Yezekiyele 23:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Mena abo akadi Ohola, muanʼa bute, ne Oholiba, muakunyʼandi. Bakalua banyi, bakalela bana ba balume ne bana ba bakashi. Mena abo akadi nunku: Samalea udi Ohola, ne Yelushalema udi Oholiba.

MUKANDA WA MYIDI MUKULU

⁴ Muanabute uvua Okola, muanamukala Okoliba. Muanabute udi tshimfuanyi tshia Samariya, muibidi tshimfuanyi tshia Yerushalayime. Mvua mubasele bonsu babidi. Bobu kundelela bana ba balume ne ba bakaji.

Yezekiyele 23:4 交叉引用

Yezekiyele 16:8

Hanakahitshila ha buihi nʼebe kabidi, nakakutangila, ne wakatshidi mu tshikondo tshia kukunangabo; nunku nakakubaluila tshmialu tshianyi, nakabuikila butaka buebe. Nunku Mukelenge Yehowa udi wamba ne, Bulelela, nakaditshiha kûdi, nakahunga nʼebe tshihungidi, ne wewe wakalua wanyi.

Rome 7:4

Nunku, bana betu, nuenu kabidi nuakashihibua ku mikenshi bua mubidi wa Kilisto, bua nuenu kuikala kudi mukuabo, yeye mene wakabishibua ku lufu, bua tuetu tukuamine Nzambi mamuma.

Yowanane 4:22

Nudi nutendelela tshinudi kanui bamanye; tuetu tudi tutendelela tshitudi bamanye; bualu bua luhandu ludi lufuma kudi Bena Yuda.

Yezekiyele 16:40

Nebalue ne tshisumbu tshia bantu bua kukuluisha, nebakukume mabue, nebakukose bituha ne miele ya nvita.

Yezekiyele 16:20

Eu mmuanda mukuabo kabidi: wakuangata bana bebe ba balume ne bana bebe ba bakashi bawakundelela, wakubafila bu milambu ya kuosha kudibi bua biobi bibadie. Masandi ebe akadi bualu buhite butekete,

Misambu 76:2

Mu Salema kabidi mudi nsubu wandi wa ntenta mushimikibue, ne muaba wandi wa kuikala udi mu Siona.

1 Bakalenga 12:20

Hakunvua Bena Isalele bonso lumu ne, Yalobama wakahingana, bakamubikila mu disangisha diabo, bakamuvuisha mukelenge ku mutu kua Bena Isalele bonso; anu tshisamba tshia Yuda tshiakalonda ba mu nsubu wa Davidi.

1 Bakalenga 8:29

bua mesu ebe ikale matabale ku nsubu eu munya ne butuku ku muaba eu uwakamba ne, Dina dianyi nedikaleku; bua kunvua kulomba kua muntu webe kudiye ulomba mu muaba eu.

Yirmeya 3:6

Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Yezekiyele 16:46

mukuluʼebe wa bakashi wakadi Samalea, wakadi ushikama ne bana bandi ba bakashi ku luseke luebe lua nôde; muakunyi webe wa bakashi wakadi Sodoma, wakadi ushikama ne bana bandi ba bakashi ku luseke luebe lua sude.

Yezekiyele 23:3

Bakalonda malu a masandi mu Ejipitu; bakalonda malu a masandi hakatshidibo bansongakashi. Mu buloba abu balume bakakamata mabele abo, ne bakalenga bianza biabo ha biadi bia bumama buabo.

Yezekiyele 23:5

Ohola wakalonda malu a masandi hakadiye wanyi, wakatamba kulesha dinanga kudi bamunangi bandi, kudi Bena Ashû mene, bena mutumba nʼandi,

Yezekiyele 23:36

Yehowa wakankonka ne, Muana wa muntu, neulumbuluishe Ohola ne Oholiba, anyi? Nunku ubamanyishe bua malu mabi abo.

Yezekiyele 23:44

Bakaya kudiye bu mudi bantu bakaya kudi muena masandi; bobo baye kudi Ohola ne Oholiba, bakashi aba ba masandi.

Osheya 1:3

Nunku wakaya biandi, wakabaka Gomê, muana wa bakashi wa Dibelayama; ne yeye wakimita difu, wakamulelela muana wa balume.

Osheya 2:7

Yeye nealonde bamunangi, kadi kena ubaheta; yeye neabakebe, kadi kena ubamona. Hashishe, neambe biandi ne, Nempingane kudi bayanyi wa ku mpala, bualu bua tshikadilu tshiakadi nʼatshi diambedi tshiakahita tshindi nʼatshi mpindiu buimpe.

Yirmeya 3:7

Nakamba munda muanyi ne, Hashikisheye kuenza malu a onso, nealukile kundi; kadi kakalukila kundi nansha. Muanʼabo mukashi Yuda udi kayi mua kueyemenyibua wakamona muanda eu.