Yezekiyele 17:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Ambila ba mu diku dia bantombokedi ne, Kanuena njingulula malu â, anyi? Ubambile ne, Monai, mukelenge wa Babulona wakalua ku Yelushalema, wakakuata mukelenge ne baminyampala bakuabo bakadimu, wakaya nʼabo ku Babulona.

MUKANDA WA MYIDI MUKULU

¹² — Ebeja bantomboji aba ne: “Nudi bu-mvue tshidi lusumuinu alu luamba anyi?” Ubavuluije mushindu uvua mukalenga wa bena Babilone mubuele mu Yerushalayime, mukuate mukalenga wa ditunga ne balombodi bende, muye nabu mu ditunga diende.

Yezekiyele 17:12 交叉引用

Yezekiyele 24:19

Bantu bakankonka ne, Kuena utujingulula malu â audi wenza, anyi? Adi tshimanyinu kai kutudi?

Yezekiyele 17:3

ubambile ne, Mukelenge Yehowa udi wamba ne, Nyunyu munene wa mukanku, wakadi ne mahuahua manene, mahuahua male mene, muase masala a bungi akadi ne mibidi ya mishindu mishilangane, wakalua ku Lebanona; wakangata ditamba dia ku lusongo lua mutshi wa cêdre;

Yezekiyele 1:2

Mu dituku ditanu dia ngondo, mu tshidimu tshitanu tshia buhika bua Mukelenge Yehoyakina,

Bienzedi 8:30

Filipo wakaya lubilu kudiye, wakamunvua ubala mukanda wa muprofete Yeshaya, wakamukonka ne, Udi mujingulule bualu bûdi ubala, anyi?

Luke 9:45

Kadi bobo kabakamanya dî edi, diakadi dibasokoka bua kabadijinguludi; bakatshina mua kumuebesha dî edi.

Marke 4:13

Yeye wakabakonka ne, Kanuena bamanye lusumuinu elu, anyi? Nenumanye nsumuinu yonso munyi?

Matayi 16:11

Bualu kai nuenu kanuena bamanye ne, Tshiakunuambila bua mitanda ya bidia? Nakunuambila bua kudimukila luevene lua Bafalese ne lua Basadoke.

Matayi 13:51

Yesu wakabakonka ne, Nuakunyua malu â onso, anyi? Bakamuitaba ne, E.

Yezekiyele 3:9

Nenvuishe mutu webe mukole bu dibue dia mbonga mene, muhite dibue dia mutemu bukole. Kubatshinyi nansha, kukuatshiki buowa ku mesu kuabo, bua badi diku dia bantombokedi.

Yezekiyele 2:8

Kadi wewe, muana wa muntu, unvua dî dindi nkuambila; kuntombokedi bu mudibo benza kudi tshisamba atshi tshia bantombokedi. Bulula mukana muebe, udie tshintu tshindi nkuha.

Yeshaya 39:7

Nebaye ne bamue ba bana bebe ba balume badi bafuma kûdi, ne baudi ulela mene; nebikale batungula mu mbalasa wa mukelenge wa Babulona.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Yoshua 4:21

Yeye wakambila Bena Isalele ne, Biakonka bana benu batatuʼabo mu matuku atshidi ku mpala ne, Mabue â ntshinyi?

Yoshua 4:6

nunku mabue au neikale munkatshi muenu bu tshivulukidi, ne hanukonka bana benu mu tshikondo tshialua ne, Mabue â ntshinyi?

Dielulula 6:20

Hakukonkabo kudi muanʼebe mulume ne, Mei au ne mikenji ne malu biakanuambila Yehowa, Nzambi wenu, bidi tshinyi?

Ekesode 12:26

Hanukonka bana benu ne, Nudi nuenzela tshilele etshi tshinyi?

Yeshaya 3:2

Udi umusha muena bukitu ne umena nvita, mulumbuluishi wa bilumbu ne muprofete, mutempeshanganyi wa mbuku ne nkolomo;

Yirmeya 37:1

Sedekiya, muana wa Yoshiya, wakasungulabo mukelenge mu buloba bua Yuda kudi Nebukadenesâ, mukelenge wa Babulona, wakadi ukokesha bantu bu mukelenge mu muaba wa Yekoniya, muana wa Yehoyakima.

Yirmeya 52:3

Tshiji tshia Yehowa tshiakatema bikole kudi Bena Yelushalema ne Bena Yuda tô ne hakahiteye ku mesu kuandi. Sedekiya wakatombokela mukelenge wa Babulona.

Yezekiyele 17:11

Hashishe dî dia Yehowa diakalua kundi ne,

Yezekiyele 37:18

Ne hakukonka bana benu ne, Kuena utujinguluila bualu bûdi utufuanyikishila malu â, anyi?

2 Bakalenga 24:20

Tshiji tshia Yehowa tshiakakumbana kudi Bena Yelushalema ne kudi Bena Yuda tô ne hakumusheye bonso ku mesu kuandi. Sedekiya wakatombokela mukelenge wa Babulona.

Yirmeya 34:21

Nenfile Sedekiya, mukelenge wa Yuda, ne baminyampala bandi mu bianza bia bena lukuna babo, ne mu bianza bia badi bakeba mioyo yabo ne mu bianza bia masalayi a mukelenge wa Babulona akumuka kunudi tshituha.