Yezekiyele 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ bua muanda eu Mukelenge Yehowa udi wamba ne, Monai, meme ndi nnubela, meme hanyi, ne nennulumbuluishe ku mpala kua bisamba bikuabo.

MUKANDA WA MYIDI MUKULU

⁸ Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Yezekiyele 5:8 交叉引用

Yezekiyele 15:7

Nembahidie; bakuhatuka mu kahia, kadi kahia kakuabo nekabavingutule; nenumanye ne, Ndi Yehowa, hanabahidia.

Yirmeya 24:9

Nembafile bua kuikalabo bintu bia kukuatshisha bakuabo buowa munkatshi mua makelenge onso a ha buloba, bua kudivuishilabo tshihendu ne lusumuinu lubi, bu tshintu tshidibo baseka ne bela mulau, mu miaba yonso indualua kubihata.

Yezekiyele 21:3

Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.

Yirmeya 21:13

Yehowa udi wamba ne, Mona, ndi nkuhidia, wewe udi mushikame mu tshibanda, ne ha dibue dia mu mpata, wewe udi wamba ne, Nganyi neahuekemu bua kutuluisha? Anyi nganyi wabuela mu miaba itudi bashikame?

Yirmeya 21:5

Meme hanyi nenduangane nʼenu ne tshianza tshiolola kunudi ne diboko dianyi dikole, ne tshiji, ne tshifikʼa munda, ne tshiji tshikole.

Matayi 22:7

Mukelenge wakadi ne tshishi, wakatuma masalayi andi, wakashiha batahianganyi aba, wakosha musoko wabo.

Yezekiyele 39:1

Wewe, muana wa muntu, udiule Gogo, umuambile ne, Mukelenge Yehowa udi wamba ne, Tangila, ndi nʼebe tshilumbu, wewe Gogo, mukelenge wa Losha, Mesheke ne Tubala.

Yezekiyele 35:3

uwambile ne, Mukelenge Yehowa udi wamba ne, Monai, ndi nʼebe tshilumbu, wewe mukuna wa Sei, nengolole tshianza tshianyi ha mutu hebe bua kukukengesha, nenkuvuishe tshikulu ne tshihela tshia hatuhu.

Yezekiyele 28:22

amba biebe ne, Mukelenge Yehowa udi wamba ne, Tangila, ndi nkudiula, wewe Sidona, nemmueneshe butumbi buanyi munkatshi muenu. Bobo nebamanye ne, Meme ndi Yehowa, hanabalumbuluisha, hanamuenesha tshijila tshianyi ku malu andi mbenzela;

Yezekiyele 11:9

Nennuluhule munkatshi mua musoko, nennufile mu bianza bia bantu ba bende, nenshikishe bilumbu bienu ne dinukengesha.

Muadi 3:3

Bulelela, wakunkengesha ne tshianza tshiandi ku musangu ne ku musangu dinda tô ne ku dilolo matuku onso.

Muadi 2:5

Mukelenge wakulua bu muena lukuna, wakubutula buloba bua Isalele; wakûhula nsubu yandi yonso ya bakelenge, wakushimbula misoko yandi minyunguludibue ne ngumbu; wakuvudishila muana mukashi wa Yuda madilu ne muadi.

Yirmeya 50:7

Bonso bakadi babasangana bakubadia, bena lukuna babo bakamba ne, Tuetu katuena bahile, bualu bua bobo bakuenzela Yehowa bibi. Yeye nduhangu lua buakane, bakuenzela Yehowa mene, ditekemena dia batatu babo, bibi.

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Yezekiyele 5:15

Newikale tshintu tshidibo bahenda ne tshidibo bahetula, tshidi tshibadimusha ne tshidi tshihatuisha mikemu, kudi bisamba bidi biunyunguluka, hananulumbuluisha mu difikʼa munda dianyi ne mu tshiji tshianyi tshikole, ne mu dikengesha didi dihita hukole; meme Yehowa nguakuamba nunku.

Yezekiyele 13:8

Bua bualu ebu Mukelenge Yehowa udi wamba ne, Bualu bua nuakuamba mei a mashimi ne nuakumona bikena kumona bidi bidinga bantu, nunku, Mukelenge Yehowa udi wamba ne, Ndi nnuhidia.

Yezekiyele 30:19

Nunku nendumbuluishe ba mu Ejipitu ne malu â; bobo nebamanye ne, Meme ndi Yehowa.

Yezekiyele 34:10

Mukelenge Yehowa udi wamba ne, Monai, ndi ne balami ba mikoko tshilumbu; nendombe mikoko yanyi ku tshianza tshiabo, nembakande bua balekele kudisha mikoko yanyi; balami kabena badidisha kabidi; nempandishe mikoko yanyi mukana muabo bua kayikadi bu bia kudia biabo kabidi.

Nahume 2:13

Yehowa wa misumba udi wamba ne, Mona, ndi nkuhidia, nenshidishe makalu ebe mu kahia, muele wa mata neumane bana bebe ba ntambue, bintu biebe biwakunyenga, nembiumushe ha buloba, bantu kabena bunvua kabidi dî dia ba-messager bebe.

Yezekiyele 16:41

Neboshe nsubu yebe ne kahia, nenkulumbuluishe ku mpala kua bakashi ba bungi; nunku nenkulekeshe kuenda kuebe kua masandi, ne kuena uha balunda bebe difutu kabidi.