Yezekiyele 20:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ mu dituku adi nakabisha tshianza tshianyi bua kuditshiha kudibo bua kubahatula mu buloba bua Ejipitu ne kubateka mu buloba bunakamana kubatentekelela, buloba budi bûle tente ne mabele ne buitshi, budi ne butumbi ku mpala kua maloba onso.

MUKANDA WA MYIDI MUKULU

⁶ Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Yezekiyele 20:6 交叉引用

Yezekiyele 20:15

Bualu bukuabo kabidi, nakabisha tshianza tshianyi bua kuditshiha kudibo mu tshihela ne, Tshiena ndua nʼenu mu buloba bunakanuha, buloba budi bûle tente ne mabele ne buitshi, budi ne butumbi ku mpala kua maloba onso.

Yirmeya 32:22

Wakabaha buloha ebu buwakaditshiha kudi batatu babo ne, Nennuhebu, buloba budi bûle tente ne mabele ne buitshi.

Misambu 48:2

Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Zekâya 7:14

Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.

Danyele 8:9

Lusengu lukuabo, lusengu lukese mene, luakahatuka ku lunga lusengu lua mu nsengu ai inai, luakadiunda tô ne hakahitalu bunene ku luseke lua sude, lua esete ne ku luseke lua buloba bulengele.

Ekesode 33:3

ku bu loba budi ne mabele ne buitshi bia bungi; bualu bua meme tshiena nya munkatshi muenu bualu bua nudi bantu ba buhidia bukole, bua tshinushihi mu nshila.

Danyele 11:41

Neabuele kabidi mu buloba bulengele, neabutule binunu makumi a bantu; kadi ba mu Edome, ba mu Moaba ne tshituha tshinene tshia Bena Amona nebahanduke mu bianza biandi.

Danyele 11:16

Kadi yeye eu, udi ulua kuluisha mukelenge wa ku sude, nênze bu mudi mutshima wandi musue; kakuena muntu udi mua kumutantamena. Neimane biandi mu buloba bulengele, neabubutule ne tshianza tshiandi.

Yezekiyele 20:42

Nunku nenumanye ne, Ndi Yehowa, hanalua nʼenu mu buloba bua Isalele, mu buloba bunakaditshiha bua kuha batatu benu.

Yezekiyele 20:23

Kadi nakabisha tshianza tshianyi bua kuditshiha kudibo mu tshihela ne, Nennumuangalashe munkatshi mua bisamba bia bantu, nennutangadishe mu maloba makuabo,

Yezekiyele 20:5

Ubambile ne, Mukelenge Yehowa udi wamba ne, Mu dituku dinakasungula Isalele, ne dinakabisha tshianza tshianyi bua kuditshiha kudi tunkanunuma tua Yakoba, ne dinakadimuenesha kudibo mu buloba bua Ejipitu, hanakaditshiha kudibo mutshihu eu ne, Meme ndi Yehowa, Nzambi wenu;

Yirmeya 11:5

bua njadike mutshihu wanyi unakaditshiha kudi bankambua benu, bua kubaha buloba budi bûle tente ne mabele ne buitshi, bu mudibu lelu eu. Hashishe meme nakitaba, nakamba ne, Amen, Yehowa!

Yoshua 5:6

Bualu bua Bena Isalele bakendakana mu tshihela bidimu makumi anai tô ne hakajimishibua bena nvita bonso bakaluhuka mu Ejipitu, bualu bua bobo kabakunvua dî dia Yehowa; bakadi Yehowa muditshihe kudibo ne, Nuenu kanuena nutangila buloba buakalaya Yehowa batatu benu ne, Nennuhebu; buloba budi bûle tente ne mabele ne buitshi.

Dielulula 32:8

Hakaha Nzambi wa mu diulu bisamba buhianyi buabi, hakatahululeye bantu, wakadika mikalu ya bantu bu mudi bungi bua bana ba Isalele.

Dielulula 31:20

Bualu bua hanakamana kulua nʼabo mu buloba bunakalaya batatuʼabo, budi bûle tente ne mabele ne buitshi, ne hakamanabo kudia, kukuta ne kuvunda, hashishe nebakudimune mitshima yabo bua kutendelela nzambi mikuabo, nebayikuatshile mudimu, nebampetule, nebashihe tshihungidi tshianyi.

Dielulula 27:3

Nenufundehu mikenji ei hanuasabuka; nunku nenubuele mu buloba budi Yehowa, Nzambi wenu, unuha, buloba budi bûle tente ne mabele ne buitshi, bu mudi Yehowa, Nzambi wa bankambua benu, munulaye.

Dielulula 26:15

Utangile hanshi mu muaba webe wa tshijila mu diulu, uvudishile bantu bebe ba Isalele disanka, ne buloba buwakutuha, bu muwakalaya bankambua betu, buloba budi bûle tente ne mabele ne buitshi.

Dielulula 26:9

wakalua nʼetu mu muaba eu, wakatuha buloba ebu, buloba budi bûle tente ne mabele ne buitshi.

Dielulula 11:9

ne bua nuenu nuvudishangane matuku enu mu buloba buakalaya Yehowa batatu benu bua kubahabu ne tunkanunuma tuabo, buloba budi bûle tente ne mabele ne buitshi.

Dielulula 6:3

Unvuai, Isalele, nubienze; bua nuenu nukume dikasa dimpe, ne bua nuenu nukumbane ba bungi, bu muakanulaya Yehowa, Nzambi wa batatuʼenu, mu buloba budi bûle tente ne mabele ne buitshi.

Dibadika 14:8

Bikala Yehowa ne disanka bualu buetu, yeye nealue nʼetu mu buloba ebu, neatuhebu; buloba budi bûle tente ne mabele ne buitshi.

Dibadika 13:27

Bakamuambila ne, Tuakuya mu buloba buwakatutuma, bulelela, buloba abu budi bûle tente ne mabele ne buitshi, â mmamuma a buloba.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Ekesode 13:5

Halua Yehowa nʼenu mu buloba bua Bena Kanana ne Bena Hiti ne Bena Amole ne Bena Hiwi ne Bena Yebuse buakalayeye batatuʼenu ne, Nennuhebu, buloba budi ne mabele ne buitshi bia bungi, nuenu nuvuluke tshilele etshi mu ngondo eu.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 6:8

Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Dielulula 32:40

Bualu bua ndi mbandisha tshianza tshianyi kulu bua kuditshiha ne, Bu mundi muikale ne muoyo tshiendelele.

Misambu 106:24

Hashishe, bakahetula buloba abu buimpe, kabakitabusha dî dia mulayi wandi.

Yezekiyele 47:14

kadi bunudi nʼabu mbua kuabanyangana buhianyi muomumue, muntu umue angate bu mudi muanʼabo wangata. Bualu bua nakaditshiha bua kubuhesha batatu benu; nunku buloba ebu nebuikale kunudi bu buhianyi buenu.

Dielulula 3:25

Witabushe bua meme nsabuke, utangile buloba buimpe budi dishiya dia Yadene, mukuna au muimpe, ne Lebanona.

Nehemya 9:9

Wewe wakatangila dikenga dia bankambua betu mu Ejipitu, wakunvua muadi wabo kukala kua mai a Dishiba Dikunze,

Nehemya 9:12

Bualu bukuabo, wewe wakabalombola mu munya mu ditutu ne mu butuku mu dî tutu diakatema kahia bua kubatokeshila nshila wa kuakadibo ne bua kuya.

Misambu 47:5

Nzambi wakubanda mu diulu munkatshi mua mbila, Yehowa wakubanda mu tshiona tshia dî dia mpungi.

Yirmeya 3:19

Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.