Yezekiyele 38:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nenkuimanyike, nenteke ndobo mu mbanga yebe; nenkutume ku nvita ne masalayi ebe onso, tubalu tuebe ne bena tubalu bebe, buonso buabo baluatshishe bivualu bia biamu, tshisumbu tshinene tshia masalayi mambule ngabu wa ha tshiadi ne ngabu wa ku diboko, ne buonso buabo bakuate miele ya nvita mu bianza: biabo.

MUKANDA WA MYIDI MUKULU

⁴ Nenkuele nkanu ku binyanganyanga bua mmone mua kuya nebe kundi musue. Nenkupatule mu ditunga diebe, wewe ne tshiluilu tshiebe tshijima, ne nyama yebe ya tubalu, ne babandi ba pa nyama yebe ya tubalu, badi batuala bimpe, ne bisumbu bia bungi bia bena mvita bebe badi bambula ngabu ne miele ya mvita.

Yezekiyele 38:4 交叉引用

Danyele 11:40

Mu matuku a kunshikidilu mukelenge wa ku Sude neamubunde; mukelenge wa ku nôde nealue kumuluisha bu nvunde, muikale ne makalu a nvita ne badi benda ha nyima ha tubalu tua nvita ne mu matu a bungi; neabuele mu matunga a bungi, uhita bu mudi musulu wa mai uhasalala.

Yezekiyele 29:4

Nengele ndobo mu mbanga yebe, nendamike mishiha ya mu misulu yebe ku mabamba ebe; nenkuhatule munkatshi mua misulu yebe, ne mishiha yonso ya mu misulu yebe idi ilamata ku mabamba ebe.

Yezekiyele 38:15

Wewe neufume ku muaba webe wa kunfudilu kua nôde, wewe ne bantu ba bungi, buonso buabo babande ha nyima ha tubalu, tshisumbu tshinene tshia bantu ne tshisumbu tshinene tshia masalayi.

2 Bakalenga 19:28

Bualu bua wewe wakafunyina bukole kundi, ne bualu bua kudisua kuebe ku mesu kuanyi, ka meme nenteke ndobo ku diulu diebe ne lukanu ku mishiku yebe, nenkuhingishe mu nshila kuwakufuma.

Yezekiyele 39:2

Nenkuimanyike, nenkuendeshe ku bukole; nendue nʼebe ku luseke lua kunfudilu kua nôde; nenkufikishe ha mikuna ya mu Isalele.

Yirmeya 46:9

Bandaiku, nuenu tubalu; bishai diyoyo, nuenu makalu; bena bukitu bahatuke; Bena Kusha ne Bena Puta badi batuala ngabu, Bena Luda kabidi badi bakuata ne badi banana mata.

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

2 Kulondolola 25:5

Amasaya wakabikila Bena Yuda bonso, wakabasangisha bu muakadi nsubu ya batatuʼabo, wakateka tupitene ku mutu kua bantu tshinunu ne bantu lukama, mu nseke yonso ya Bena Yuda ne Bena Benyamina; yeye wakababala ku bidimu makumi abidi tô ne ku mutu, bakakumbasha bena nvita binunu nkama isatu bakamanya mua kuluangana ne mafuma ne ngabu.

1 Kulondolola 12:8

Bena Gada bakuabo bakaya kudi Davidi ku musoko wa lumbu wa mu tshihela, bena bukitu bakayishibua malu onso a nvita, bakamanya mua kuluangana ne ngabu ne mafuma; mpala yabo yakadi bu mpala ya nyama ya ntambue, bakamanya mua kunyema lubilu bu ntole ya mu mikuna;

Yezekiyele 23:12

Yeye wakatamba kunanga Bena Ashû, ba-gouverneur ne miloho, bena mutumba nʼandi, baluate bivualu bihite bulengele, bende ha nyima ha tubalu, buonso buabo bakadi bansongalume balengele.

Yeshaya 43:17

udi uhatula dikalu dia nvita ne kabalu, musumba wa masalayi ne bena nvita badi balala hanshi hohamue, kabena bajuka kabidi, badi bajimina, badi bu kalulu ka muinda kakujimabo— Yehowa mene udi wamba nunku ne,

Yezekiyele 38:3

Amba biebe ne, Mukelenge Yehowa udi wamba ne, Ndi nʼebe tshilumbu, wewe Gogo, mukokeshi wa Losha, Mesheke ne Tubala.

Yezekiyele 39:20

Mukelenge Yehowa udi wamba ne, Nenukute ku mesa anyi ne munyinyi wa tubalu ne wa nyama idi bantu babanda ha nyima hai, wa bena bukitu ne wa bena nvita ba mishindu yonso.

Amosa 4:2

Mukelenge Yehowa wakaditshiha ku buimpe bua tshijila tshiandi ne, Monai, matuku alualua anuhulumunabo ne ndobo bua kuya nʼenu kukuabo, ne bakuabo ba munkatshi muenu badi bashala nebabumushe ne ndobo.