Yezekiyele 8:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

MUKANDA WA MYIDI MUKULU

¹² Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Yezekiyele 8:12 交叉引用

Yeshaya 29:15

Mulau wikale kudi bantu badi bafundika bifufu biabo muinshi mule bua kubisokoka ku mesu kua Yehowa, ne badi ne midimu yabo mu midima, badi bamba ne, Muntu kai udi mutumone? Muntu kai udi mummanye?

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Yezekiyele 8:15

Hashishe yeye wakankonka ne, Muana wa muntu, wakumona muanda eu, anyi? Neumone malu makuabo a bundu mahite â bubi.

Efeze 5:12

Bualu bua malu adibo benza mu musokoko adi atufuisha bundu bituâmba.

Misambu 10:11

Yeye udi udiamba mu mutshima wandi ne, Nzambi wakuhua muoyo; udi usokoka mpala wandi, kena utangila bualu ebu kashidi.

Yezekiyele 20:1

Mu tshidimu tshia muanda mutekete, mu ngondo muitanu ne mu dituku dia dikumi dia ngondo, bakuabo ba munkatshi mua bakulu ba Bena Isalele bakalua kulomba lungenyi kudi Yehowa, bakashikama ku mpala kuanyi.

Yezekiyele 14:1

Hashishe bakulu bakuabo ba mu Bena Isalele bakahia kundi, bakashikama ku mpala kuanyi.

Yezekiyele 8:17

Nunku yeye wakankonka ne, Muana wa muntu, wakumona muanda eu, anyi? Mbualu bukese ku mesu kua ba mu tshisamba tshia Bena Yuda bua kuenzabo malu a bundu adibo benza mu muaba eu, anyi? Bua meji abo a nunku badi busha buloba tente ne ditomboka diabo, ne batshidi bankuatshisha tshiji. Tangila mudibo bateka ditamba ku mûlu abo!

Yezekiyele 8:11

Bakulu makumi muanda mutekete ba munkatshi mua bakulu ba Bena Isalele bakadi bimana ku mpala kua mindidimbi ai; ne munkatshi muabo muakadi Yâzanya, muana wa Shafana, muimane. Muntu ne muntu wa munkatshi muabo wakadi mukuate dilonga dia kuoshelamu musenga wa manananshi ku tshianza tshiandi, ne muhuya wa muishi wa ku musenga wa manananshi wakabanda mulu.

Misambu 73:11

Badi bamba ne, Nzambi udi mumanye munyi? Mutambe Bunene wa mu diulu udi ne lungenyi, anyi?

Misambu 14:1

Muhote udi wamba mu mutshima wandi ne, Kakuena Nzambi. Bobo badi banyanguke, badi benza malu mabi adi afuisha bundu; kakuena nansha umue wabo udi wenzaku malu mimpe.

Yeshaya 47:10

Bualu bua wewe wakueyemena malu mabi ebe; wakuamba biebe ne, Kakuena muntu udi untangila. Meji ebe ne lungenyi luebe biakukusesuisha mu nshila; ne wewe wakuamba mu mutshima webe ne, Meme ndiku, kakuena mukuabo nʼanyi hohamue.

Yezekiyele 8:13

Yeye wakangambila dî dikuabo ne, Neumone malu makuabo a bundu adibo benza adi ahita â bubi.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.

Dielulula 27:15

Muntu yonso udi usonga luhingu anyi udi wenza luhingu ne tshiamu tshiakatulabo kudi muntu udi ne lungenyi lule, udi kujadika mu musokoko, ntshintu tshibi ku mesu kua Yehowa, udi ne mulau. Bantu bonso nebakudimune dî ne, Amen.

2 Bakalenga 17:9

Bena Isalele bakenza mu musokoko malu akadi kâyi mimpe ku mesu kua Yehowa, Nzambi wabo; bakadiashila bitendelelu mu misoko yabo yonso ku tshibumba tshia batentekedi tô ne ku misoko yakadi ne ngumbu;