Yezekiyele 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Ambula bintu biebe bia luendu ha diaha ku mesu kuabo, luhuka nʼabi butuku; buikila mesu ebe bua wewe kutangidi buloba; bualu bua nakukuteka bu tshimanyinu kudi ba mu tshisamba tshia Bena Isalele.

MUKANDA WA MYIDI MUKULU

⁶ Bantu bamone muudi ubiambula pa makaya, umuka nabi, ubuela mu midima. Udibuikile ku mesu bua kumonyi kuudi uya. Ndi nkutuma nanku bua umanyishe bena Izrayele malu onsu andi ne bua kubenzela.

Yezekiyele 12:6 交叉引用

Yezekiyele 4:3

Udiangatshile mpanu wa tshiamu tshifike, umuteke bu lumbu lua tshiamu tshifike hankatshi hebe ne musoko; tangisha mpala webe kudiu, ûvuishe bu musoko udibo batshintshimika, ne wewe ûtshintshimike. Etshi netshikale tshimanyinu kudi Bena Isalele.

Yezekiyele 24:24

Yehezekele neikale tshimanyinu kunudi bu muakuenzeye mu malu â onso nuenu nenuenze. Halua bualu ebu bunakuamba, mu diba adi nenumanye ne, Meme ndi Mukelenge Yehowa.

Yeshaya 8:18

Monai, meme ne bana bakumpabo kudi Yehowa tudi bu bimanyinu ne bu malu a kukema mu Isalele bidi Yehowa wa misumba, udi mushikame mu mukuna wa Siona, mutumine bantu.

1 Samuele 28:8

Shaula wakadifuanyisha bu munga muntu, wakaluata bilulu bikuabo, wakaya ne bantu bandi babidi bakuabo, bakafika kudi mukashi au butuku. Yeye wakamba ne, Ndi nkusengelela ne, Untempe lubuku lua bakishi, umueneshe ku mesu kuanyi muntu undi nkuambila dina diandi.

Yobe 24:17

Bualu bua mundankulu mudi bu dinda kudibo bonso, bua bobo badi bamanye malu a mundankulu adi akuatshisha bantu buowa.

2 Samuele 15:30

Davidi wakabanda mukuna wa Olive, wenda udila; wakabuikila mutu wandi, wakashiya makasa andi hatuhu, bantu bonso bakadi nʼandi bakabuikila mitu yabo, badile hakabandabo.

Yezekiyele 12:5

Utubule disoso mu tshimanu tshia nsubu ku mesu kuabo, hatukilaku ne bintu biebe.

Yezekiyele 12:13

Nengande bukuondo ku mpala kuandi, yeye neakuatshibue mu buteyi buanyi; nenye nʼandi ku Babulona, ku buloba bua Bena Kasada; kena ubumona ku mesu, kadi neafuilemu.

2 Bakalenga 7:5

Hakamba diba kubuela, bakajuka, bakaya ku tshitudilu tshia Bena Sulia; hakafikabo ku mpenge wa tshitudilu tshia Bena Sulia, kabakasanganaku muinu,

Zekâya 3:8

Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.