Yezekiyele 43:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ekumona! Butumbi bua Nzambi wa Isalele buakadi bufuma ku luseke lua esete. Tshiona tshia dî diandi tshiakadi bu tshiona tshia mai a bungi; ne buloba buakadi bukenka ne butumbi buandi.

MUKANDA WA MYIDI MUKULU

² Diba adi meme kumona butumbi bua Mvidi Mukulu wa Izrayele bufume ku luseke ludi diba dipatukila. Diyi dia Mvidi Mukulu dikole, bu mutoyi wa mayi manene, divua dienda kumpala kuabu. Butumbi abu buvua butokesha kabidi buloba ne nkenka yabu.

Yezekiyele 43:2 交叉引用

Didimanyisha 18:1

Ku nyima kua malu â nakatangila muanjelo mukuabo uhueka, uluhuka mu diulu, muikale ne bukokeshi bunene, ne buloba buakatemibua ne butumbi buandi.

Yezekiyele 11:23

Butumbi bua Yehowa buakabika kuakadibo munkatshi mua musoko, buakimana ha mutu ha mukuna udi ku luseke lua esete lua musoko.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Yezekiyele 10:4

Bualu bua butumbi bua Yehowa buakumuka ku mitu kua bakeluba, buakaya ku mbelu kua nsubu; nsubu wakula tente ne ditutu, ne tshiendelu tshiakula tente ne dinkenke dia butumbi bua Yehowa.

Yezekiyele 1:28

tshifuana muanzankongolo udi umueneka mu matutu mu dituku didi nvula uloka; ke muakadi tshinfuanyi tshia kukenka kukole kuakamunyunguluka. Etshi tshiakadi tshinfuanyi tshia butumbi bua Yehowa tshiakamueneka kundi. Hanakatshimona, nakatua mpala wanyi hanshi, nakunvua dî dia mukuabo wakadi wakula.

Didimanyisha 1:15

ne makasa andi akafuana tshiamu tshia mitaku tshibalakana, bu muditshi tshilengeshibua mu tshikutu; ne dî diandi diakadi bu tshiona tshia mai a bungi.

Yezekiyele 3:23

Nunku nakajuka, nakaya mu mpata, ekumona, butumbi bua Yehowa buakadiku, bu butumbi bunakamona ku muelelu wa musulu wa Kebâ, ne nakatua mpala wanyi hanshi.

Yezekiyele 1:24

Hakayabi, nakunvua tshiona tshia mahuahua abi bu tshiona tshia mai manene makole, bu tshiona tshia dî dia Mutambe Bunene wa mu Diulu, tshiona tshia tshintompantompa tshia misumba ya masalayi. Hakimanabi talalâ, biakabuikila mahuahua.

Didimanyisha 21:23

Musoko kawena ukengela diba, anyi ngondo bikenkamu; bualu bua butumbi bua Nzambi budi bûtemenamu, ne Muana wa Mukoko udi muinda wau.

Didimanyisha 14:2

Nakunvua dî difuma mu diulu, bu dî dia mai a muenji a bungi ne bu dî dia mukungulu munene; ne dî dinakunvua diakadi bu dia bimbi ba nkombe bimba ne nkombe yabo;

Didimanyisha 19:6

Nakwmia dî bu dî dia tshisumbu tshinene tshia bantu, ne bu dî dia mai a bungi ne bu dî dia mikungulu mikole diamba ne, Aleluya, bualu bua Mukelenge Nzambi wetu, wa Bukole Buonso, udi ukokesha.

Didimanyisha 19:1

Ku nyima kua malu â nakunvua dî bu dî dikole dia tshisumbu tshinene tshia ba mu diulu bamba ne, Aleluya; Luhandu, ne butumbi ne bukole, mbia Nzambi wetu;

Yowanane 12:41

Yeshaya wakamba malu â, bualu bua yeye wakatangila butumbi buandi; yeye wakamuamba nunku,

Abakuke 3:3

Nzambi wakafuma ku Temena, Wa Tshijila wakafuma ku mukuna wa Palana. Butumbi buandi buakabuikila diulu, buloba buakûla tente ne butumbi buandi.

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Yezekiyele 9:3

Butumbi hua Nzambi wa Isalele buakumuka ku mutu kua bakeluba kuakadibu bushikame diambedi, buakaya ku mbelu kua nsubu. Yeye wakela dî kudi muntu wakadi muluate bivualu bia lin, wakadi ne kalondo ka mai a mukanda ka mufundi kasuika mu tshifuka tshiandi.

Didimanyisha 21:11

muikale ne butumbi bua Nzambi; ne dinkenka diau diakafuana dibue dia mushinga mutambe bukole, bu dibue dia yasape, ditoke tô bu ntalatala.

Yeshaya 17:12

Aka! Mutoyi wa bantu ba bungi udiku, badi bahisha mutoyi udi bu tshiona tshia mai manene! Diyoyo didiku dia luendu lukole lua bisamba bia bantu badi benda lubilu bu mudi dihueka dia lukasa dia mai mahita bungi!

Yezekiyele 11:22

Hashishe bakeluba bakolola mahuahua abo, ne nkata yakashala hehi nʼabo; butumbi bua Nzambi wa Isalele kabidi buakadi ha mitu habo.

Yezekiyele 43:4

Butumbi bua Yehowa buakabuela munda mua ntempelo mu nshila wa ku tshibuelelu tshidi tshitangua ku luseke lua esete.

Yezekiyele 44:2

Yehowa wakangambila ne, Tshihi tshia ku tshibuelelu etshi tshishale tshinshila, kabatshiunzuludi, ne muntu kabuedimu; bualu bua Yehowa, Nzambi wa Isalele, wakabuelamu, nunku tshishale tshinshila.

Abakuke 3:4

Kubalakana kuandi kuakadi bu kukenka kua munya, nsasa ya munya yakahatuka mu tshianza tshiandi; munkatshi muai muakadi bukole buandi busokome.