Yeshaya 7:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mu dituku adi Mukelenge neanuheye ne dihaya diakabuesheye mu mudimu wandi, ne diakangateye mu nseke ya buloba idi ku nyima kua Musulu wa Pelata, neanubeye ne mukelenge wa Ashû mene, neabeye nsuki ya ku mitu ne miosa ya ha makasa; dihaya nediumushe muedi wonso kabidi.

MUKANDA WA MYIDI MUKULU

²⁰ Dituku adi, Maweja-Nangila neanubeye nsuki, ne miosa ya pambidi ponsu, ne miedi, ne kapaya kadiye usomba, dia muamua dia musulu wa Perate. Kapaya kende aka, ke mukalenga wa bena Ashure.

Yeshaya 7:20 交叉引用

Yeshaya 8:7

tangila, Mukelenge neabavuishile mai a ku Musulu wa Pelata, adi makole ne adi mavula-ngane, au mmukelenge wa Bena Ashû ne butumbi buandi buonso. Wowo neubande ha mutu ha mitubu yau yonso, neuhasalale mibungiji yau yonso.

Yezekiyele 29:18

Muana wa muntu, Nebukadenesâ, mukelenge wa Babulona, wakenzesha masalayi andi mudimu mukole mu nvita yandi ne Bena Tulo. Mutu wa muntu yonso wakalua dikunyi, diaha dia muntu yonso diakadi ne mabuba; kadi yeye kakaheta difutu, ne masalayi andi kâkangata difutu, bua mudimu wakenzabo wa nvita ne Bena Tulo.

Yeshaya 10:15

Tshisui netshimanye mua kufunyina nfumu watshi udi utaha nʼatshi, anyi? Scie neamanye mua kudibandisha kudi udi uhanda nʼandi, anyi? Ebu mbu muakadi mulangala kulembelela bantu badi baubisha, anyi mbu muakadi tshibonge kubisha muntu udi kayi mufukibue mutshi!

Yezekiyele 29:20

Mukelenge Yehowa udi wamba ne, Nakumuha buloba bua Ejipitu bu difutu dia mudimu wakungenzeleye, bualu bua bakunkuatshila mudimu.

Yeshaya 11:15

Yehowa neakamishe diboko dia mai manene a mu Ejipitu tshishiki; neakuhe tshianza tshiandi ha mutu ha Musulu wa Pelata, ne luhehele luandi ludi lûmisha, nenutahulule mu tusulu muanda mutekete, neasabulehu bantu ne bisabata biabo kabiyi bibola.

Yeshaya 1:5

Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yirmeya 2:18

Katataka kuya kuebe mu Ejipitu kudi kumuhetesha tshinyi? Anu bua kunua mai a musulu wa Nile, anyi? Kuya kuebe mu Ashû kudi kukuhetesha tshinyi? Anu bua kunua mai a musulu wa Pelata, anyi?

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Yeshaya 36:1

Mu tshidimu tshia dikumi ne tshinai tshia bukokeshi bua mukelenge Hezikiya, Saneheliba, mukelenge wa Ashû, wakalua, wakaluangana ne bena misoko yonso ya ngumbu ya mu Yuda, wakayinyenga.