Yezekiyele 26:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mu diba adi bakokeshi ba ku muelelu wa mai manene nebatuluke mu nkuasa yabo ya bukelenge, nebavule bilulu biabo, nebakohole bivualu biabo bidi ne malenda; nebashale ne dizakala; nebashikame hanshi ha buloba, nebazakale diba dionso, nebakuatshike buowa bualu buenu.

MUKANDA WA MYIDI MUKULU

¹⁶ Bakalenga badi balombola bantu badi ku muelelu wa mayi manene, nebatuluke mu nkuasa yabu. Nebavule binkutu biabu, ne bilamba biabu bivuabu balengeje ne buanda. Nebasombe panshi, bazakala amu kuzakala, bakuatshika bowa pa kumona bidi binuenzekela.

Yezekiyele 26:16 交叉引用

Yezekiyele 32:10

Bulelela, nenkemeshe bantu ba bungi bua bualu buebe, ne bakelenge babo nebazakale ne buowa bukole bua bualu buebe, hanahenyesha muele wanyi wa nvita ku mpala kuabo. Nebazakale diba dionso, muntu ne muntu bua muoyo wandi, mu dituku dia kubutuka kuebe.

Yona 3:6

Hakafika lumu elu ku matshu a mukelenge wa mu Ninewe, yeye wakajuka mu nkuasa wandi wa bukelenge, wakavula tshivualu tshiandi tshia bunfumu, wakaluata bivualu bikayabala, wakashikama mu butue.

Osheya 11:10

Nebalonde Yehowa; yeye nêle dî bu nyama wa ntambue; bualu bua yeye nêle dî diandi, bana bandi nebalue kudiye bazakale, bafume ku wesete.

Yobe 8:22

Bena lukuna bebe nebafuishibue bundu, ne ntenta wa bantu babi kena wikalaku kabidi.

1 Petro 5:5

Muomumue, nuenu bansongalume, nukokele bakulumpe. E, buonso buenu nudiluatshishe ne buhuekele, bua kukuatshishangana; bualu bua Nzambi udi uhidia badi badisue, kadi udi uha badi badihuekesha ngasa.

Yeshaya 3:26

Ba mu bibuelelu bia ku Siona nebase madilu, nebadie; ne yeye udibo bahaula neashikame hanshi ha buloba.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Danyele 5:6

Ha bualu ebu mpala wa mukelenge wakandamuka, ne mutshima wandi wakahampakana ne buowa. Manungu a bidimba biandi akahauka, binu biandi biakatutakana.

Yezekiyele 7:8

Tshituha tshihi nennuhongoluele tshiji tshianyi tshikole, nemmane difikʼa munda dianyi kunudi; nennulumbuluishe bu mudi bienzedi bienu, nennuhingashile difutu bua malu enu onso a bundu.

Muadi 2:10

Bakulu ba muana mukashi wa Siona badi bashikame hanshi mu buloba bahuwa talalâ; bakudiela buloba mu mitu yabo, bakudiluatshisha ne bilulu bikayabala; mishikankunde ya mu Yelushalema idi inyika mitu yabo hanshi.

Yeshaya 52:2

Umuke mu dinfuenkenya, uditutule hamʼbidi hebe; juka, shikama mu nkuasa wa bukelenge, wewe Yelushalema; udisululuile nkanu idi ha nshingu hebe, wewe muana mukashi muhika wa Siona.

Yeshaya 47:1

Hueka biebe, ushikame mu dinfuenkenya, wewe, Babulona, muana mukashi utshidi kamama; shikama hanshi ha buloba kuyi ne nkuasa wa bukelenge, wewe muana mukashi wa Bena Kasada! Bua kabena bakubikila kabidi nej Mutekete ne mulengele.

Misambu 132:18

Nenduatshishe bena lukuna bandi bundu, ka dî tshifulu tshiandi tshia butumbi netshikenke ku mutu wandi.

Misambu 109:29

Badi bambanda bavuale dinyanguka dia lumu luabo, badibuikile ne bundu bu mudi mu ntu mudibuikile tshikowelu:

Misambu 109:18

Wakadiluatshisha kuela kua mulau bu muakadiye uluata tshivualu; mulau ubuele biau tô ne munda muandi bu mai, ubuele biau bu manyi mu mifuba yandi.

Ekesode 15:15

Bakelenge ba Edome bakukema, balume bakole ba Moaba badi bazakala, bantu bonso ba mu buloba bua Kanana bakujimina.

Didimanyisha 18:9

Ne bakelenge ba ha buloba bakadi benda nʼandi masandi, ne bakadi banemeshangana nʼandi nebikale ne binsonshi, nebadile muadi bualu buandi, hatangilabo muinshi wa ku kuhia kuandi;

Yeshaya 41:5

Maloba a ku muelelu wa mai manene akumona, akutshina; mikalu ya buloba idi izakala; idi isemena ha buihi, idi ilua.

Yirmeya 48:39

Monai mudi Moaba mushimbuke! Monai mudibo badila muadi! Monai mudi Moaba muele nyima wandi bualu bua bundu buakumukuata! Nunku Moaba nealue bu tshintu tshidibo baseka, tshidi tshikuatshisha bonso badi bamunyunguluke buowa.

Yezekiyele 7:27

Mukelenge neabuele mu madilu, muenyampala neadiluatshishe ne bivualu bia kukuatshika kua buowa, ne bianza bia bena buloba nebizakale. Nembenzele anu bu mudi bienzedi biabo, nembalumbuluishe bu mudi midimu yabo; nebamanye ne, Ndi Yehowa.

Yezekiyele 16:10

Nakakuluatshisha ne mayeka akadi ne malenda mimpe, nakabuesha bisabata bia tshiseba tshia nyama wa mu mai ku makasa ebe, nakakujingila tshilulu tshia lin tshinefuke, nakakuluatshisha tshilulu tshia soie.

Yezekiyele 26:21

Mukelenge Yehowa udi wamba ne, Nenkubutule kabutu, ne kuena wikala ne muoyo kabidi; nansha biakebabo, kabena bakusangana kabidi.

Yezekiyele 28:17

Mutshima webe wakula tente ne diambu bualu bua bulengele buebe, wakanyanga meji ebe bualu bua butumbi buebe; nunku nakakuela hanshi, nakakuladika hanshi ku mesu kua bakelenge bua bobo bakumone, bakubingile.

Agayi 2:22

nkadi ha kutokola nkuasa wa bunfumu, nkadi ha kubutula bukole bua makelenge a bisamba bia bantu, ne ha kutokola makalu a nvita ne badi bendamu; tubalu ne badi babanda ha nyima hatu nebikumibue hanshi, muntu ne muntu wa munkatshi muabo neahone hanshi ku muele wa nvita wa muanʼabo.

Yezekiyele 31:15

Mukelenge Yehowa udi wamba ne, Mu dituku didiu uhueka mu Muaba wa Bafue nengashishe dilembue dia musulu muadi bualu buau, nenkande misulu yadi, misulu minene neyilekele kuenda; nengashishe Lebanona muadi bualu buau, ne mitshi yonso ya mu mpata neyitekete ne kanyinganyinga bualu buau.