Yezekiyele 22:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

MUKANDA WA MYIDI MUKULU

¹² Muebe, badi bangata bantu ku mudimu, babafuta bua bashipe bantu bakuabu. Badi basombeshangana makuta bua kupeta kasombele ka bungi. Badi banyenga bintu bia muena mutumba bua kunema nabi. Kadi badi bampua muoyi kashidi meme Maweja-Nangila Mvidi Mukulu. Ke malu andi mujadike awu.

Yezekiyele 22:12 交叉引用

Yezekiyele 23:35

Bua malu â Mukelenge Yehowa udi wamba ne, Bualu bua wakumpua muoyo, wakungela nyima, nunku wewe neudituadile makenga adi alonda malu ebe a tshikama ne a masandi.

Dielulula 27:25

Muntu yonso udi witabusha tshintu tshia kumubueshelabo nʼatshi bua kushiha muntu udi kayi ne tshilumbu udi ne mulau. Bantu bonso nebakudimune dî ne, Amen.

Yezekiyele 18:13

wakusombesha bakuabo bintu bua kuheta kasombela ne wakudiangatshila makasa, muntu eu neikale ne muoyo, anyi? Nansha, kena wikale ne muoyo. Wakuenza malu â onso a tshinyangu; nebamushihe bulelela; mashi andi neikale hamʼbidi handi.

Yezekiyele 18:8

bikaleye kayi musombeshe mukuabo bintu bua kuheta kasombelu ka ha mutu, kayi mudiangatshile makasa; biumusheye tshianza tshiandi ku malu mabi, biakoseye bilumbu bia hankatshi ha muntu ne muntu anu ne kulumbulula kuakane,

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Misambu 106:21

Bakahua Nzambi Musungidi wabo muoyo, wakabenzela malu manene mu Ejipitu,

Misambu 15:5

Kena usombesha bakuabo argent yandi bua kuangateye kasombela kudibo, kena witabusha dibueshila bua kunyangeye tshilumbu tshia muntu udi kayi ne bualu. Muntu udi wenza malu â kena unyungishibua tshiendelele.

Dielulula 23:19

Kanulombi mukuenu bintu bia kasombela ka bintu biwakamusombesha: kasombela ka argent ne ka bia kudia ne ka bintu bionso biwakamusombesha.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.

1 Timote 3:3

Kikadi ne diyoyo bua malulu; kikadi mukumianganyi ne bakuabo; kadi ikale muena buhele; kasu biandi mayoyo; kateki mutshima wandi ku biuma.

1 Korente 6:10

anyi bibi, anyi bena lukuka lua bintu, anyi bakuatshiki ba maluvu, anyi bahendanganyi, anyi banyengi ba bintu, kabena bahiana bukelenge bua Nzambi.

1 Korente 5:11

Kadi mpindiu ndi nufundila ne, Kanubuelakanyi ne muntu udi ne dina dia muanʼenu wa ma Kilisto bikaleye muena masandi, anyi muena lukuka lua bintu, anyi muena mpingu, anyi muhendanganyi, anyi mukuatshiki wa maluvu, anyi munyengi wa bintu; kanudî mene ne muntu wa nunku.

Luke 19:8

Zakayo wakimana, wakambila Mukelenge ne, Mukelenge, unvua, nempe bahele tshituha tshia hankatshi ha bintu bianyi; ne bingikala muangate tshintu tshia muntu mukuabo ku mashimi anyi, nemuhingishile bintu binai.

Luke 18:11

Mufalese wakimana, wakatendelela Nzambi munda munda ne, Nzambi, ndi nkusakidila bua meme tshiena bu bantu bakuabo, bobo badi banyengi, badi babi, badi bena masandi, tshiena kabidi bu musangishi wa mulambu eu.

Luke 3:13

Yeye wakabambila ne, Kanuangatshi mulambu mutambe wakunuambilabo.

Matayi 23:25

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu nûvua ha nyima ha luhanza ne dilonga, kadi munda muabi mudi bunyengi ne mudi.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

Yirmeya 3:21

Dî didi diunvuibua ku mutu kua mukuna udi kauyi ne tshintu tshidiundahu, didi muadi ne kutendekena bia bana ba Bena Isalele: bualu bua bakakonyangasha nshila wabo, bakahua Yehowa Nzambi wabo muoyo.

Yeshaya 56:11

Mbua idi ne lumpukusu kabidi, kayena mua kukuta; ne bantu aba badi balami ba mikoko badi kabayi ne meji. Buonso buabo bakuhingana bua kuenda mu nshila yabo, muntu ne muntu udikebela luhetu luandi, kakuyi muntu udi kayi wenza nunku.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Nsumuinu 1:19

Nshila ya bonso badi ne lukuka lua kunyenga bintu ku bukole idi nunku; ludi lujimisha mioyo ya badi nʼalu.

Nehemya 5:7

Nakadielela meji munda muanyi, nakatandangana ne bantu banene ne bakokeshi, nakabambila ne, Muntu ne muntu udi ulomba tshia kasombela kudi muanʼabo. Nakashikika tshisumbu tshinene tshia bantu ku mpala kuabo.

Nehemya 5:1

Bantu bakuabo ne bakashi babo bakadi ne muadi munene, bakafunda bana babo, Bena Yuda.

Dielulula 32:18

Nuakulekela Dibue diakanufuka, nuakuhua Nzambi wakanulelesha muoyo.

Lewitiki 19:13

Kanukengeshi mukuenu, kanuibi bintu biandi, kanushadi ne difutu dia muena mudimu butuku tô ne dinda.

Yezekiyele 36:12

Nengendeshe bantu ha mutu heńu kabidi, bantu banyi Bena Isalele mene; nebanuangate bu bintu biabo, nenuikale buhianyi buabo ne kanuena nubashiya kabayi ne bana kabidi.

Lewitiki 25:37

Kumulombi tshia kasombela ku argent iwakamusombesha anyi ku bintu bia kudia biwakamuha.

Yeshaya 17:10

Bualu bua wewe wakuhua Nzambi wa luhandu luebe muoyo ne kuakuvuluka Dibue dia tshinyemenu tshiebe, nunku ukadi ukuna mitshi mimpe, ukadi utentula ntonga ya mioshi ya nzambi wa bende.

Yirmeya 6:13

Bualu bua buonso buabo, kudi mutambe buhuekele tô ne kudi mutambe bunene munkatshi muabo badi bakuatshike ne lukuka lua bintu; buonso buabo, kudi muprofete tô ne kudi muakuidi, badi badingangana.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Amosa 8:4

Unvuai bualu ebu, nuenu badi badiata bakengi mu makasa, ne badi babutule bahele ba mu ditunga,

Amosa 8:6

bua tusumbe bahele ku tshiamu tshia argent ne bakengi ku bisabata bibidi, ne bua tuhane bisote bia blé bu blé miakane?