Yeshaya 9:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

MUKANDA WA MYIDI MUKULU

¹⁷ Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yeshaya 9:17 交叉引用

Yirmeya 18:21

Nunku udie bana bakalelabo bua kufuabo ne tshiole; ubafile ku bukole bua muele wa nvita; bakashi babo bashale kabayi ne bana bakalelabo ne bakashi ba mu lufuila; balume babo bafue ku tshihuhu, bansongalume babo bashihibue mu nvita ku muele wa nvita.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 5:25

Bua malu â tshiji tshia Yehowa tshiakatema kudi bantu bandi, ne yeye wakolola tshianza tshiandi bua kubakuma nʼatshi, wakabatuta; mikuna yakazakala, ne bitalu biabo biakalala munkatshi mua misesu bu bintu bia kuela ku diala. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Yeshaya 9:12

Bena Sulia ku luseke lua esete, ne Bena Peleshete ku luseke lua wesete bakudia Bena Isalele mukana muabo mubulula. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Misambu 147:10

Kena ne disanka bua bukole bua kabalu, kena ne disanka bua mikolo ya muntu.

Matayi 16:3

mu dinda nutu nuamba ne, Lelu nvula nealue, bualu bua diulu didi dikunze kunzu, nvula udi mufinde. Nudi bamanye mua kujingulula mpala wa diulu, kadi kanuena bamanye mua kujingulula bimanyinu bia bikondo.

Zekâya 9:17

Monai mudi diakalengele diandi ne buimpe buandi bihite bunene! Maminu a blé neadiundishe bansongalume bikole, ne nvinyo muhia-muhia neadiundishe mishikankunde.

Mika 7:2

Muntu muakane wakujimina ha buloba, kakuena muntu mujalame munkatshi mua bantu kabidi. Bonso badi balamina bakuabo bua kumatshisha mashi abo hanshi; muntu yonso udi wanda muanʼabo bukuondo.

Yezekiyele 20:33

Mukelenge Yehowa udi wamba ne, Bu mundi ne muoyo, nengikale mukelenge ku mutu kuenu ne tshianza tshikole, ne diboko diolola kunudi, ne tshiji tshianyi tshinukoleshile.

Yirmeya 5:1

Endakanai lubilu mu misesu ya mu Yelushalema, numone, numanye, nukebekebe mu miaba minene yonso, binuamanya mua kuhetaku muntu umue udi wenza malu mimpe, udi ukeba malu malelela, ne nemmubuikidile malu mabi andi.

Yeshaya 65:19

Nensanke bua Yelushalema, nensanke bua bantu banyi; kabena bunvua dî dia madilu anyi dia muadi wa dikenga munkatshi muandi kabidi.

Yeshaya 62:5

Bu mudi nsongalume ubaka mukashi utshidi kamama, muibaki webe neikale bayebe, ne bu mudi mubaki wa mukashi usanka bua mukashi udiye ubaka, nunku Nzambi webe neasanke bua bualu buebe.

Yeshaya 13:18

Mata abo neasunsule mibidi ya bansongalume, kabena bafuila badi bahatuka mu mafu luse, mesu abo kaena amona bana ne dinanga dia mua kubasungila.

Yeshaya 10:2

bua kusesuisha badi bakengela bintu bua kabikadi ne dikosa dimpe dia bilumbu biabo, ne bua kunyenga kulumbulula kuakane kudi bahele ba munkatshi mua bantu banyi, bua bakashi ba mu lufuila bikale bintu bia kuhaulabo, ne bua kuvuishabo bana ba nshiya bintu bia kunyengabo!

Yeshaya 1:4

Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

Yobe 15:34

Bualu bua tshisumbu tshia babengi ba Nzambi katshiena tshitanta, ne kahia nekashidishe ntenta ya bena mbueshilu.

Misambu 109:12

Muntu kamufuidi luse; muntu kafuidi bana bandi ba nshiya luse.

Yeshaya 3:8

Bualu bua Yelushalema wakulenduka, ne Yuda wakuhona; bualu bua mei abo ne bienzedi biabo bidi bihidia Yehowa, bidi bivuisha tshiji ku mesu kua udi ne butumbi.

Yeshaya 14:20

Wewe kuena usangishibue nʼabo mu dijikibua diebe, bualu bua wakubutula buloba buebe, wakushiha bantu bebe. Kabena batela mena a tunkanunuina tua benji ba malu mabi tshiendelele!

Yeshaya 24:5

Buloba buakunyanguka bualu bua malu mabi a badi bashikamehu; bualu bua bakusambuka mei a Nzambi, bakuhetula mikenji yandi, bakuhidia kutumikila tshihungidi tshia tshiendelele.

Yeshaya 31:2

Kadi yeye kabidi udi ne meji, udi uvuisha makenga, kena ukudimuna mei andi, kadi neajuke bua kukanda ba mu nsubu wa benji ba malu mabi, ne bakuatshishi ba badi benza malu mabi.

Yeshaya 31:3

Bena Ejipitu badi bantu, kabena Nzambi nansha; tubalu tuabo tudi nyama, katuena nyuma nansha. Holola Yehowa tshianza tshiandi, mukuatshishi nealenduke, ne udiye mukuatshishe neadishinde, ne buonso buabo nebajimine hohamue.

Yeshaya 40:30

Nansha tuahanga bitende ne biahungilabo, nansha bikala bansongalume bimpe badishinde hanshi mene,

Amosa 4:10

Yehowa udi wamba ne, Nakatuma tshihuhu munkatshi muenu bu tshinakatumina ba mu Ejipitu; nakashiha bansongalume benu ku muele wa nvita; nakanyengesha tubalu tuenu mu nvita; nakanunkisha mûlu enu muhuya mubi wa tshitudilu tshienu; kadi kanuakahingana kundi.

Amosa 8:13

Mu dituku adi mishikankunde ya mpala mimpe ne bansongalume nebahungile ne nyota.

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yeshaya 33:11

Wakuimita difu didi ne bisote, neulele misekeleke; muhuya webe udi bu kahia kadi kakushidisha.

Yeshaya 33:12

Ne bantu nebikale bu mabue adibo bosha alua luhemba, bu mionshi ya meba yakatahabo, idibo bosha mu kahia.