Yeshaya 9:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku Yehowa wakukosela Isalele mutu ne mukila, dilala dia dibue ne disela, mu dituku dimue.

MUKANDA WA MYIDI MUKULU

¹⁴ Bakulu ne bantu banene ke mutu, bambi badi bashima ke mukila.

Yeshaya 9:14 交叉引用

Didimanyisha 18:8

Bua bualu ebu makenga andi nealue dituku dimue, lufu ne madilu ne tshiole; nebamushidishe mu kahia, bua Mukelenge Nzambi udi umulumbuluisha udi mukole.

Yeshaya 19:15

Ne kakuena kushala mudimu mukuabo mu Ejipitu, udi mutu anyi mukila, dilala dia dibue anyi disele mua kuenza.

Didimanyisha 18:17

Bualu bua mu luhola lumue bubanshi bunene nunku budi bubutudibua. Ne kapitene konso ka buatu, ne muntu yonso udi wenda mu buatu mu muaba wonso, ne bendeshi ba matu, ne bonso badi baheta bidibo nʼabi bualu ku mudimu wa ha mai manene, bakimana ha bule,

Didimanyisha 18:10

nebimane ha bule bualu bua ditshina dia dikenga diandi, bamba ne, Mulau, mulau, musoko munene, Babulona, musoko mukole! Bualu bua dihisha diebe diakulua mu luhola lumue.

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Amosa 6:11

Nunku monai, Yehowa udi wela mukenji ne, Nebauhule nsubu munene tô ne hashaleye tshibû, ne nsubu mukese tô ne hashaleye buloba.

Amosa 3:12

Yehowa udi wamba ne, Bu mudi mulami wa mikoko udihula maboko abidi anyi tshihesa tshia ditshu mukana mua nyama wa ntambue, nunku nebahandishile Bena Isalele badi bashikame mu Samalea ku ditumba dia bulalu, ne ha biata bia mu Damaseke.

Osheya 13:3

Bua muanda eu nebikale bu ditutu dia lunkelu, ne bu mume udi ukama lukasa, bu bisote bidi nvunde uhehula ku tshishihuidi, anyi bu muishi wa kahia udi uhatuka mu dididishi.

Osheya 10:15

Nuenu Bena Isalele, nebanuenzele nunku bualu bua bunene bua bubi buenu; hatshiabu, mukelenge wa Isalele neabutudibue kabutu.

Osheya 8:8

Bakumana kumina Bena Isalele. Mpindiu badi munkatshi mua bisamba bia bantu bu luesu ludi kaluyi ne mushinga.

Osheya 4:5

Ne wewe, muakuidi, neulenduke mu munya; muprofete nealenduke nʼebe butuku; ne meme nenshihe mamu webe.

Osheya 1:9

Yehowa wakamba ne, Umuidike dina ne, Kambantu-banyi!; bualu bua nuenu kanuena bantu banyi, ne tshiena ngikala Nzambi wenu.

Osheya 1:6

Yeye wakimita difu kabidi, wakalela muana wa bakashi. Yehowa wakambila Hoshea ne, Umuidike dina ne, Udibo-kabayi-bafuila-luse; bualu bua tshiena nfuila Bena Isalele luse bua kubabuikidila mibi yabo.

Osheya 1:4

Yehowa wakamuambila ne, Umuidike dina ne, Yizelele; bualu bua hahita musangu muihi, nensombuele mashi a Yizelele akadibo bamatshisha hanshi kudi ba mu tshiota tshia Yehu, nengumushe bukelenge kudi Bena Isalele.

Yeshaya 30:13

nunku bualu bubi ebu nebuikale kunudi bu mutanta wa mu lumbu lule udi uhuekahuekamu, utantakana tô ne lushimbuka lumbu, ne dishimbuka dialu didi difika lukasa, mu katuha ka diba mene.

Yeshaya 10:17

Munya wa Bena Isalele newandamuke kahia, ne wandi wa Tshijila neandamuke ludimi lua kahia; neluoshe, nelumane meba andi ne mingonge yandi mu dituku dimue.

Yirmeya 6:21

Nunku Yehowa udi wamba ne, Monai, nenteke bilenduishi ku mpala kua bantu aba; batatu babo ne bana nebalenduke hohamue; muena mutumba ne mulunda wandi nebafue.

Yirmeya 8:12

Bakakuatshika bundu hakenzabo malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nebalenduke.

Muadi 4:16

Tshiji tshia Yehowa tshiakubamuangalasha; yeye kena ubatangila kabidi; kabakunemeka bakuidi babo, kabakulesha bakulu kanemu.