Yezekiyele 12:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi nensungile bantu banya-banya ba munkatshi muabo ku muele wa nvita, ku tshiole ne ku tshihuhu, bua bobo batondele ba mu bisamba bia kudibo baya malu a bundu akadibo benza; nunku nebamanye ne, Ndi Yehowa.

MUKANDA WA MYIDI MUKULU

¹⁶ Kadi nempandishe bantu bakuabu ku mvita, ku tshiyole tshia nzala, ne ku disama dia tshiambu. Bobu nebalondele bena matunga adibu basombe mu bupika muvuabu benza malu mabi. Nanku bantu ba bisamba bia bende abu nebamanye kabidi ne: meme ndi Maweja-Nangila.

Yezekiyele 12:16 交叉引用

Yirmeya 4:27

Bualu bua Yehowa udi wamba ne, Buloba buonso nebuikale muaba wa hatuhu, kadi tshiena mbutula bintu bionso tshishiki.

Yeshaya 1:9

Bu Yehowa wa misumba kayi mutushile difuka dikese dia bantu bakahanduka munkatshi mua bantu bakadiku diambedi, tuakadi kuikala bu Sodoma, tuakadi kufuanangana ne Amola.

Rome 9:27

Yeshaya wakela dî dikole ne, Bikala bungi bua Bena Isalele bu nsenga ya kukala kua mai manene, difuka didi dishala nedisungidibue.

Matayi 24:22

Bu matuku au kâi makeheshibue kudi Nzambi, nasha muntu wakadi kuhanduka; kadi Yeye neateheshe matuku au bualu bua badibo basungula kudi Nzambi.

Matayi 7:14

Mushiku wa mbelu udi mubumbakane, ne nshila wa ku muoyo udi mubumbakane, ne bantu banya-banya badi bamumona.

Yezekiyele 36:31

Hashishe nenumuke bilele Dienu bibi, ne bienzedi bienu biakadi kabiyi biakane; malu enu mabi ne a bundu neanutonde mene.

Yirmeya 30:11

Yehowa udi wamba ne, Ndi nʼebe bua kukusungila. Nembutule bisamba abi bionso kashidi binakunumuangalasha munkatshi muabo, kadi tshiena nkubutula wewe kabutu. Nenkubele ne kulumbulula kuakane, kadi tshiena nkulekela tshianana, kuyi mukengeshibue.

Yeshaya 24:13

Bualu nebuikale nunku munkatshi mua buloba, munkatshi mua bantu badimu, bu mudi kunyukula kua mutshi wa olive, bu mudi kuhumbulula kua tumuma tua nvinyo ku nyima kua kuhuola kuatu kua diambedi.

Yeshaya 10:22

Bualu bua bikala bantu bebe bungi bua nsenga ya kukala kua mai manene, Isalele, anu tshituha tshia bungi buabo netshihingane. Kubutuka kudi kusungudibua, kudi kuhumuka ne buakane.

Yeshaya 10:19

Mitshi itshidi ishala ne muoyo mu ditu diandi neyikale anu mikese, ne bua bukeha buai muana neamanye mua kufunda bungi buai mu mukanda.

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Genese 13:16

Nenkuvudishile tunkanunuina tuebe, netuikale bu dinfuenkenya dia buloba, nunku biamanya muntu mua kubala dinfuenkenya dia buloba, hashishe, tunkanunuina tuebe netubadibue kabidi.

Yezekiyele 7:15

Muele wa nvita udi ha mbelu, tshihuhu ne tshiole bidi munda mua nsubu; udi mu mpata neafue ku muele wa nvita, udi mu musoko neafue ku tshiole ne ku tshihuhu.

Yezekiyele 12:15

Nebamanye ne, Ndi Yehowa, hanabamuangalasha munkatshi mua bisamba bikuabo ne hanabatangadisha mu maloba a bende.

Yezekiyele 12:17

Dî dia Yehowa diakalua kundi kabidi ne,

Yezekiyele 14:21

Bua malu â Mukelenge Yehowa udi wamba ne, Bualu nebuhite bukole hanatuma milau yanyi mikole inai ku Yelushalema, muele wa nvita, tshiole, nyama ya luonji ne tshihuhu, bua kubutulamu bantu ne nyama!

Yezekiyele 36:20

Hakafikabo munkatshi mua bisamba abi kuakayabo, bakanyanga dina dianyi dia tshijila; bualu bua bantu bakuabo bakamba bua bualu buabo ne, Aba mbantu ba Yehowa, bakaluhuka mu buloba buandi.

Misambu 59:12

Bua malu mabi adi mukana muabo, bua mei adi ku mishiku yabo mene, bakuatshibue mu buteyi bua diambu diabo. Bua milau idibo bela ne bua mei a mashimi adibo bamba,