Yezekiyele 5:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Tshituha tshisatu tshia bana benu netshifue ne tshihuhu, anyi netshifue ne tshiole tshidi munkatshi muenu; tshituha tshikuabo tshisatu netshihone ku muele wa nvita ku nseke yenu yonso; nemmuangalashe tshituha tshikuabo tshisatu ku mpehele yonso, nempatule muele wa nvita bua kubihata.

MUKANDA WA MYIDI MUKULU

¹² Tshia bisatu tshia bantu ba kunudi netshifue ku disama dia tshiambu, nansha ku tshiyole tshia nzala, munda mua tshimenga. Tshia bisatu tshikuabu netshifue ku muele wa mvita, ku mpenga kua tshimenga. Tshia bisatu tshia ndekelu nentshitangalaje ku nseke inayi ya buloba, ntshilondakaja ne muele wa mvita.

Yezekiyele 5:12 交叉引用

Yezekiyele 5:2

Osha tshituha tshisatu tshia nsuki mu kahia munkatshi mua musoko hashika matuku a kutshintshimika kuau; angata tshituha tshikuabo tshisatu, utshitahe ne muele wa nvita hautshidi wendakana mu nseke yonso ya musoko; hehula tshituha tshikuabo tshisatu mu luhehele, ne nempatule muele wa nvita bua kubihata.

Yirmeya 15:2

Hakukonkabo ne, Tuyaya kudi kunyi? wewe ubambile ne, Yehowa udi wamba ne, Badi basungula tshihuhu nebaye ku tshihuhu; badi basungula muele wa nvita, nebaye ku muele wa nvita; badi basungula tshiole nebafue ku tshiole; badi basungula buhika nebaye mu buhika.

Yezekiyele 12:14

Nemmuangalashe badi nʼandi, bakuatshishi bandi ne masalayi andi onso, ku mpehele yonso; nempatule muele wa nvita bua kubihata.

Yirmeya 21:9

Washala mu musoko eu nebamushihe ne muele wa nvita ne ku tshiole ne ku tshihuhu; kadi wahatuka udi ufika kudi Bena Kasada badi banutshintshimika, neikale ne muoyo, ne muoyo wandi newikale kudiye bu tshintu tshidiye unyenga mu nvita.

Yezekiyele 5:10

Nunku batatu nebadie bana babo munkatshi muenu ne bana nebadie batatu babo; nennulumbuluishe, nennumuangalashe buonso buenu badi bashala ne muoyo ku mpehele yonso.

Yirmeya 44:27

Monai, ndi mbatangila bua kubenzela bibi, kembua kubenzela bimpe. Bena Yuda bonso badi bashikame mu buloba bua Ejipitu nebashihibue ku muele wa nvita ne ku tshiole, tô ne hanabamana bonso.

Zekâya 7:14

Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.

Amosa 9:4

Nansha biayabo mu buhika hatungunusha ku mpala kudi badi nʼabo lukuna, mu muaba au nengele muele wa nvita dî, bua wowo ubashihe; nentangishe disu dianyi kudibo bua kubenzela bibi, kembua kubenzela bimpe.

Yezekiyele 6:8

Kadi nenshiye difuka dia bantu bakuabo munkatshi muenu bahanduke ku muele wa nvita wa munkatshi mua bisamba bikuabo, hanuamuangalashibua mu maloba makuabo.

Yezekiyele 5:17

Nennutumine tshiole ne nyama ya luonji, nebinyenge bana benu kunudi; tshihuhu ne mashi nebihitshile munkatshi muenu; nenvuishe muele wa nvita hamʼbidi henu. Meme Yehowa nakuamba dî edi.

Yirmeya 42:22

Nunku numanye bienu ne, Nenufue ku muele wa nvita, ku tshiole ne ku tshihuhu mu muaba unudi basue kuya bua kushikama.

Yirmeya 9:16

Nembatangadishe munkatshi mua bisamba bia bantu bidibo ne batatuʼabo kabayi banze kumanya. Nentume muele wa nvita ku nyima kuabo tô ne hanamana kushiha buonso buabo.

Dielulula 28:65

Munkatshi mua bisamba ebi kanuena nusangana ha kuikisha, anyi kua kutalasha munda mua makasa enu; Yehowa neanutumineku mitshima izakala ne mesu a buowa ne kusamina kua muoyo;

Lewitiki 26:33

Nennumuangalashe mu bisamba bikuabo, nempatule muele wa nvita ku nyima kuenu, buloba buenu nebuikale hatuhu ne misoko yenu neyikale mihaula.

Didimanyisha 6:8

Nakatangila, ne mona, kabalu ka tshitoketoke; ne dina dia wakadi ushikama ha nyima haku diakadi Lufu; ne Muaba wa Bafue wakalonda ku nyima kuandi. Ne bakabaha bukokeshi ha mutu ha tshituha tshinai tshia ba ha buloba, bua kubashiha ne muele wa nvita, ne tshiole, ne lufu, ne kudi nyama ya luonji ya ha buloba.

Yirmeya 13:24

Nunku nembatangadishe bu mudi bisote bijimina ku mpala kua luhehele lua mu tshihela.

Yirmeya 24:10

Nentume muele wa nvita ne tshiole ne tshihuhu munkatshi muabo tô ne hanababutula mu buloba bunakabaha ne batatu babo.

Yezekiyele 7:15

Muele wa nvita udi ha mbelu, tshihuhu ne tshiole bidi munda mua nsubu; udi mu mpata neafue ku muele wa nvita, udi mu musoko neafue ku tshiole ne ku tshihuhu.

Yezekiyele 14:17

Anyi binavuisha muele wa nvita ha buloba abu, bingamba ne, Muele wa nvita, hita mu buloba ebu; nunku nenshihemu bantu ne nyama;

Yezekiyele 14:19

Anyi binatuma tshihuhu mu buloba ebu, binahumuna tshiji tshianyi tshikole ha buloba mu kumatshisha kua mashi, bua kushihamu bantu ne nyama kabidi;

Yezekiyele 33:27

Nunku ubambile ne, Mukelenge Yehowa udi wamba ne, Bu mundi meme ne muoyo, badi bashikame munkatshi mua bikulu abi nebashihibue ku muele wa nvita; nenfile badi bashala mu mpata kudi nyama bu bia kudia biai; badi mu miaha mikoleshibue ne mabue ne mu nyongolo nebafue ku tshihuhu.

Yezekiyele 36:19

Nakabamuangalasha munkatshi mua bisamba bia bantu, ne bakatangadishibua munkatshi mua maloba makuabo; nakabalumbuluisha bu muakadi bilele biabo bibi ne bienzedi biabo.

Amosa 9:9

Monai, nengele dî dianyi, nennyungishe tshisamba tshia Bena Isalele munkatshi mua bisamba bionso, bu mudi muntu usenga manvua mu munyingu, diteta nansha dimue kadiyi dihona hanshi.

Yeshaya 1:24

Nunku Mukelenge, Yehowa wa misumba, Mukole wa Isalele, udi Wamba ne, Tangilai! Nendiholeshe bua badi bankina, nendisombuele kudi badi nʼanyi lukuna.

Yirmeya 9:15

Nunku Yehowa wa misumba, Nzambi wa Isalele, udi wamba ne, Monai, nendishe bantu aba mamuma a bululu, nembanuishe mai a lulengu.

Yirmeya 14:12

Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Yirmeya 15:9

Mukashi wakalela bana muanda mutekete udi ufua majia, udi uhuola muoyo wandi; diba diandi diakabuela hatshididi munda munya; wakufuishibua bundu ne wakuhuekeshibua. Yehowa udi wamba ne, Nenfile bantu badi bashala ku muele wa nvita ku mpala kua bena lukuna babo.

Yezekiyele 7:3

Mpindiu nshikidilu wakufika kunudi; nentume tshiji tshianyi bua tshinukengeshe, nennulumbuluishe bu mudi bienzedi bienu; nennuhingashile difutu bua malu enu onso manyanguke.

Yezekiyele 14:21

Bua malu â Mukelenge Yehowa udi wamba ne, Bualu nebuhite bukole hanatuma milau yanyi mikole inai ku Yelushalema, muele wa nvita, tshiole, nyama ya luonji ne tshihuhu, bua kubutulamu bantu ne nyama!

Yezekiyele 16:42

Nunku nempuwishe tshiji tshianyi kûdi, mukau wanyi undi nʼau kûdi neûmuke, nengikale holâ, tshiena ngikale ne tshiji kabidi.

Yezekiyele 21:22

Bintu bia kutempa nʼabi bia mu tshianza tshiandi tshia balume biakamulesha bua Yelushalema bantu kushikamamu, mua kuela mbila ya nvita, mua kujadika mitshi minene ku mpala kua bibi bua kubishimbula, mua kuela mishiki ya buloba ne kuasa bibumba bia kutshintshimika nʼabi musoko.

Yezekiyele 24:13

Nunku, bualu bua bukoya bua malu ebe a tshikama, bualu bua nakukeba kukulengesha ne wewe kuena muanze kulengeshibua, kuena ulengeshibua ku bukoya buebe kabidi tô ne hanalekela tshiji tshianyi tshindi nʼatshi kûdi.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.