Yezekiyele 32:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nentatshishe mitshima ya bantu ba bungi hangambila ba mu bisamba bia bantu lumu lua kubutuka kuebe, hanaluambila ba mu maloba audi kuyi muanze kumanya.

MUKANDA WA MYIDI MUKULU

⁹ Bantu ba bungi nebakeme, too ne ba matunga audi kuyi mumanye, pandi mbamanyisha malu a lufu luebe.

Yezekiyele 32:9 交叉引用

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.

Yezekiyele 30:26

Nunku nentangadishe Bena Ejipitu munkatshi mua bisamba bia bantu, nembamuangalashe munkatshi mua manga maloba; nunku nebamanye ne, Meme ndi Yehowa.

Yezekiyele 30:23

Nentangadishe Bena Ejipitu munkatshi mua bisamba bia bantu, nembamuangalashe munkatshi mua maloba makuabo.

Yezekiyele 29:12

Nenvuishe buloba bua Ejipitu tshihela munkatshi mua maloba makuabo akubutuka, ne bidimu makumi anai misoko yabu neyishale bikulu munkatshi mua misoko yakubutuka; nentangadishe Bena Ejipitu munkatshi mua bisamba bia bantu, nembamuangalashe munkatshi mua maloba makuabo.

Ekesode 15:14

Bantu bakunvua lumu, bakutshina, mikemu yakukuata Bena Peleshete.

Yezekiyele 27:29

Bonso badi bita matu, bena matu bonso ne bena yenda bonso ba ha mai manene nebahatuke mu matu abo, nebimane ku muelelu wa mai manene,

Yezekiyele 28:19

Bonso badi bakumanye munkatshi mua bantu ba bende nebakuatshike buowa bua bualu buebe; wewe neulue tshimanyinu tshia dibutuka didi dikuatshisha bantu buowa, ne kuena wikala ne muoyo kabidi.

Yezekiyele 30:9

Mu dituku adi nentume ba-messager, bumuka kundi, benda mu matu, bua kukuatshishabo Bena Atiopa aba badi kabayi ne ntatu buowa; ne kanyinganyinga kakole nekabakuate mu dituku dia kubutuka kua Ejipitu. Bua, monai, dilualua!