Yezekiyele 16:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hanakahitshila ha buihi nʼebe kabidi, nakakutangila, ne wakatshidi mu tshikondo tshia kukunangabo; nunku nakakubaluila tshmialu tshianyi, nakabuikila butaka buebe. Nunku Mukelenge Yehowa udi wamba ne, Bulelela, nakaditshiha kûdi, nakahunga nʼebe tshihungidi, ne wewe wakalua wanyi.

MUKANDA WA MYIDI MUKULU

⁸ Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Yezekiyele 16:8 交叉引用

Rute 3:9

Yeye wakakonka ne, Wewe udi nganyi? Yeye wakamukudimuna ne Meme Luta, muenji webe wa mudimu, olola tshilamba tshiebe hamʼbidi ha mukashi, muena mudimu webe, bualu bua wewe udi muena tshiota tshietu.

Rome 5:8

Kadi Nzambi wakatamba kulesha luse luandi kutudi mu muanda eu ne, Hatutshivua bantu babi, Kilisto wakatufuka.

Yeshaya 43:4

Bualu bua wewe udi tshintu tshia mushinga mukole ku mesu kuanyi, mutumbishibue ne munangibue kundi, nunku nenfile bantu bakuabo mu muaba webe, nenshintakashe mioyo ya binga bisamba ku muoyo webe.

Osheya 11:1

Hakadi Bena Isalele bana, nakabananga, ne nakabikila bana banyi bua kumukabo mu Ejipitu.

Dielulula 4:31

bualu bua Yehowa, Nzambi wenu, udi Nzambi wa luse; yeye kena unuhanga, kena unujimisha, yeye kena uhua muoyo bualu bua tshihungidi tshia batatuʼenu tshiakahungeye nʼabo.

Ekesode 32:13

Uvuluke Abalahama ne Isaka ne Isalele, bantu bebe, bawakaditshiha kudibo, wakabambila ne, Nenvudishe bana benu bu bungi bua mitoto ya mulu, ne buloba ebu buonso bunakanuambila nempe bana benu, bobo nebabuhiane tshiendelele.

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.

Yezekiyele 16:6

Hanakahitshila hehi nʼebe mu nshila, nakakumona udibonda mu mashi ebe, ne nakakuambila ne, Ikala ne muoyo mu mashi ebe; e, nakakuambila ne, Mu mashi ebe wikale ne muoyo!

Yirmeya 31:3

Yehowa wakamueneka kundi kale, wamba ne, Nakukunanga ne dinanga dia tshiendelele, nunku nakunanukila kukulesha luse lujalame.

Malaki 1:2

Yehowa udi wamba ne, Nakunusua, kadi nudi nuamba ne, Wakutunanga munyi? Yehowa udi ukonka ne, Esau kakadi muanʼabo ne Yakoba, anyi? Nakananga Yakoba,

Yirmeya 31:32

Yehowa udi wamba ne, Katshiena tshikala bu tshihungidi tshinakahunga ne batatu babo mu dituku diakabakuata ku tshianza bua kuluhuka nʼabo mu buloba bua Ejipitu; bualu bua bakashiha tshihungidi tshianyi, ne meme nakadi mukelenge wa ha mutu habo.

Genese 22:16

wakamba ne, Nakaditshiha ku dina dianyi, muakuamba Yehowa, bualu bua wewe wakuenza bualu ebu, kuakumpidisha muanʼebe, muana umue hele mene,

Osheya 2:7

Yeye nealonde bamunangi, kadi kena ubaheta; yeye neabakebe, kadi kena ubamona. Hashishe, neambe biandi ne, Nempingane kudi bayanyi wa ku mpala, bualu bua tshikadilu tshiakadi nʼatshi diambedi tshiakahita tshindi nʼatshi mpindiu buimpe.

Osheya 2:15

Hashishe, nemmuhingashileku madimi andi a tumuma tua nvinyo, nemmuhe tshibanda tshia Akola bu tshibuelelu tshia ku ditekemena. Yeye neitabe kundi bu muakenzeye mu bunsongakashi buandi, bu mu dituku diakaluhukeye mu Ejipitu.

Ekesode 15:16

Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.