lukasa bua malu mabi enu!

Yezekiyele 22:31

Mukelenge Yehowa udi wamba ne, Nunku nakubahongoluela tshiji tshianyi tshikole; nakubabutula ne kahia ka tshifikʼa munda; nakubatumina dikenga bualu bua bienzedi biabo.

Yezekiyele 9:5

Wakambila bakuabo mu matshu anyi ne, Yai, nuhitshile mu musoko ku nyima kuandi, nutahe bantu. Mesu enu kâbatangidi ne dinanga, kanubafuidi luse;

2 Kulondolola 6:23

unvue biebe mu diulu, wenze biebe, ulumbuluishe bantu bebe, ukengeshe muntu mubi bua kuhingisha bienzedi biandi ha mutu handi; ubingishe muntu muakane bua kumufutshila bu muakadi buakane buandi.

Dielulula 32:41

Binatuisha muele wanyi wa nvita, ne bingolola tshianza tshianyi bua kulumbulula bilumbu, meme nensombuele badi nʼanyi lukuna, neafute badi nʼanyi tshiji.

Yeshaya 13:18

Mata abo neasunsule mibidi ya bansongalume, kabena bafuila badi bahatuka mu mafu luse, mesu abo kaena amona bana ne dinanga dia mua kubasungila.

Muadi 1:5

Bamukengeshi bakumutshimuna, badi nʼandi lukuna badi ne diakalengele; bualu bua Yehowa wakunkengesha bua kuvulangana kua malu mabi andi. Bana handi batekete bakubuela mu buhika kudi bena lukuna bandi.

Yezekiyele 9:11

Hashishe muntu wakadi muluate bivualu hia lin, wakadi ne kalondo ka mai a mukanda ka mufundi kasuika mu tshifuka tshiandi, wakahingana ne dî ne, Nakuenza bu muwakungambila.

Yezekiyele 23:49

Difutu dienu nedikale makenga bua malu enu a tshikama, ne nenukenge bualu bua kutendelela kuenu kua mpingu; nenumanye ne, Meme ndi Mukelenge Yehowa.

Yezekiyele 24:14

Meme Yehowa nakuamba di edi, nedikale dilelela, ne meme nendienze. Tshiena mpingana ku nyima, tshiena nkufuila luse, tshiena nkudimuna bualu bunakuhangidisha mu mutshima wanyi. Nebakose tshilumbu tshiebe bu mudi bienzedi biebe ne midimu yebe. Edi ndî didi Mukelenge Yehowa wamba.

1 Bakalenga 8:32

unvue biebe mu diulu bua kulumbuluila bantu bebe; uhishe muntu mubi bua kuhingisha bualu buandi ha mutu nʼandi; uhingishe muntu udi kayi ne bualu, bua kumuhita ku buimpe buandi.

Yezekiyele 7:3

Mpindiu nshikidilu wakufika kunudi; nentume tshiji tshianyi bua tshinukengeshe, nennulumbuluishe bu mudi bienzedi bienu; nennuhingashile difutu bua malu enu onso manyanguke.

Yezekiyele 16:43

Mukelenge Yehowa udi wamba ne, Bualu bua kuakuvuluka matuku a buana buebe, kadi wakunfikisha munda ne malu â onso, nunku meme hanyi nenkukengeshe bua bienzedi biebe. Kuakuenza muanda eu wa tshikama ha mutu ha malu ebe onso a bundu, anyi?

Yezekiyele 17:19

Nunku Mukelenge Yehowa udi wamba ne, Bu mundi meme ne muoyo, bua mutshihu wanyi wakahetuleye ne tshihungidi tshianyi tshiakashiheye, nemmukengeshe.

Yezekiyele 43:3

Tshinfuanyi tshinakamona tshiakadi bu tshinfuanyi tshinakamona hakalueye bua kushiha musoko, ne bu tshinfuanyi tshinakamona ku muelelu wa musula wa Kebâ; nakatua mpala wanyi hanshi.

Zekâya 11:6

Yehowa udi wamba ne, Nunku tshiena nfuila ba mu buloba ebu luse kabidi; monai, nenfile bantu aba bonso, muntu ne muntu mu bianza bia muena mutumba nʼandi, muntu ne muntu mu bianza bia mukelenge wandi; nebavuishe buloba tshikulu, ne tshiena mbahandisha mu bianza bia babashihi.