Yezekiyele 13:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua ku mashimi enu nuakunyingalasha mutshima wa muntu muakane, undi tshiyi munyingalashe; nuakukolesha mutshima wa muntu mubi bua yeye kalekedi kuenda mu nshila wandi mubi bua kuhandisha muoyo wandi.

MUKANDA WA MYIDI MUKULU

²² Panudi nushima bantu, nudi nutekesha bantu ba nsongu ku muoyi, bantu bamvua tshiyi musue kukengesha. Kadi, nudi nuambuluisha bantu babi bua batungunuke ne malu abu mabi, bafuane kujimija muoyi wabu.

Yezekiyele 13:22 交叉引用

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yezekiyele 13:16

mbaprofete ba Bena Isalele mene badi bamba mei abo bua Yelushalema ne badi bamona bikena kumona bia ditalala, kadi ditalala kadiyiku.

Yezekiyele 9:4

Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Yirmeya 23:17

Batu bambila bantu babi bampetula ne, Yehowa wakuamba ne, Nenuikale ne ditalala. Badi bambila muntu yonso udi wenda mu tshitshu tshia mu mutshima wandi ne, Dikenga kadiena dikukuata.

Yezekiyele 18:21

Kadi bialekela muntu mubi malu mabi andi onso akenzeye, biatumikileye mikenji yanyi yonso ne bienzeye malu adi makanangane ne mikenji ne malu adi makane, neikale ne muoyo bulelela, kena ufua nansha.

Yirmeya 29:32

nunku Yehowa udi wamba ne, Monai, nenkengeshe Shemaya, Muena Nehelama, ne bana bandi kabidi. Yeye kena wikala ne muntu umuehele washala munkatshi mua bantu aba, ne kena umona diakalengele dindi nvuishila bantu banyi, bualu bua yeye wakuamba mei a kutombokela nʼau Yehowa.

Yirmeya 28:16

Nunku Yehowa udi wamba ne Mona, nenkûmushe ha buloba; tshidimu etshi neufue biebe, bualu bua wakuamba mei a kutombokela nʼau Yehowa.

Yirmeya 23:9

Bualu bua baprofete: Mutshima wanyi udi uhandika munda muanyi, mifuba yanyi yonso idi ikanka; ndi bu muntu mukuatshike maluvu, ne bu muntu udi maluvu a nvinyo mahite bukole, bualu bua Yehowa ne bua mei andi a tshijila.

Yirmeya 8:11

Bakûmisha mputa wa bantu banyi anu kakese, bamba ne, Ditalala, ditalala, ne ditalala kadiyiku.

Yirmeya 6:14

Bakûmisha mputa wa bantu ba nyi anu kakese, bamba ne, Ditalala, ditalala; ne ditalala kadiyiku.

Yirmeya 4:10

Hashishe nakamba ne, Aka! Mukelenge Yehowa! Bulelela, wakudinga bantu aba ne ba mu Yelushalema bikole hawakamba ne, Nenuikale ne ditalala, kadi muele wa nvita udi ubatubula tô ne ku mioyo yabo.

Yeshaya 28:15

Bualu bua nuakuamba bienu ne, Tuakuhunga tshihungidi ne lufu, tuakuhungakasha dî ne Muaba wa Bafue; halua tshihuhu tshidi tshihongoloka kuhitshilamu, katshiena tshifika kutudi; bualu bua tuakuvisha mashimi tshinyemenu tshietu, tuakusokoma muinshi mua kudinga.

Yirmeya 29:31

Utumine badi mu buhika ebu ai edi ne, Yehowa udi wamba bua Shemaya, Muena Nehelama ne, Bualu bua Shemaya wakunuambila mei a, ne meme tshiena mumutume nansha, ne yeye wakunuenzesha bua nuenu kueyemena mei a mashimi;

Yirmeya 34:16

Kadi nuakukudimuka ne nuakuhetula dina dianyi, nuakudihingashila, muntu ne muntu, bahika banuakadi balekele, balume ne bakashi, ne nuakubabuesha mu buhika tshiakabidi bua kuikalabo bahika benu, balume ne bakashi.

Yirmeya 34:22

Yehowa udi wamba ne, Monai, ndi ngela mukenji, nengahingashe ku musoko eu, nealuangane ne benʼau, neabatambe bukole, neawoshe ne kahia; ne nenvuishe misoko ya mu Yuda bu bikulu, kayiyi ne bantu.

Yezekiyele 18:27

Kadi bialekela muntu mubi bubi buakadiye wenza ne bienzeye malu adi makanangane ne mikenji ne malu adi makane, neahandishe muoyo wandi.

Amosa 5:12

Bualu bua ndi mumanye ne malu mabi enu adi mavule, ne mibi yenu idi mihite bukole; nuenu nudi nukengesha badi bakane, nudi nuangata mbueshilu, nudi nusesuishe bahele ku tshibuelelu tshia musoko.