Yezekiyele 24:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Meme hanyi nakela mashi a musoko ha dibue didi hatuhu, bua kâbuikidibu, ne bua ajule tshiji tshianyi bua kudisombuela.

MUKANDA WA MYIDI MUKULU

⁸ Meme ndi nshiya mashi pa dibue edi, muaba udiwu amueneka bimpe, bua ajule tshiji tshianyi, ambikile bua nsombuele.

Yezekiyele 24:8 交叉引用

Didimanyisha 18:16

bamba ne, Mulau, mulau, musoko munene, wakadi muluatshishe bilulu bia line bimpe, ne bikunzubile ne bikunzekunzu, mulengesha ne ngolo ne mabue a mushinga mukole ne mabue a perle!

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

Matayi 7:2

Nebalumbulule malu adi munda muenu bu munudi nulumbulula malu adi munda muabo; nebanuidikishile bintu ne luidi lunudi nuidikishila nʼalu kabidi.

Yezekiyele 23:45

Bantu bakane nebabahishe ne dihisha didibo bahisha nʼadi bakashi ba masandi ne dihisha dia bakashi badi bamatshisha mashi a bakuabo hanshi; bualu bua badi bakashi ba masandi, ne mashi adi ha bianza biabo.

Yezekiyele 5:13

Bua nunku tshiji tshianyi netshishike, tshiji tshianyi tshikole netshikale kudibo, hashishe netshibole, nensambibue. Nebamanye ne meme Yehowa nakuamba dî bua mukau wanyi, hanahumuna tshiji tshianyi hamʼbidi habo.

Yirmeya 7:20

Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Yirmeya 7:18

Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

2 Kulondolola 34:25

Bualu bua bobo bakumpidia, bakuoshela nzambi mikuabo musenga wa manananshi, bua kunfuishabo tshiji ku bienzedi bionso bia bianza biabo; nunku tshiji tshianyi tshidi ku muaba eu, katshiena tshijima nansha.

2 Bakalenga 22:17

Bualu bua bobo bakundekela, bakuoshila nzambi mikuabo musenga wa manananshi bua kunfuishabo tshiji ku bienzedi bia bianza biabo; nunku tshiji tshianyi netshikale, katshiena tshijima ku muaba eu nansha.

Yeshaya 26:21

Bua, monai, Yehowa udi uluhuka mu muaba wandi bua kukengesha ba ha buloba bua bubi buabo; buloba kabidi nebusokolole mashi akanuabu, kabuena busokoka kabidi bakadi bashihibuamu.

Yezekiyele 22:4

Wewe wakuhila bua mashi awakumatshisha hanshi, wakunyanguka bua mpingu yebe iwakusonga; wakusemesha dituku dia kubutuka kuebe ha buihi, wakukumbasha bidimu bia meme kukubadila malu mabi ebe; nunku nakukuvuisha tshintu tshidibo bahenda kudi bisamba bia bantu, ne tshidibo baseka kudi ba mu maloba mikuabo onso.

Sefanya 1:17

Nentumine bantu makenga, nebende babubuta bu bantu bafofo, bualu bua bakuenzela Yehowa bibi. Mashi abo neahongoloke hanshi bu luhuishi, minyinyi yabo neyimashibue bu tunvi.

2 Bakalenga 24:4

ne bua mashi a bantu bakadi kabayi ne bilumbu akamatshisheye hanshi; bualu bua yeye wakûsha Yelushalema tente ne mashi a bantu bakadi kabayi ne bilumbu; nunku Yehowa wakabenga bua kubabuikidila mibi yabo.