Yezekiyele 16:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nakakudiundisha bu mudi tshintu tshidiunda mu budimi, ne wewe wakaleha ne wakakola, tô ne hawakalua ku tshikondo tshia bukole buebe. Mabele ebe akasaba, nsuki yebe yakamana kuleha; kadi wakadi butaka kuyi ne tshilulu hamʼbidi.

MUKANDA WA MYIDI MUKULU

⁷ Meme kukukolesha, wewe kuenza bu tshilongu tshidi tshitayika, tshilengela. Wewe kutantamana, kushala nsongakaji mulengele, wewe kuasa mabela, miosa yebe kupatuka pambidi. Kadi uvua anu butaka menemene.

Yezekiyele 16:7 交叉引用

Dielulula 1:10

Yehowa, Nzambi wenu, wakunukumbasha ba bungi, ne monai, lelu nudi bu bungi bua mitoto ya mulu.

Ekesode 1:7

Bena Isalele bakakumbana ba bungi, bakavulangana, bakalua bakole be, bakula mu buloba tente.

Yeshaya 62:3

Newikale tshifulu tshia bulengele mu tshianza tshia Yehowa, ne tshifulu tshia bukelenge mu tshianza tshia Nzambi webe.

Bienzedi 7:17

Hakafikila tshikondo tshia kushikishabo mulayi wakalaya Nzambi Abalahama ha buihi, bantu bakavulangana, bakakumbana ba bungi mu Ejipitu

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Yezekiyele 16:22

Mu malu ebe onso a tshinyangu ne a masandi kuakuvuluka matuku a buana buebe, hawakadi butaka kuyi ne tshivualu, udibonda mu mashi ebe.

Yezekiyele 16:16

Wakavula bivualu biebe, wakadilongoluela nʼabi bitendelelu ha mitu ha mikuna bilengeshibue ne mibidi ya mushindu ne mushindu, wakendelamu masandi; malu a mushindu eu kaena manze kuenjibua, ne kaena enjibua kabidi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Musambu wa Solomo 4:5

Mabele ebe abidi adi bu bana ba ngulungu, bu bana ba mahasa ba ngulungu, badi badia munkatshi mua nsungubidi.

Misambu 148:14

Yeye wakuambuila bantu bandi lusengu, wakudivuisha wa kutumbishibua kudi bansanto bandi bonso, kudi bantu ba mu Isalele badi ha buihi nʼandi. Tumbishai Yehowa!

Misambu 147:20

Kena muenzele ba mu tshinga tshisamba nunku nansha; kabena bamanye kulumbulula kuandi. Tumbishai Yehowa!

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

Yobe 1:21

Wakamba biandi ne, Nakaluhuka mu difu dia mamuʼanyi butaka, nempingane butaka. Yehowa wakampa bintu, Yehowa wakangata bintu; dina dia Yehowa ditumbishibue.

Dielulula 4:8

Tshisamba kai tshidi ne mikenji ne mei majalame bu mikenji ei yonso inakateka ku mpala kuenu lelu?

Ekesode 12:37

Bena Isalele bakaya ku Lamesese tô ne ku Sukota, balume bakenda hanshi bakadi bu bununu nkama isambombo, ne bana kabidi.

Ekesode 3:22

Kadi mukashi ne mukashi nealombe mukashi udi ushikama ha buihi nʼandi, ne mukashi udi ushikama mu nsubu wandi, bintu bia argent ne bia or ne bilulu, nuenu nenubiluatshishe bana benu ba balume ne bana benu ba bakashi, nunku nenuhaule Bena Ejipitu.

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

Musambu wa Solomo 8:8

Tudi ne muakunyʼetu wa bakashi udi kayi muase mabele; netuenzele muakunyʼetu wa bakashi tshinyi dituku diamubangilabo?

Musambu wa Solomo 8:10

Meme ndi bu tshimanu tshia nsubu, mabele anyi adi bu bibumba biatshi; nunku nakadi ku mesu kuandi bu muntu muhele dikisha.

Yezekiyele 16:6

Hanakahitshila hehi nʼebe mu nshila, nakakumona udibonda mu mashi ebe, ne nakakuambila ne, Ikala ne muoyo mu mashi ebe; e, nakakuambila ne, Mu mashi ebe wikale ne muoyo!

Dielulula 1:11

Yehowa, Nzambi wa batatuʼetu, anukumbashe tô ne hanuahita bungi buenu bua katataka misangu tshinunu, anusankishe bu muakunulayeye!