Yezekiyele 18:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ bialondeye mikenji yanyi, biatumikileye mei anyi bua kuenzeye bimpe, muntu eu udi muakane, neikale ne muoyo bulelela.

MUKANDA WA MYIDI MUKULU

⁹ Mu tshikosu, udi witaba meyi ne mikandu bimvua muele, wenza anu bimpe. Nanku meme Maweja-Nangila Mvidi Mukulu, ndi njadika ne: muntu awu mmuntu wa nsongu, neikale ne muoyi.

Yezekiyele 18:9 交叉引用

Abakuke 2:4

Monai, mutshima wa udi udibandisha kawena muakane munda muandi; kadi muntu muakane neikale ne muoyo bua lulamatu luandi.

Yezekiyele 20:11

Nakabaha mei anyi a kulondabo, nakabamanyisha mikenji yanyi; muntu wayenza neikale ne muoyo bua bualu buai.

Amosa 5:4

Bua Yehowa udi wambila Bena Isalele dî edi ne, Nkeba! meme ne nenuikale ne muoyo;

Yezekiyele 18:17

udi umusha tshianza tshiandi ku malu mabi, udi kayi wangata kasombela anyi makasa, udi ulonda mikenji yanyi, udi utumikila mei anyi; muntu eu kena ufua bua bubi bua tatu wandi, neikale ne muoyo bulelela.

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.

Rome 1:17

Bualu bua buakane bua Nzambi buakubuluibuamu ku ditabusha ne ku ditabusha; bu muakafundabo ne, Muntu muakane neikale ne muoyo ku ditabusha.

1 Yone 3:7

Bana bakese, muntu kanuhambuishi; muntu utu wenza malu makane udi muakane bu mudiye Yeye muakane;

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Yowanane 14:21

Udi ne mikenshi yanyi, udi uyenza, ngudi munsue; Tatu wanyi neasue wansua, meme nemusue kabidi, nendimueneshe kudiye.

Luke 1:6

Bubidi buabo bakadi bakane ku mesu kua Nzambi, bakadi balonda mikenshi yonso ya Mukelenge ne mei andi, kabakadi ne bualu.

Amosa 5:24

Kadi kulumbulula kuakane kuhueke hanshi bu mai, ne buakane buikaleku bu musulu udi uhueka tshiendelele.

Amosa 5:14

Kebai malu makane, kanukebi malu mabi, bua nuenu nuikale ne muoyo; nunku Yehowa, Nzambi wa misumba, neikale nʼenu, bu munutu nuamba.

Yezekiyele 37:24

Muntu wanyi Davidi neikale mukelenge ku mutu kuabo; buonso buabo nebikale ne mulami wa mikoko umue; nebende mu malu andi mbambila, nebatumikile mikenji yanyi, nebayenze.

Yezekiyele 36:27

Nenteke Nyuma wanyi munda muenu, nennuendeshe mu mikenji yanyi mifunda, nenutumikile mikenji yanyi, nengenze.

Yezekiyele 33:15

biahingasha muntu eu mubi tshintu tshiakadiye muangate bu tshieya, biahingasheye bintu biakuangateye bu munyengi, biendeye mu mikenji idi ivuisha muoyo, kayi wenza bualu bubi, yeye neikale ne muoyo, kena ufua nansha.

Yezekiyele 20:13

Kadi Bena Isalele bakantombokela mu tshihela, kabakalonda mei anyi, bakahidia mikenji yanyi idi ivuisha muntu muoyo hayenzeye, ne bakanyanga matuku anyi a mbingu. Nunku nakahangidisha bua kubakoleshila tshiji tshianyi mu tshihela bua kubabutula.

Dielulula 11:1

Nunku suai Yehowa, Nzambi wenu, numunemeke, nutumikile malu andi ne mei andi ne mikenji yandi matuku onso.

Dielulula 5:1

Mose wakabikila Bena Isalele bonso, wakabambila ne, Unvuai, Isalele, mei ne mikenji bindi nnuambila mu matshu enu lelu, bua nuenu nubimanye ne nubienze.

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Rome 8:1

Nunku kakuena dihila mpindiu kudi badi mu Kilisto Yesu.

Yezekiyele 11:12

nunku nenumanye ne, Ndi Yehowa, muena mei anudi kanuyi nulonda, muena mikenji mudi kanuyi nuenza, kadi nuakuenza bu mudibo benza kudi bisamba bidi binunyunguluka.

Yezekiyele 18:10

Bialeleye muana mulume udi munyengi wa bintu ne mumatshishi wa mashi hanshi, anyi udi wenza bualu bukuabo budi bua mushindu eu;

Yezekiyele 18:19

Kadi nudi nunkonka ne, Bualu kai muana kena ne bua kuhila bua mihi ya tatu wandi? Bikala muana muenze malu adi makanangane ne mikenji ne malu adi makane, ne bikaleye mutumikile mikenji yanyi ne muyenze, yeye neikale ne muoyo bulelela.

Dielulula 6:25

Bituenza mikenji ei ku mesu kua Yehowa, Nzambi wetu, bu muakabambileye, netubadibue ne mbakane.

1 Bakalenga 9:4

Ne wewe, biwenda ku mpala kuanyi bu muakenda Davidi, tatu webe, mu buimpe ne mu buakane bua mutshima wandi; biwenza mei onso anakukuambila, biwatumikila mei anyi mafunda ne mei anyi majalame;

Nsumuinu 12:28

Mu nshila wa buakane mudi muoyo, kadi mu nshila wa bubi mudi lufu.